အချို့​သော သုံးသပ်ချက်များ၊ ဆာ​​ဗေးများအရ အမျိုးသမီးများသည် တစ်​နေ့လျှင် စကားလုံး (၅၀၀၀)ခန့်မျှ ​ပြောဆိုကြကာ၊ ​အမျိုးသားများသည် စကားလုံး (၂၀၀၀)ခန့်မျှ​ ​ပြောကြသည်ဟု ​​တွေ့ရှိရသည်။ 

ထိုအထဲတွင် မည်သို့​သော စကားလုံးများပါဝင်မည်ဟု သင်ထင်ပါသနည်း။ စိတ်ကြည်လျှင် တစ်မျိုး၊ မကြည်လျှင် တစ်ဖုံ အမျိုးမျိုး​ပြောဆိုကြ​သော စကားလုံးများလည်း ပါ​ချေမည်။ အချို့ကလည်း ခနဲ့သလို၊ ယိသလို၊ အချို့ကြပြန်​တော့ ​လေသံမာ​ကြောစွာဖြင့်လည်း​ကောင်း၊ စိတ်ဆိုးမာန်ဆိုး​ပြောခြင်း၊ သူတပါးထိခိုက်​စေရန် ရည်ရွယ်​ပြောခြင်း၊ စသဖြင့် အမျိုးမျိုး​ ပြောတတ်ကြသူများလည်းပါ​ချေမည် မဟုတ်ပါလား။ 

စကားလုံးများစွာကို ​ပြောဆို​ရသော ​နေ့ရက်​တွေကို သင်မည်သို့ ဖြတ်သန်းပါသနည်း။ သင်မည်သို့​သော စကားလုံးများကို သင့်နှုတ်မှ ​ထွက်​စေသနည်း။ စကား​ပြောရာတွင် သူတပါးအား ထိမိစရာ၊ နာကျဥ်စရာ၊ ဝမ်းနည်းစရာ၊ အားငယ်စရာ၊ စသဖြင့် နစ်နာ​စေရန်များ ​ပြောဆို​နေမိပါသလား။ 

လူ​တွေက​တော့ အမျိုးမျိုး​ပြောဆိုကြမှဖြစ်​သော်လည်း ထိုအထဲတွင် ကျွန်ုပ်တို့မပါ​စေရန် ဆင်ခြင်ကြရမည်ဖြစ်သည်။ အချို့က​တော့ စကား​ပြောလျှင် ပိဿ​​လေးခဲပြစ်​ပြောတတ်သည်၊ အချို့ကြပြန်​တော့ မှိုချိုးမျှစ်ချိုး​ပြောသည် အချို့ကလည်း ယိသဲ့သဲ့ ခနဲ့တဲ့တဲ့ ​ပြောမှ စားဝင်အိပ်​ပျော်သည် စသဖြင့်ရှိကြ​သော်လည်း ထိုသို့​သော သန်လျှက်နှင့် ထိုးသကဲ့သို့ ​ပြောတတ်သူများထဲတွင် ကျွန်ုပ်တို့မပါ​စေရန် သတိပြုဆင်ခြင်ရ​ပေမည်။ 

သုတ္တံကျမ်း ၁၂:၁၈
သန်လျက်နှင့်ထိုးသကဲ့သို့ စကားပြောတတ်သော လူတစ်ချို့ ရှိ၏။ ပညာရှိတို့၏ လျှာမူကား အနာကိုပင် ပျောက်စေတတ်၏။ 

ပညာရှိတို့၏ လျှာဟုဆိုသကဲ့သို့ ကျွန်ုပ်တို့၏ ​ပြောဆိုခြင်းများသည် သူတပါးအတွက် အနာကို​​ပျောက်​စေသကဲ့သို့ အားဖြစ်​စေရန် နှုတ်၏ ​ဆောင်မခြင်း​သော်လည်း​ကောင်း၊ နူးညံ့သိမ်​မွေ့​သော စကားကိုသာ သုံး​ဆောင်​စေ​သောသူများ ဖြစ်ကြပါစို့ဟု အနည်းငယ် တိုက်တွန်းခွန်အား​ပေးလိုက်ပါတယ်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet