လောကမှာ​ က​လေးတစ်​ယောက်​မွေးဖွားလာတယ်ဆိုရင် မိခင်နို့ကိုစို့​သောအရွယ်​လေးမှ နို့ဘူးစို့လာမယ်၊ ဒီက​နေ တ​ဖြေး​ဖြေးအစာ​ကျွေးလာမယ်၊ ​​နောက်ပိုင်းမှာ တ​ဖြေး​ဖြေး ကြီးရင့်လာကာ ​ပြောင်းလဲမယ်၊ အစာကိုလည်း ကိုယ်တိုင်​ရွေးပြီး စားသုံးလာနိုင်မယ်၊ ဘယ်အစာက​ကောင်းတယ် ဘာကမ​ကောင်းဘူး၊ ကိုယ်နဲ့သင့်၏ မသင့်၏ကိုလည်း ခွဲခြားသိမြင်တတ်လာမယ် မဟုတ်ပါလား။ ဒီ လူမမယ် က​လေးအရွယ်သည် ဘာ​ကျွေး​ကျွေးစားသည်။ မုန့်ကိုပြ၍ ​ရေကိုတိုက်ရင်လည်း ​သောက်ကြတာပဲဖြစ်ကြသည်မှာ သူမခွဲခြားနိုင်​သော အရွယ်ဖြစ်​နေခြင်း​ကြောင့်ဖြစ်သည်။ သူသည် ဘယ်အရာက ​ရေဖြစ်သည် ဘယ်အရာက စားစရာဖြစ်သည်ကို မသိ​ချေ။ 

ကျွန်ုပ်ငယ်စဥ်က​လေးဘဝတွင် မိဘနှစ်ပါးသည် ထမင်းခွံ့ရခက်​သော​ကြောင့် ဖခင်ဖြစ်သူသည် ဇီးထုပ်ကို ခွံ့ဟန်ပြ၍ ပါးစပ်ဟမှသာ မိခင်ကြီးသည် ထမင်းကိုခွံ့ရ​ပေသည်။ တနည်းဆိုရရင်​တော့ ဇီးထုပ်ပြပြပြီး ဂျင်းထည့်တယ်​ပေါ့​လေ။ ကျွန်ုပ်သည်လည်း ဇီးထုပ်အမှတ်နှင့် မြိန်ရည်လျှက်ရည်စား​လေသည် ဟုပြန်ကြားရသည်။ ထိုအရာကိုကြည့်ခြင်းအားဖြင့် သူငယ်ဖြစ်​သော ထိုအရွယ်က​လေးတစ်​ယောက်သည် ဇီးထုပ်မှန်းမသိ ထမင်းမှန်းမသိ ဝါးလိုက်တာပဲဖြစ်တယ်၊ ဘာကိုခွံ့လို့ ဘာကိုခွံ့မှန်းမသိ စားလိုက်တာပဲဖြစ်တယ်၊ မိမိကိုယ်ပိုင် ခွဲခြားသိမြင်နိုင်စွမ်းမရှိ​ပေ။ ထို့​ကြောင့် မိဘနှစ်ပါး၏ ​ကောင်းခြင်းဆိုးခြင်းကို ခွဲခြား​ပေးခြင်းကို အင်မတန်မှ လိုအပ်​သော အရွယ်ဖြစ်သည်။ ထိုက​လေးအရွယ်ကို စားသင့်မသင့်၊ ​ကောင်းမ​ကောင်း၊ စသဖြင့် မခွဲခြား​ပေး​သော​ကြောင့် က​လေးတစ်ခုခုဖြစ်လျှင် ထိုမိဘ၏ တာဝန်မကင်း​ချေ။ 

ဝိညာဥ်​ရေးရာတွင်ကြည့်လျှင်လည်း ထို့အတူပင်ဖြစ်သည်။ ခွဲခြားသိမြင်နိုင်စွမ်းမရှိ​သော ခရစ်ယာန်တစ်​ယောက်သည် ဇီးထုပ်ခွံ့ဟန်ပြသလို ကျမ်းစာအုပ်ပြ၍ သမ္မာတရားအလွဲများကို ​ပြော​နေလျှင် ခွဲခြားမသိနိုင်​ပေ။ ​ကျမ်းစာအုပ်ပြ၍ လုပ်စားခြင်းသည်လည်း လူ​တွေကို အလွယ်တကူလှည့်စားနိုင်​သော အရာတစ်ခုဖြစ်​သော​ကြောင့် သတိချပ်ရမည့်အရာဖြစ်သည်။ ဟိုအရင်ကပင်မက​သေးပဲ လက်ရှိကာလမှာလည်းဖြစ်ပျက်​နေသည်။ 

ယေရှု​ယေရှု​ဟုပြော​နေ​သော်လည်း လွဲမှား​သော ဩဝါဒ​ပေါင်းများစွာကို ​ဟော​နေခြင်း​တွေလည်း ရှိ​နေသည်။ အချို့က နာမည်ကြီးခြင်း၊ ဧဝံ​ဂေလိပွဲကြီးလုပ်ခြင်း၊ စသဖြင့်​တွေကိုသာမြင်၍ ဘုရားအရမ်းအသုံးပြု​နေတယ်ဟု​တွေးကာ အလွဲကို​ထောက်ပြလျှင် မကြိုက်ကြ​ချေ။ လူကို မနာလိုခြင်း၊ လူကိုတိုက်ခိုက်ခြင်းဟု အမြင်ကျဥ်းစွာကြည့်မြင်တတ်ကြသည်။ လူကိုအပြစ်တင်ခြင်း၊ လူကိုတိုက်ခိုက်ခြင်း၊ မနာလိုခြင်းသည် ဒီ​လောက်ထိ အပင်ပန်းခံ၍ ဩဝါဒအမှား​တွေကို ​ထောက်ပြရန်မလို​ချေ။ ပုဂ္ဂိုလ်​ရေးရာ တိုက်ခိုက်ခြင်း၊ လူကိုမနာလို၍ အပြစ်ရှာခြင်းသည် ထိုသို့ဖြစ်နိုင်မည်​လော ​သေခြာစဥ်းစားကြည့်ပါ။ ဒါ့​ကြောင့် အမြင်မကျဥ်းပါနဲ့မိတ်​ဆွေ၊ ဩဝါဒအလွဲ​တွေကိုသာ ​ထောက်ပြခြင်းဖြစ်သလို ထိုသို့ ထောက်ပြရမည်မှာလည်း ယုံကြည်သူတိုင်း၏ တာဝန်ပင်ဖြစ်သည်။ သင်မကြိုက်လည်း မတတ်နိုင်ပါ။ မည်သို့ပင် မကြိုက်ကြပါ​စေ မခွဲခြားတတ်​သေး​သော ခရစ်ယာန်များစွာရှိသည့်အတွက် ထိုအရာများကို ခွဲ​ခြား​ပေးရန်၊ ​ထောက်ပြ​ပေးရန်မှာ အင်မတန်လိုအပ်​ပေသည်။ 

​ကင်း​စောင့်၏တာဝန်သည် ​​ဘေး​ရောက်သည်ကို ​တံပိုးကိုမှုတ်၍ အသိ​ပေးရမည်။ ကျွန်ုပ်တို့ ယုံကြည်သူ​တွေသည်လည်း ဩဝါဒအလွဲ​တွေကို ​ဖော်ပြ၍ အသိ​ပေးရမည်၊ သို့မဟုတ်ရင်​​တော့ ထိုအလွဲ​တွေ၏ ​နောက်သို့လိုက်ပါ၍ လွဲသွား​သော ဝိညာဥ်များ၏ အ​သွေးသည် ကျွန်ုပ်တို့တာဝန် မကင်း​ပေ။ မည်သူ​တွေ မည်သို့ပင် ထင်​စေပါမူ ကင်း​စောင့်​ကောင်းတစ်​ယောက်က​တော့ ​ဘေး​ရောက်လာမည့်အ​ရေးကို မြင်လျှင် တံပိုးကို​တော့ မှုတ်​နေလိမ့်မည်။ ရန်သူပစ်​သော မြှားသည် သူ့အားထိမှန်သွားရင်​တောင်မှ ထိုသူသည် ဆက်လက်၍ တံပိုးကို မှုတ်​နေပါလိမ့်မည်။ 

ယေဇကျေလအနာဂတ္တိကျမ်း ၃၃:၄
တစုံတယောက်သောသူသည် တံပိုးမှုတ်သံကို ကြားလျက်နှင့် အမှုမထား၊ ထားဘေးရောက်၍ သူ၏ အသက်ဆုံးလျှင်၊ ထိုသူသည် ကိုယ်အသက်ဆုံးသော အပြစ်ကို ကိုယ်တိုင်ခံရမည်။ 

​တံပိုးသံကို ကြားလျှက်နှင့် အမှုမထားရင်​​တော့ သူ့အသက်ဆုံးခြင်းသည် သူ့အပြစ်​ပင်ဖြစ်သည်။ ထို့အတူပဲ ဩဝါဒအလွဲ​တွေကို​​ထောက်ပြ​နေရက်နှင့် ကရုမစိုက်၊ သတိမမူ၊ အဆင်​ပြေတယ်လို့သာ ခံယူ​နေရင်​တော့ ထိုသူအတွက်​တော့ ကင်း​စောင့်၏ တာဝန်မဟုတ်​တော့​​ချေ။ ပိုင်းခြားနားမလည်နိုင်​သော သူများအတွက် ကင်း​စောင့်အလား ကျွန်ုပ်တို့ယုံကြည်သူများသည် တံပိုးကိုမှုတ်​ပေးရမည်ဖြစ်သည်။ ခပ်သိမ်း​သော ဩဝါဒ​လေများသည် ဒီ​ခေတ်ဒီအခါမှာ ​ပေါများလှသည်။ ဒါ့​ကြောင့် ဖရိုမရဲနှင့် ပြိုလဲ မသွားရ​လေ​အောင် တံပိုးကိုမှုတ်ကာ ဝိုင်းဝန်းတားဆီးကြ​သော ယုံကြည်သူများဖြစ်ကြပါစို့ဟု အနည်းငယ်​ဖော်ပြလိုက်ပါတယ်။ 

ဘုရားရှင်ဆက်လက်စကား​ပြော​ပါ​စေ။ 

#Titus_KyawNyi 

Photo Crd: Internet