ကျွန်​​တော်သွားသုံး​ချောင်းနှုတ်ရန်ရှိရာတွင် တစ်​ချောင်းသာလျှင် ခွဲထုတ်ရန်လိုအပ်သကဲ့သို့ ခက်ခဲမည်ဟုသိရ​သော်လည်း ကျန်နှစ်​ချောင်းမှာ လွယ်ကူမည်ဟုသာသိထားခဲ့​ပေသည်။ ပထမတစ်​ချောင်းမှာ လွန်ခဲ့​သောအပတ်တွင် ပြီးဆီးခဲ့၍ ယခု​နေ့တွင် ချုပ်ရိုးဖြည်ကာ ကျန်နှစ်​ချောင်းကို နှုတ်ရန်လုပ်ခဲ့သည်။ 

ဖြစ်စဥ်အကျဥ်းမှာ အ​ပေါ်တစ်​ချောင်းသည် လွယ်ကူမြန်ဆန်ကာ ​အောက်တစ်​ချောင်းမှာ အရည်အိတ်ရှိ​နေ၍ လိုအပ်လျှင် ခြစ်ထုတ်ရနိုင်သဖြင့် ပိုခက်၍ ပိုကြာနိုင်သည်ဟု ထင်​သော်လည်း ​ဗြောင်းပြန်ဖြစ်​နေခဲ့​ပေသည်။ ပထမ​နေ့တွင် ထုံ​ဆေးပြယ်လျှင် နာမည်ဟုထင်​ရသော်လည်း မနာခဲ့​ပါ သို့​သော် ယခုတွင် မနာဘူးဟုထင်ခဲ့​သော်လည်း နာခဲ့သည်။ ထို့အပြင် လုံးဝမထင်မှတ်ထားခဲ့သည်မှာ နှစ်ချောင်းလုံးကို နှုတ်ပြီး​နောက်တွင် ပြန်လည်ချုပ်ခဲ့ရ​ပေသည်။ ​ကျေးဇူး​​တော်​ကြောင့် အားလုံးအဆင်​ပြေခဲ့သည်။ တခါတ​လေ ဘဝတွင် မ​မျှော်လင့်မိ​သောအရာ​များလည်း ဖြစ်တတ်ပါသည်။ လွယ်မည်ထင်ထား​သောအရာက ခက်၍ ခက်မည်ဟုထင်​သောအရာကလည်း လွယ်​နေတတ်ပြန်သည်မဟုတ်ပါလား။ 

ခေတ်ကာလအ​ခြေအ​နေ​များကို ကြည့်ရရင်​လည်း ခဲယဥ်းပါသည်၊ ဆိုးယုတ်ပါသည်။ ရင်ဆိုင်ရ​သော အ​ခြေအ​နေ​များ၊ ကြုံ​တွေ့ရ​​သော အခက်အခဲ​များ၊ မမြင်ချင်သည့် မြင်ကွင်း​များ၊ မဖြစ်ချင်သည့် အဖြစ်အပျက်​များ၊ မကြားချင်​သော သတင်း​များ စသည့် ​မြောက်များစွာ​သောမ​​မျှော်လင့်ထားသည့် အရာ​များ၊ မ​မျှော်လင့်ထား​သော မြင်ကွင်း​များနှင့် အ​ခြေအ​နေ​များကိုသာ လက်ရှိတွင်လည်း ရင်ဆိုင်​ကောင်း ရင်ဆိုင်​နေရပါလိမ့်မည်၊ ကြုံ​တွေ့​ကောင်းလည်း ကြုံ​တွေ့​နေရပါလိမ့်မည်။ အထင်နှင့် လွဲ​နေ​သောအရာများ၊ လွယ်ကူမည်ထင်​သော အရာများ၊ ခက်ခဲမည်ထင်​သောအရာများသည် ​ဗြောင်းပြန်ဖြစ်ကာ မ​မျှော်လင့်ထားခြင်း​တွေကိုသာ ဖြစ်​ကောင်းဖြစ်​နေတတ်ပါသည်မဟုတ်ပါလား။ 

ထိုကဲ့သို့​သော မ​မျှော်လင့်ထားသည့်အရာများကို ကြုံ​တွေ့ရင်ဆိုင်ရ​သောအခါတွင် အားငယ်မိတတ်ကြသကဲ့သို့၊ စိတ်ပျက်မိတတ်ကြ​ပေသည်။ မ​မျှော်လင့်ထားသည့်အရာ​များကို ရင်ဆိုင်ကြုံ​တွေ့ရ​သောအခါတွင် ဆုံးရှုံးသွားပြီဟုထင်ရစရာရှိလျှင်ရှိ​ပေမည် ... "ငါ့ဘက်မှာ ဘယ်သူမှ မရှိ​တော့ဘူး" ဟုလည်း ထင်​ကောင်းထင်မိတတ်ကြ​ပေသည်။ စ​သောအ​ကြောင်းအရာ​များသည် စိတ်ပျက်အားငယ်​စေပြီး အ​ဖော်မဲ့စွာငို​ကြွေးမြည်တမ်းမိကြသည့်တဲ့အချိန်​တွေလည်း ရှိ​ကောင်းရှိကြ​ပေလိမ့်မည်။ 

ဓမ္မရာဇဝင် ပဋ္ဌမစောင် ၃၀:၁
သုံးရက်လွန်၍ ဒါဝိဒ်နှင့် သူ၏လူတို့သည် ဇိကလတ်မြို့သို့ ရောက်သောအခါ၊ အာမလတ်လူတို့သည် တောင်ပြည်နှင့် ဇိကလတ်မြို့ကို တိုက်သဖြင့်၊ ဇိကလတ်မြို့ကို လုပ်ကြံ၍ မီးရှို့နှင့်ကြပြီ။ 

ဓမ္မရာဇဝင် ပဋ္ဌမစောင် အခန်းကြီး (၃၀) ကိုကြည့်သည့်အခါတွင် ဒါဝိဒ်တို့သည် ဇိကလတ်သို့ရောက်​သောအချိန်တွင် မျှော်လင့်ထားသည့်အရာများဖြစ်မ​နေခဲ့ပါ။ စိတ်ကူးထားသမျှ၊ ​မျှော်လင့်ထားသမျှ ဘာတစ်ခုမှဖြစ်မလာခဲ့ဘူးမဟုတ်ပါလား။ ​ဒါဝိဒ်တို့သည် နေရပ်သို့ရောက်ရင် အ​မော​ပြေမည်ဟုထင်ထားခဲ့​ကောင်း ထင်ထားပါလိမ့်မည်ဖြစ်​သော်လည်း ဇိကလတ်သို့​ရောက်သည့်အခါတွင် အ​မောစို့သွားခဲ့ရသည်။ ဒါဝိဒ်တို့၏ရင်ဝသို့ ​အရှိန်အဟုန်ပြင်းစွာဖြင့် ​ပြေးဝင်လာ​သော ခြေစုံပစ်ကန်ခြင်းကိုခံလိုက်ရသကဲ့သို့ပင် ဇိကလတ်တွင် ​သူတို့၏မျှော်လင့်ခြင်း​များ ရိုက်ချိုးခံလိုက်ရ​ပေသည်။ သူတို့​မျှော်လင့်ထားသည်မှာ တစ်ခု၊ ဖြစ်​နေတာ တစ်ခု၊ မြင်ချင်တာ တစ်ခု၊ မြင်​နေရတာ တစ်ခု၊ ကြားချင်တာ တစ်ခု၊ ကြား​နေရတာ တစ်ခု၊ စ​သောအရာများသာ ... 

ထိုဖြစ်စဥ်ကာလကိုကြည့်လျှင် ဒါဝိဒ်ဘုရင်မဖြစ်ကာလဖြစ်​ပေသည်။ ထိုကာလကို ဖြတ်သန်းပြီးမှသာလျှင် ရှင်ဘုရင်ဖြစ်ခဲ့သည်။ ထိုကာလကို ​ကျော်လွန်ပြီးမှသာလျှင် ​အောင်မြင်ခြင်းကိုရခဲ့သည်။ ထိုကာလအလွန်တွင် ဒါဝိဒ်အတွက် များစွာ​သော အကျိုးများ​စောင့်​ဆိုင်း​နေ​ပေသည်မဟုတ်ပါလား။ သူတို့လက်ရှိ​တွေ့ကြုံရင်ဆိုင်​နေရသည့် အဖြစ်အပျက်၊ အ​ခြေအ​နေ၊ မြင်ကွင်းများနှင့် သတင်းများမှာ စိတ်ပျက်အားငယ်စရာ၊ လက်​မြှောက်အရှုံး​ပေးချင်စရာ၊ ရစရာမရှိ​တော့သကဲ့သို့ ဖြစ်​​​နေသော်လည်း ဒါဝိဒ်က​တော့ ထိုပြဿနာကိုလည်း ထာဝရဘုရားနှင့်တိုင်ပင်​ဖြေရှင်းကာ အားယူ၍ရဲရင်းခြင်းရှိခဲ့​ပေသည်။ 

ကျွန်​​တော်တို့သည်လည်း ထိုသို့ဖြစ်​နေတတ်​ပေသည်။ ဒီအလုပ်​လေးရလျှင်တော့ အဆင်​ပြေပါပြီ​​ဟု မျှော်လင့်ထား​သော်လည်း တကယ်တမ်းဖြစ်မလာဘူး။ ဒီကာလလွန်လျှင်​တော့ အ​ခြေအ​နေ​ကောင်းမှာပါဟု မျှော်လင့်ထား​သော်လည်း ဖြစ်မလာပြန်ဘူး။ ထိုသို့နှင့် ကျွန်​​တော်တို့သည်လည်း မျှော်လင့်ထားသည်မှာ တစ်ခု၊ ဖြစ်​နေတာ တစ်ခု၊ မြင်ချင်တာ တစ်ခု၊ မြင်​နေရတာ တစ်ခု၊ ကြားချင်တာ တစ်ခု၊ ကြား​နေရတာ တစ်ခု၊ စ​သောအရာများသာ ... 

သို့​သော်လည်း ထိုကာလကို ​ကျော်လွန်လျှင် အဆင်​ပြေခြင်းများရှိ​နေ​ပေသည်။ ထိုကာလအလွန်တွင် ​ပျော်ရွှင်ခြင်း၊ ဝမ်း​မြောက်ခြင်းများရှိ​နေ​ပေလိမ့်မည်။ ထိုကာလ၏အလွန်တွင် အကျိုးများစွာ ​စောင့်ဆိုင်း​နေ​ပေသည်ဟုပင်ဆိုရ​ပေဦး​တော့မည်။ 

ယ​နေ့ ထုံ​ဆေး​ပြယ်သည့်အခါတွင် မ​မျှော်လင့်ထား​သော နာကျင်ခြင်းကို ကျွန်​တော်ခံစားရသည်။ တဆစ်ဆစ်နှင့် နာကျင်သည်၊ ​ခေါင်းပါကိုက်သည်အထိဖြစ်​နေ​သော်လည်း ထိုကာလအလွန်ကို ကျွန်ုပ်​မျှော်လင့်​နေမိသည်။ တခါတ​လေတွင် မိတ်​​ဆွေနှင့် ကျွန်​တော်တို့၏ အသက်တာတွင် ထိုသို့ မ​မျှော်လင့်ထား​သောအရာများ၊ မ​မျှော်လင့်ထား​သော နာကျင်မှုများ၊ လူမှု​ရေး၊ အိမ်​ထောင်​ရေး၊ စီးပွား​ရေး၊ ပညာ​ရေး စသဖြင့် အမျိုးမျိုး​သော ​အ​ရေးအရာများသည် ​မျှော်လင့်ထားသည်နှင့် လွဲ​​ချော်​နေတတ်​သော်လည်း စိတ်မပျက်ဖို့အ​ရေးကြီးသည်။ ဒါဝိဒ်သည် သူတို့လက်ရှိ​တွေ့ကြုံရင်ဆိုင်​နေရသည့် အဖြစ်အပျက်၊ အ​ခြေအ​နေ၊ မြင်ကွင်းများနှင့် သတင်းများမှာ စိတ်ပျက်အားငယ်စရာ၊ လက်​မြှောက်အရှုံး​ပေးချင်စရာ၊ ရစရာမရှိ​တော့သကဲ့သို့ ဖြစ်​​​နေသော်လည်း ထိုပြဿနာကိုလည်း ထာဝရဘုရားနှင့်တိုင်ပင်​ဖြေရှင်းကာ အားယူ၍ရဲရင်းခြင်းရှိခဲ့​သည်ကို သတိရပါမိတ်​ဆွေ ... 

မျှော်လင့်ထားသည်မှာ တစ်ခု၊ ဖြစ်​နေတာ တစ်ခု၊ မြင်ချင်တာ တစ်ခု၊ မြင်​နေရတာ တစ်ခု၊ ကြားချင်တာ တစ်ခု၊ ကြား​နေရတာ တစ်ခု၊ စ​သောအရာများသာ ဖြစ်​နေတတ်​သော်လည်း ထိုကာလ၏အလွန်ကို ​မျှော်ကြည့်လျှက် မ​မျှော်လင့်ထားသည့် အရာများကို လက်​မြှောက် အရှုံးမ​ပေးဘဲ "ဒါဝိဒ်မူကား မိမိထာဝရဘုရားကို ကိုးစားလျက်နေ၍၊" ဟုဆိုသည့်အတိုင်း ကျွန်​တော်တို့သည်လည်း ထာဝရဘုရားနှင့်အတူရှိ၍ ကိုးစားလျှက်​နေ၍ တိုင်ပင်ကာ အားယူလျှက် ရဲရင့်ခြင်းရှိကြပါဦးစို့။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet