S.T.O.P (စ​တော့ပ်) ရပ်တန့်သည် ဟူ​သော အဓိပ္ပါယ်ကို ငယ်စဥ်ကတည်းက သင်ယူဖူးကြသည်။ ကယ်လီဖိုးနီးယားသို့​ရောက်ရှိလာပြီး​နောက်တွင် ကားလမ်းမများတွင် "STOP" ဆိုသည့် ဆိုင်းပုဒ်များကို ကျွန်ုပ်များစွာမြင်​တွေ့ရသည်။ ထို​လမ်းနေရာတွင်လည်း မျဥ်းများတားထား​သေး၏။ အ​ကြောင်းမှာ ထို "STOP" ဟူသည့် ဆိုင်းပုဒ်​ထောင်ထားသည့်​နေရာတွင် ကားတွင်ပါရှိ​သော ဘီး​လေးဘီးစလုံး အကုန်ရပ်တန့်ပြီးမှ ဆက်​မောင်းရန်ဖြစ်သည်။ မိမိလမ်းသည် မည်မျှပင် ရှင်းလင်း​နေပါ​စေဦး​တော့ ထို​နေရာတွင် မရပ်တန့်၍မရ ရပ်ပြီးမှသာ ဆက်​မောင်းရသည်။ 

ကျွန်​တော်က​တော့ ထိုအရာကို စိတ်ထဲတွင် ယခုကဲ့သို့ မှတ်ယူမိပါသည်။ "STOP, WATCH and GO" ရပ်၊ ကြည့်၊ သွား ဟူ၍ပင် ... ထို့အတူ ကယ်လီဖိုးနီးယား​တွင်​ ကျွန်ုပ်တို့ သွားလာသမျှ​သော လမ်းတိုင်းနီးပါး "STOP SIGN" များကို​တွေ့ရသကဲ့သို့ ထို​နေရာကိုဖြတ်ခါနီးတိုင်းအမြဲတမ်း ကားဘီးအကုန်လုံးပင်ရပ်တန့်ပြီးမှသာ ဆက်​မောင်းရ​ပေသည်။ 

မိမိတို့ ဝိညာဥ်​ရေးရာအတွက်လည်း ထို "STOP" ဟူသည့်အရာလည်းလိုအပ်သည်ဟုနားလည်ရသည်။ "STOP, WATCH and GO" ဟူ​သောအရာသည် ကျွန်ုပ်တို့ ယုံကြည်သူတိုင်း နားလည်ရမည့်အရာတစ်ခုဆိုလျှင်လည်း မှားမည်မထင်ပါ။ 

ကျွန်​တော်တို့တစ်ခုခုလုပ်မည်ဆိုတိုင်း "STOP" ခဏတာရပ်တန့်ပါ။ လုပ်​ဆောင်မည့်အရာတိုင်းသည် အဆင်​ပြေသည်ဖြစ်​စေ၊ အဆင်မ​ပြေသည်ဖြစ်​စေ ခဏတာ ရပ်တန့်၍ "WATCH" ဆိုသည့်အတိုင်း ဆင်ခြင်တတ်ပါ​စေ။ လုပ်​ဆောင်မည့်အရာသည် ဘုရားဘုန်း​တော်ရှုံ့ချစရာဖြစ်မည်လား၊ ​ပြောဆိုမည့်အရာသည် ဘုရားနာမ​တော် ထိခိုက်​စေမည်လား၊ ဝိညာဥ်​ရေးရာအကျိုးရှိမည်လား စသဖြင့် ခဏတာဆင်ခြင်ကြည့်ရန်လိုအပ်သည်။ ထို့​နောက်မှသာ "GO" ဆိုသည့်အတိုင်း လုပ်​ဆောင်မည့်အရာကို ဆု​တောင်းခြင်းဖြင့် ဆက်လက်လုပ်​ဆောင်ရ​ပေမည်ဟု နားလည်မိပါသည်။ 

တနည်းအားဖြင့်ဆိုရလျှင် မိမိတို့၏ ဇာတိပကတိများကို ခဏတာရပ်တန့်ပြီးမှ ဘုရားဘုန်း​​တော်ထင်ရှားမလား၊ ထိမိ၍လဲစရာဖြစ်မည်လား၊ ဝိညာဥ်​ရေးရာဆုံးရှုံး​စေမည်လား စသဖြင့်ကို ဆင်ခြင် ကြည့်ရှုပြီးမှ ဆု​တောင်းခြင်းဖြင့် ဆက်လက်လုပ်​ဆောင်ရမည်ဟူ၍လည်း နားလည်ရ​ပေသည်မဟုတ်ပါလား။ 

ထို့​ကြောင့် ကျွန်​တော်တို့အ​ယောက်စီတိုင်းသည် မိမိတို့၏ ဇာတိပကတိကြီးစိုးလာမိခြင်းများကို "STOP" ရပ်တန့်လျှက် ဆင်ခြင်ရင်း ​ရှေ့သို့ဆက်ကြပါစို့။ 

ဂလာတိဩဝါဒစာ ၅:၂၄
ခရစ်တော်နှင့်စပ်ဆိုင်သောသူတို့သည် ဇာတိပကတိကို၎င်း၊ ဇာတိပကတိစိတ်များနှင့် အလိုဆန္ဒများ ကို၎င်း၊ လက်ဝါးကပ်တိုင်မှာ ရိုက်ထားကြပြီ။ 

ဆု​တောင်းချက်။ အဖဘုရားသခင် ကျွန်​တော်တို့၏ သိရက်နှင့်ဖြစ်​စေ၊ မသိရက်နှင့်ဖြစ်​​စေ ပြုမိမှား​သော အပြစ်များကို ဝန်ချပါ၏။ ယ​ခုမှစ၍ ကျွန်​တော်တို့သည် မိမိတို့ လုပ်​ဆောင်ချင်​သော ဇာတိပကတိများကို ရပ်တန့်၍ ဆင်ခြင်ကာ ဝိညာဥ်​ရေးရာအကျိုးများအတွက် ကြည့်ရှုရင်း ​ရှေ့သို့ သာ၍တိုး၍ လုပ်​ဆောင်နိုင်​စေဖို့ရာ "STOP" ဟူ​သော "SIGN" ကို အမြဲသတိရ​စေပါအဖဘုရားသခင် ... တစ်ပါးတည်း​သော သား​​တော်သခင်​ယေရှုခရစ်​တော်၏ အမည်နာမ​တော်မြတ်၌ ဆု​တောင်းပါ၏ ... အာမင်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet