ကျွန်​တော့်အိမ်သို့ ဦး​လေးတစ်​ယောက်လာရန်အတွက် အိမ်လိပ်စာကို ​မေးမြန်း​နေခဲ့သည်။ ​ပြောခဲ့ပြီးဖြစ်​သော်လည်း အိမ်သို့လာ​နေစဥ် လမ်း​ပေါ်မှာတင် နှစ်ကြိမ်ထပ်​မေးခဲ့သည်။ သူမသွားဖူး​သော​နေရာ၊ သူလမ်းညွှန်မ​ပေးတတ်​သော ​နေရာဖြစ်​သော​ကြောင့် အငှားယဥ်​မောင်း အကိုကြီးကို သူ​ပြောမပြတတ်​ပေ။ ​နောက်ဆုံးမှာ​တော့ ကျွန်​တော်လမ့်ညွှန်​ပေးခြင်းဖြင့် အိမ်သို့ ​ကောင်းမွန်စွာ ဆိုက်​ရောက်လာခဲ့သည်။ လမ်းမှားခြင်းလုံးဝမရှိခြင်းမှာလည်း  လာ​နေစဥ်မှာပင်လျှင် လမ်းညွှန်​ပေး​နေခြင်း​အတိုင်းသာ ​မောင်းလာ​သောကြောင့်ဖြစ်သည်။ 

သူလမ်းမှားမည် မမှားမည်ကို သူသည် မစိုးရိမ်ခဲ့။ ကျွန်​တော်၏ လမ်းညွှန်​ပေးခြင်းကို စိတ်ချစွာ လိုက်နာခဲ့သည်။ တစ်ခါမျှ ဒီလိုမျိုး မလာဖူးဘူး ဖြစ်​သော်လည်း လမ်းညွှန်​ပေး​သော ကျွန်ုပ်၏ အကူအညီအားဖြင့် လမ်းမှားခြင်းလုံးဝမရှိဘဲ အိမ်သို့ ​ကောင်းမွန်စွာ ​ရောက်လာခဲ့ခြင်း​ဖြစ်သည်။ ထိုသို့သာမက ကျွန်​တော်​နေ​သော အိမ်၊ ကျွန်​တော့်​နေရာ၊ ကျွန်​​တော်​ရောက်ဖူး​သော​နေရာ ဖြစ်သည့်အတွက် လမ်းညွှန်​ပေးနိုင်သလို၊ ထိုသို့ ​ကျွန်​​တော့်နေရာဖြစ်​သော​ကြောင့်လည်း ဦး​လေးဖြစ်သူမှာ စိတ်ချစွာ လမ်းညွှန်ချက်ကို လိုက်နာခဲ့ခြင်းဖြစ်သည် မဟုတ်ပါလား။ 

ဒီလိုပါပဲ ကျွန်​​တော်တို့လူသား​တွေရဲ့ ​တမလွန်အ​ရေးသည် အင်မတန်မှ လမ်း​ပျောက်​နေသလို စမ်းတဝါးဝါးနှင့် သွား​နေကြသူ​တွေများစွာရှိ​နေပါသည်။ မည်သူမျှမသွားဖူး​သော၊ မ​ရောက်ဖူး​သော၊ မ​သေချာ​သော တမလွန်ခရီးကို မ​ရေရာ မ​သေခြာ​သော လမ်းပြမှု​တွေ လမ်းညွှန်မှု​တွေနှင့် ​​ခေတ်အဆက်ဆက် လျှောက်လှမ်း​သွားလာနေကြသည်မှာ အင်မတန်ဝမ်းနည်းစရာ​ကောင်းလှသည်။ 

ဧဖက်ဩဝါဒစာ ၂:၈-၉
ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းသို့ ရောက်ရ၏။ ကိုယ်အလိုအလျောက် ရောက်သည်မဟုတ်။ ဘုရားသခင် သနားတော်မူရာဖြစ်သတည်း။
ကိုယ်ကုသိုလ်ကြောင့် ကယ်တင်တော်မူခြင်းသို့ ရောက်သည်မဟုတ်။ သို့ဖြစ်၍ အဘယ်သူမျှ ဝါကြွားစရာ အခွင့်မရှိ။ 

တမလွန်အ​ရေးက​ နောက်မှပါ၊ အခုအသက်ရှင်​နေရတာ အ​ရေးကြီးတယ်၊ ​သေရင်ပြီးပြီ ​အေး​ရော၊ ခုဘဝ​မှာ ​ကောင်းတာမလုပ်နိုင်လဲ ​နောက်ဘဝမှ​ပေါ့၊ စသဖြင့်ဆိုတတ်ကြတယ်။ သို့​သော် လူသည် တစ်ကြိမ်သာ​သေရခြင်းဖြစ်ပြီး လမ်းနှစ်မျိုးသာရှိသည် (​ကောင်းကင်လား၊ ငရဲလား)။ တနည်းဆိုရ​သော် လူသည်​ သတ္တဝါတွေအထဲမှာ ဥာဏ်အ​ကောင်းဆုံးဟုဆိုရ​​သော် ထိုလူသည် ယခုတွင်​ကောင်း​အောင် မလုပ်နိုင်မှ​တော့ ​နောက်ဘဝတွင် မည်သို့​ကောင်းနိုင်မည်နည်း။ လူက မည်မျှ​ကောင်း​အောင်​​နေနိုင်မည်နည်း၊ မည်မျှဒါနပြုနိုင်မည်နည်း၊ ကုသိုလ် အကုသိုလ် တိုင်းတာလျှင် မည်သည့်အရာ အ​လေးသာမည်နည်း။ ကုသိုလ်တစ်ပဲ ငရဲတစ်ပိဿာ မဟုတ်ပါလား။ ဒါ့​ကြောင့် လူသည် ​​နောင်တမလွန်အတွက် လုံးဝမလုပ်​​ဆောင်နိုင်၊ မကျင့်ကြံနိုင်၊ ဘာတစ်ခုမျှတတ်နိုင်ခြင်း လုံးဝမရှိ​ပေ။ အကယ်၍သာ မိမိ၏ လုပ်​ဆောင်နိုင်ခြင်း၊ ​ပေးလှူနိုင်ခြင်း၊ ကျင့်ကြံနိုင်ခြင်း​ကြောင့်သာ တမလွန်အ​ရေးသည် တိကျ​သော အ​ဖြေကိုရလျှင်​တော့ ထိုသူ​တွေသည် ဝါကြွား​ထောင်လွှားခွင့် ရှိ​နေကြ​ပေဦး​တော့မည် မဟုတ်ပါလား။ 

ကျွန်ုပ်တို့လုပ်​ဆောင်နိုင်ခြင်း မရှိ​သော တမလွန်အ​ရေးအတွက် သခင်​ယေရှုက လုပ်​ဆောင်​ပေးခဲ့သည်။ ကျွန်ုပ်တို့ မသိနိုင်​သော တမလွန်လမ်းခရီးအတွက် သူသည် လမ်းညွှန်၊ ကျွန်ုပ်တို့ မ​ရောက်ဖူး​သော ထို​ကောင်းကင်လမ်းကို အာမခံ​သော အာမခံ၊ ကျွန်ုပ်တို့​လောကသားများ၏ ကယ်တင်ရှင်ဖြစ်​ချေသည်။ ကျွန်​တော့်ဦး​လေးသည် သူလမ်းလုံးဝမသိ​သော​ကြောင့် ကျွန်ုပ်၏ လမ်းညွှန်မှုကို လက်ခံ၍ ယုံကြည်စွာ ထိုလမ်းအတိုင်းလာခြင်းဖြင့် အိမ်သို့​ရောက်လာသည်။ ဒီဥပမာ​လေးလိုပဲ သခင်​ယေရှုသည် လမ်းပြ​နေသည်၊ ကျွန်ုပ်တို့ မ​ရောက်ဖူး​သော်လည်း လုံးဝမသိ​သော်လည်း သခင်​ယေရှုကို ယုံကြည်စွာ လိုက်​လျှောက်နိုင်သည်။ သခင်​ယေရှုကလည်း သူသည် လမ်းခရီးဖြစ်​ကြောင်း သူ့အားဖြင့်သာ တမလွန်ကို စိတ်ချရနိုင်​ကြောင်း အာမခံထား​ပေသည်။ 

ရှင်ယောဟန်ခရစ်ဝင် ၁၄:၆
ယေရှုက၊ ငါသည်လမ်းခရီးဖြစ်၏။ 

ဒါ့​ကြောင့် မိတ်​ဆွေ၏ တမလွန်အ​ရေးကို စိတ်မချနိုင်ဖြစ်ရင်​တော့ သခင်​ယေရှုသည် လမ်းခရီးဖြစ်သည်။ တမလွန်၏အ​ဖြေသည် တစ်လမ်းတည်းရှိ​သော​ကြောင့် ထိုသခင်ကိုအမှီမပြုရင် မိတ်​ဆွေ၏ တဝဲဝဲလည်ခြင်းသည် အ​ဖြေမရှိနိုင်​ပေ။ မိမိ၏ မလုပ်​ဆောင်နိုင်ခြင်းကို ဝန်ခံလျှက် လမ်းညွှန်​ပေး​နေ​သော ထိုလမ်းခရီးဖြစ်​သော သခင်​ယေရှုခရစ်​​တော်ကို အမှီပြုကာ စိတ်ချခြင်းသို့ ​ရောက်နိုင်ပါ​စေဟု သတင်း​ကောင်း​လေး ပါးလိုက်ချင်ပါတယ်။ 

ကယ်တင်ရာ​နေ့ရက်သည် ယ​​နေ့ပင်ဖြစ်​သော​ကြောင့် မိတ်​ဆွေက သခင်​ယေရှုခရစ်​တော်ကိုမြည်းစမ်းကြည့်ချင်တယ်ဆိုရင်​တော့ ... 

***ယေရှုခရစ်​တော်သည် ကျွန်​တော်/မ(အမည်)ရဲ့အပြစ်အတွက်လက်ဝါးကားတိုင်​ပေါ်မှာအ​သေခံအ​သွေးသွန်းပြီး သင်္ဂြုလ်ခြင်းကိုခံ​တော်မူပြီး​တော့ ကျမ်းစာလာသည့်အတိုင်း၃ရက်​မြောက်​သော​နေ့မှာရှင်ပြန်ထ​မြောက်တာကို ယုံကြည်လက်ခံပါတယ်။ *** 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet