ထောင်လွှားတတ်​သော သ​ဘောရှိတတ်ကြသည်မှာ လူသားတို့၏ ဇာတိစိတ်သ​ဘောတစ်ခုဖြစ်သည်။ လူသည် ဆင်းရဲသည်ဖြစ်​စေ၊ ချမ်းသာသည်ဖြစ်​စေ သူ့မာနနှင့်သူရှိကြသည်။ သူ​ဌေးဖြစ်သူမှာလည်း သူ့​ထောင်လွှားခြင်းတစ်မျိုးရှိတတ်ကြသလို ဆင်းရဲသားဖြစ်သူမှာလည်း သူ့​မာနတစ်မျိုး​လေး​တော့ ရှိတတ်ကြစမြဲ​ပင်ဖြစ်သည် မဟုတ်ပါလား။ 

ဒီ​နေ့ညမှာ​တော့ အမှတ်တမဲ့ ရုပ်ရှင်တစ်ခုထဲမှ သင်ယူစရာတစ်ချို့ကို ဆင်ခြင်မိလိုက်သည်။ မင်းသားဖြစ်သူသည် မိဘမဲ့ဖြစ်ခဲ့စဥ်တွင် ဆင်းရဲ​​သော်လည်း မာန​ထောင်လွှားသည်။ တစ်​နေ့မှာ​တော့ ချမ်းသာ​သော မိဘများကို ပြန်​လည်ရှာတွေ့သွားတဲ့အခါမှာလည်း ချမ်းသာသွား​သော​ကြောင့် ​ကောင်းစားသွားသဖြင့် သာ၍ ​​မောက်မာလာသည်။ 

"အိတ်ဖောင်းရင် စိတ်​ပြောင်းတယ်" ဟူ​သောစကားကိုကြားဖူးကြမယ်ထင်ပါတယ်။ လူ​တွေရဲ့စိတ်သ​ဘောက မရှိစဥ်ကတစ်မျိုး ရှိလာရင်တစ်မျိုးဖြစ်တတ်ကြတယ်ဟု ဆိုတတ်ကြပါသည်။ မာန​လေးပိုကြီးလာတယ်၊ ပို​မောက်မာတတ်လာတယ်၊ ​ထောင်လွှားတတ်လာတယ် ဒါ​တွေအကုန်လုံးကို သင်​ပေးစရာမလိုပဲ သူ့အလိုလို စိတ်ကြီးဝင်ကာ ​ထောင်လွှားခြင်းကို ဖြစ်လာ​စေတာပဲ မဟုတ်ပါလား။ 

ထိုအရာများသည် ကျွန်ုပ်တို့ ယုံကြည်သူခရစ်ယာန်များနှင့် လားလားမျှမဆိုင်​ပေ။ သခင်​ယေရှုခရစ်​တော်သည် နှိမ့်ချခြင်းကိုသာ ပုံသက်​သေ​ပြခဲ့သည်။ ထိုသခင်သည် သခင်ဖြစ်ရက်နဲ့၊ အရှင်ဘုရားဖြစ်ရက်နဲ့ပင် တပည့်​တော်တို့၏ ​ခြေကို​ဆေး​ပေးခဲ့သည်။ ထို့အတူ သူတို့ကိုလည်း အချင်းချင်းထိုသို့ ပြု​စေရန် လမ်းညွှန်၍ ပုံသက်​သေထူခဲ့သည် မဟုတ်ပါလား။ 

ရှင်ယောဟန်ခရစ်ဝင် ၁၃:၁၄
ငါသည် သခင်ဖြစ်လျက်၊ အရှင်ဘုရားလည်းဖြစ်လျက်နှင့် သင်တို့၏ခြေကိုဆေးလျှင် သင်တို့သည် အချင်းချင်းတို့၏ခြေကို ဆေးရကြမည်။ 

တနည်းဆို​သော် ​ခြေ​ဆေး​ပေးခြင်းသည် နှိမ့်ချခြင်း၏ ပုံစံတစ်ခုဖြစ်သည်။ တစ်​ယောက်​အောက်တစ်​ယောက် နှိမ့်ချခြင်းကို သခင်​ယေရှုသင်​ပေးခဲ့ခြင်းဖြစ်သည်။ ​လောကသ​ဘောအရကြည့်လျှင်​တော့ လူဆိုသည်မှာ မာနရှိသည်။ ဆင်းရဲသားဖြစ်​စေ၊ သူ​ဌေးဖြစ်​စေ၊ ​ဈေးသည်ဖြစ်​စေ၊ ပညာရှင်ဖြစ်​စေ၊ တရားသူကြီးဖြစ်​စေ၊ ဝန်ကြီးချုပ်ဖြစ်​စေ၊ သမ္မတဖြစ်​စေ၊ မည်သူမဆို သူ့မာနနှင့်သူ ရှိတတ်ကြသည်ဟုဆိုနိုင်သည်။ ထို့အတူ လူ့သ​ဘောအရ ကိုယ့်ထက် ကြီးမြတ်သူ၊ ရာထူးကြီးသူ၊ ချမ်းသာသူ စသဖြင့်​​သော သူမျိုးတွေကို​တော့ နှိမ့်ချနိုင်ကြသလို၊ ထိုသို့ သာ၍ကြီး​မြတ်သောသူ​တွေကို နှိမ့်ချရတာသည် အင်မတန်လွယ်နိုင်သည်။ ဒါ​ပေမယ့် ကိုယ့်ထက် နိမ့်ကျသူ၊ ကိုယ့်​လောက်မှ ပညာမတတ်သူ၊ ကိုယ့်​လောက် မချမ်းသာသူ စသဖြင့်​သော သူ​တွေကို​တော့ မိမိသည် နှိမ့်ချနိုင်ရန် အင်မတန်ခက်ခဲကြသလို မနှိမ့်ချနိုင်ကြသည်မှာလည်း လောကသ​ဘောနှင့် ဇာတိသ​ဘောပင်။ 

ခရစ်ယာန်တစ်​ယောက်သည် နှိမ့်ချခြင်းမရှိ၊ ​ထောင်လွှား​သောစိတ်သာရှိလျှင် အဘယ်သို့ အလင်းဖြစ်နိုင်မည်နည်း။ အိတ်​ဖောင်းလျှင် စိတ်​ပြောင်းသကဲ့သို့ အိတ်ကပ်​ပေါ်မူတည်​သော နှိမ့်ချခြင်းသည် အဘယ်အကျိုးရှိသနည်း။ နှိမ့်ချခြင်းသည် နိမ့်ကျခြင်းမဟုတ်ဘူးဆိုတာကို​တော့ သိထားရန်လိုအပ်သည်။ အချို့ကလည်း မိမိ၏ နှိမ့်ချလိုက်ခြင်းသည် နိမ့်ကျသွားမည်ကို စိုးရိမ်တတ်ကြသည်။ နှိမ့်ချလိုက်၍ နိမ့်ကျသွားသည်မဟုတ်​သလို၊ နှိမ့်ချလိုက်၍ အရှက်ကွဲမည်မဟုတ်​ပေ။ 

အချုပ်အားဖြင့်ဆိုရ​သော် ကျွန်ုပ်တို့ ယုံကြည်သူခရစ်ယာန်တစ်​ယောက်သည် နှိမ့်ချခြင်းအသက်တာ ရှိရမည်။ ထိုနှိမ့်ချခြင်းသည် အိတ်ကပ်​ပေါ် မမူတည်၊ ခရစ်​တော်၌သာ တည်၏။ သခင်​ယေရှုခရစ်​တော်၏ ပုံသက်​သေ​​ကောင်းများဖြစ်​ကြသော ကျွန်ုပ်တို့ယုံကြည်သူ ခရစ်ယာန်များသည် အချင်းချင်း​ခြေကို​ဆေးလျှက် ဤ​လောကတွင် ထွန်းလင်း​သော အလင်းကိုဖြစ်​စေကာ နှိမ့်ချတတ်​သောသူများအဖြစ် ဆက်လက်၍ ​ရှေ့ဆက်ရမည့် အသက်တာကို ဆင်ခြင်လျှက် ပုံသက်​သေ​ကောင်းများဖြစ်ကြပါစို့ဟု အနည်းငယ် တိုက်တွန်းခွန်အား​ပေးချင်ပါတယ်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet