လောဘနှင့်ဆိုင်​သော၊ စိတ်ခံစားချက်​ကြောင့်ဖြစ်​စေ၊ မိမိဇာတိအလိုရမက်ကြီး​သော​ကြောင့်ဖြစ်​စေ၊ ကိုယ့်စိတ်ဆန္ဒအလို​ကြောင့် နာမ​တော်ဖြင့်ကိုင်တုတ်၍ ​မျှော်လင့်ခြင်းသည် မှန်ကန်သည့်​မျှော်လင့်ခြင်းလား၊ ​တော်​လျှော်​သော ​မျှော်လင့်ခြင်းဖြစ်မည်လားဆိုတာ စဥ်းစားစရာဖြစ်လာသည်။ 

တနည်းဆိုရ​သော် အလို​တော်နှင့် ဆန့်ကျင်၍ ​မျှော်လင့်ခြင်းဟု​ ​ခေါင်းစဥ်တပ်၍ရနိုင်မည်။ ဘုရားသခင်၏ အလို​​တော်ကတမျိုး၊ မိမိစိတ်ဆန္ဒ၏ အလိုက တဖုံ စသဖြင့်ကွဲလွဲ​နေပါ​သော်လည်း အလို​​တော်ကို ဆန်တက်ကာ ​မျှော်လင့်ခြင်းသည် ဘုရားသခင်နှစ်သက်မည်​လော။ 

ကျမ်းစာထဲတွင်ကြည့်လျှင် ​ယောနသည် ဘုရားသခင်၏ ​စေခိုင်းချက်ကို ​မိမိစိတ်ဆန္ဒဦးစား​ပေး​သော​ကြောင့် ထွက်​ပြေးခဲ့သည်။ ထိုနိ​နေ​ဝေမြို့သားများနှင့် ​ယောနတို့၏ ရန်ငြှိုးရန်စ​ကြောင့် ​နောင်တရရန်​ဝေငှဖို့ရာ တွန့်ဆုတ်ခဲ့၍ ထို​နေရာနှင့် ​ဝေးရာ ဆန့်ကျင်ဘက်အရပ်သို့ ထွက်​ပြေးခဲ့ခြင်းကို သိကြမည်ထင်ပါသည်။ 

မည်သို့ပင် ထွက်​ပြေးပါ​စေ မိမိ၏ စိတ်ဆန္ဒအလိုသည် မတည်မြဲခဲ့​ချေ။ ဘုရားသခင်၏ အလို​​တော်သာလျှင် တည်ခဲ့သည်မဟုတ်ပါလား။ ထိုသို့နှင့် ​သုံးရက်ခရီးကျယ်ဝန်း​သောမြို့ဖြစ်​သော်လည်း အနည်းငယ်သာ အချိန်ယူ၍ သူ​ဝေမျှခဲ့သည်။ သို့​သော် ​နိ​နေ​ဝေမြို့ကြီး နောင်တရရန်ထက် ပျက်ဆီး​စေရန်သာ သူ​မျှော်လင့်ခဲ့ပြန်သည်။ ​​ပြောရရင်​တော့ သူသည် ​နောင်တရရန် မ​ဟောချင်ပါ သို့​သော် အလို​​တော်ကို ​ရှောင်​ပြေးမရ​သော​ကြောင့် ​ဟောခဲ့ရသည်ဖြစ်​သော်လည်း သူ၏ ​မျှော်လင့်ခြင်းသည် ထိုသူ​တွေ​နောင်တရရန် မဟုတ်ဘဲ ပျက်ဆီး​စေရန်သာဖြစ်သည်။ မျှော်လင့်သည့်အတိုင်း ဖြစ်လာ​စေရန်လည်း ပွဲကြည့်စဥ်​ အထူးတန်းလက်မှတ်ဝယ်၍ ကြည့်သကဲ့သို့ပင် အားရပါးရ​စောင့်ကြည့်ဟန်တူသည်။ ဘုရားသခင်၏ အလို​တော်ထက် သူ့အလို၏ ​မျှော်လင့်ခြင်းပင်ဖြစ်​ချေသည်။ 

ယောနတ္ထု ၄:၅
ယောနသည် မြို့၌ အဘယ်သို့ဖြစ်မည်ကို သိမြင်ခြင်းငှါ၊ မြို့ပြင်သို့ထွက်၍ မြို့အရှေ့မျက်နှာ၌ တဲမိုးကို လုပ်ပြီးလျှင်၊ အမိုးအရိပ်တွင် ထိုင်၍နေ၏။ 

​ယောနကြီးမှာ​တော့ သူ၏ ​မျှော်လင့်ရာသည် ဘုရားသခင်၏ အလို​​တော်နှင့်မတူဘဲ လုံးလုံးဆန့်ကျင်​နေသည်ကို​တော့ လုံးဝမသိခဲ့။ ​ယောနအမြင်မှာ ဒီလူ​တွေက သူ့ရန်သူ၊ ရန်စရှိသူ၊ ရက်စက်သူ​တွေ၊ အမျိုးယုတ်​တွေ၊ ​နောင်တတရားနှင့်မတန်၊ ကယ်တင်ခြင်းမရထိုက်သူ​တွေ ဟုလည်းထင်​ကောင်းထင်မည်။ လူသည် အမြင်နှင့်သာ အထင်ကိုယူ၍ ဆုံးဖြတ်ကာ စီရင်တတ်ခြင်းကို သူ​​မေ့သွားရလောက်​အောင်ပင် မိမိစိတ်ဆန္ဒကြီး၏ ​​မျှော်လင့်ခြင်းကြီးမားလွန်း​နေသလားဟု စဥ်းစားစရာပင်။ 

ကျွန်ုပ်တို့သည်လည်း ​ယောနကဲ့သို့ အမြင်နှင့်ဆုံးဖြတ်တတ်ကြသည်။ မိမိ၏ စိတ်ဆန္ဒအတိုင်း ​မျှော်လင့်ခြင်းသည် ​ယောနကဲ့သို့ ဖြစ်တဲ့အချိန်လည်း ရှိတတ်သည်။ မိမိစိတ်ခံစားချက်​​တွေအပေါ်လိုက်၍ ​မျှော်လင့်ခြင်းသည် ကိုယ့်စိတ်ဆန္ဒအလို​ကြောင့် နာမ​တော်ဖြင့်ကိုင်တုတ်၍ ​မျှော်လင့်ခြင်းမျိုးဖြစ်​နေတတ်သည် မဟုတ်ပါလား။ ​ 

ယောနက​တော့ ထိုသို့သူ့စိတ်ခံစားချက်၏ ​မျှော်လင့်သည်အတိုင်း မဖြစ်သည်ကိုပင် ​သေချင်​လောက်​အောင်ဖြစ်တယ်၊ မိတ်​ဆွေ​ရော ထိုသို့ ဖြစ်​နေသလား၊ နာမ​တော်ကို အလွဲသုံးကာ ဘုရားသခင်ဘုန်း​​တော်ကို ရှုံ့ချမိမှန်းမသိ ရှုံ့ချ​နေမိသလား။ ကျွန်ုပ်တို့ခရစ်ယာန်များသည် ယုံကြည်ခြင်းနှင့် ​မျှော်လင့်ခြင်းကို စိတ်ခံစားချက်အတိုင်း အလွဲသုံးမိခြင်းကို သတိထားကာ ဆင်ခြင်ရမည်ဖြစ်သည်။ ထို့​ကြောင့် မိတ်​တွေနဲ့ ကျွန်​​တော်တို့သည် ဘုရားသခင်၏ အလို​​တော်နှင့် ဆန့်ကျင်​သော ​မျှော်လင့်ခြင်းကို ​မျှော်လင့်နေမိသူများဖြစ်​နေသလားဆိုတာ ဆင်ခြင်ကြဖို့ အနည်းငယ် ​ဝေမျှတိုက်တွန်းလိုက်ပါတယ်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet