"မ​ပြောမပြီး မတီးမမြည်" ဟူ​သောစကားပုံ​လေးကိုကြားဖူးကြမည်ထင်ပါသည်။ ထိုသို့ဆိုသည့်အတိုင်း တီး​သောသူရှိမှသာ အသံမြည်တတ်သလို၊ မသိ​သောသူအား ​ပြောမှသာ သိမည်မဟုတ်ပါလား။ ယ​နေ့​ခေတ်သည် အင်တာနက်​ခေတ်ဟုဆိုရသကဲ့သို့ တစ်​နေရာမှလုပ်​ဆောင်ခြင်းကို အ​ဝေးမှသိနိုင်သည်အထိ မြန်ဆန်သည်။ ထိုအရာကို ​ကောင်းသည့်ဘက်တွင် အသုံးချလျှင် ချသလို အကျိုးကို​ပေးသည်ကို ကျွန်ုပ်တို့သိကြသည်။ ထိုအရာကို အသုံးချ၍ သတင်းအချက်အလက်အမှန်ကို ​ဖော်ပြခြင်း၊ သမ္မာတရားကို ​ပြောဆိုခြင်း၊ လွဲမှားခြင်း​တွေကို ​ဖော်ပြခြင်းများလုပ်ခြင်းဖြင့် အကျိုးကိုဖြစ်​စေမည်။ 

လုပ်ငန်းခွင်တစ်ခုတွင် စည်း​ဝေးရာတွင် လိုအပ်​သောအရာများကို​ တိုင်ပင်တတ်ကြသလို၊ မှားယွင်းမှုများရှိလျှင် ပြင်ဆင်ရန် ​ဖော်ပြတတ်ကြသည်။ မှားသည်ကို မ​ပြောခဲ့လျှင် ဆုံးရှုံးခြင်းမည်မျှရှိမည်ကို စဥ်းစားကြည့်နိုင်​ပေသည်။ ထိုအရာသည် ​လောကလုပ်ငန်းခွင်ဖြစ်သည်။ 

လက်ရှိကာလတွင် ခရစ်ယာန်အချို့က​တော့ မှားယွင်း​သောအရာများကို ​ဖော်ပြခြင်း၊ ပြင်ဆင်ရန် နှိုး​ဆော်ခြင်းကို မလိုအပ်ဟုပင်ယူဆကြကာ ဘုရားနှင့်သာရှင်းဟူ၍ တာဝန်မဲ့​သော စကား​ပြောတတ်ကြသည်ကို သတိထားမိကြမည်ဟု ထင်ပါသည်။ ဆိုကြပါစို့ အိမ်​ဆောက်ရာတွင် သဲများ​နေ​သော​ကြောင့် ပြင်ဆင်ရန်​ပြောသည်ကို မလိုက်နာလျှင် တ​​​နေ့​နေ့ တချိန်တချိန်တွင်​တော့ ထိုအိမ်ပြိုကျမည် မဟုတ်ပါလား။ 

ရှင်ယာကုပ်ဩဝါဒစာ ၅:၁၉-၂၀
ညီအစ်ကိုတို့၊ သင်တို့တွင် တစုံတယောက်သောသူသည် သမ္မာတရားလမ်းမှလွဲသွား၍ သူတပါးသည် ထိုသူကို ပြန်စေလျှင်မူကား၊ 
အပြစ်ရှိသောသူကို မှားယွင်းသောလမ်းမှ ပြန်စေသောသူသည်၊ ဝိညာဉ်ကို သေခြင်းမှ ကယ်တင်၍ များစွာသောအပြစ်တို့ကို ဖုံးအုပ်တတ်သည်ဟု ထိုသူသည် သိမှတ်စေ။ 

ဒီလိုပါပဲ သမ္မာတရားလမ်းမှ လွဲ​နေခြင်းကို ​ဖော်ပြ​​ပြောဆိုခြင်းသည် အချိန်မှီ လှည့်ပြန်နိုင်​အောင် ပြင်ဆင်ရန် ​မေတ္တာဖြင့်တိုက်တွန်းခြင်းဖြစ်သည်။ အငယ် (၁၉) မှာဆိုသလို သမ္မာတရားလမ်းမှလွဲသူကို ပြန်​စေဖို့ရာ ဘုရားနှင့်ရှင်းခိုင်းပါဟုမ​ဖော်ပြထား​ပေ။ ထို့​ကြောင့် အဘယ်အရာသည် ထိုသူကို သမ္မာတရားလမ်းမှန်ကိုသိ​စေမည်နည်း။ 

အ​ဖြေက​​တော့ရှင်းပါတယ်။ "မ​ပြောမပြီး၊ မတီးမမြည်" ဖြစ်​ပေသည်မို့ ထိုသို့ ​ဖော်ပြပြောဆိုခြင်းသည် လူမုန်းခံရနိုင်သလို၊ အပြစ်တင်ခံရနိုင်​သော​ကြောင့် ​တော်ရုံလူများမပြုလုပ်တတ်ကြ​ပေ။ ​မည်သူမှ အမုန်းမခံချင်သလို အမြင်ကတ်မခံချင်ကြပါ၊ လူတိုင်း လူချစ်လူခင်​ပေါချင်ကြသည်မှာ​တော့ ​မြေကြီးလက်ခပ်မလွဲဖြစ်​ပေမည်။ ထို့​ကြောင့် သမ္မာတရားလမ်းမှ လွဲ​ချော်ခြင်း​တွေကို ​မ​ပြောလို့မပြီး မ​ပြောလို့ မသိကြတာ​တွေမို့ ဖော်ပြ​ပြောဆိုကြခြင်းသည် မေတ္တာဖြင့်သာ အမုန်းခံ၍ ​ဖော်ပြခြင်းဖြစ်​ချေသည် မဟုတ်ပါလား။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet