လောကမှာ လူသားများစွာ အသက်ရှင်​နေထိုင်ကြတယ်။ ဒီအထဲမှာမှ ခရစ်​တော်ကို မသိတဲ့သူ​တွေ ဘယ်​လောက်ရှိမလဲ၊ သိ​တော့သိတယ် ကယ်တင်ခြင်းမရ​သေးတဲ့သူ​တွေ​ရော ဘယ်လောက်ရှိမလဲ၊ စဥ်းစားစရာဖြစ်ပါတယ်။ တချို့ကလည်း ငါက အပြစ်များလွန်းတယ်၊ ငါ့ကို ဘာမှမကယ်နိုင်​တော့ဘူး၊ ​ခေတ်စကားနဲ့​ပြောရရင် ​ဆေးမမှီ​တော့ဘူးလို့ ဆို​ကောင်းဆိုချင်စရာ ဖြစ်​​ကောင်းဖြစ်နေမယ်။ ဒါ့​ကြောင့် တမလွန်အတွက် အ​ဖြေမရှိ​တော့ဘူးဟု ထင်ကာ ​ပျောက်​နေ​သော လမ်းကို စမ်းတဝါးဝါး ​လျှောက်ရင်း တိုးရင်း သွားရင်း ​ပြေးရင်း နှင့် ​ပျောက်မှန်းမသိ ​ပျောက်ဆုံးလာ​ကာ လောကထဲက စကားများ​နောက်သာ လိုက်ရင်း လိုက်ရင်းနှင့် အ​ဖြေအတိအကျမရှိ​သော တမလွန်၏ ဝင်္ကဘာထဲ တဝဲလည်လည် ဝင်​ရောက်ရမည့် အ​ရေးကို ​ရောက်လို့လာတတ်ကြပါတယ်။ 

ဒါ​ပေမယ့် မိတ်​ဆွေ ... သင် ဘယ်​တော့မှ ​နောက်မကျပါဘူး။ ​ယေရှုခရစ်​တော်သည် ​ပျောက်​သောသူတို့ကို ကယ်တင်ဖို့ရာအတွက် ကြွလာတာလို့ဆိုရရင်လည်း မမှားပါဘူး။ ဒါ့​ကြောင့် သင့်ရဲ့ အ​ခြေအ​နေ ဘယ်လိုပင်ဖြစ်​နေပါ​စေ၊ သင့်ကိုရှာ​နေ​သော သခင်သည် သင့်ကို လက်ခံတယ်ဆိုတာကို သိ​စေချင်ပါတယ်။ 

ရှင်မဿဲခရစ်ဝင် ၁၈:၁၁
  ထိုမှတပါး လူသားသည်ပျောက်သောသူတို့ကို ကယ်တင်အံ့သောငှာ ကြွလာသတည်း။ 

အခန်းငယ် (၁၂-၁၃) ကိုကြည့်မယ်ဆိုရင် သိုးတစ်ရာရှိတဲ့ ပိုင်ရှင်တစ်​ယောက်က တစ်​ကောင်​ပျောက်သွားရင် (၉၉)​ကောင်ကို ထား၍ ​လမ်းလွဲပြီး ပျောက်​သွားတဲ့ တစ်​ကောင်ကို လိုက်၍ ရှာတတ်တယ်မဟုတ်လားလို့ ဆိုသလို၊ ပြန်​တွေ့တဲ့အခါမှာ လမ်းမလွဲတဲ့ (၉၉)​ကောင်ထက် လမ်းလွဲပြီး​ပျောက်သွားတဲ့ တစ်​ကောင်အ​ပေါ် သာ၍ ဝမ်း​မြောက်တယ်လို့ ဆိုတာကို မြင်ရပါတယ်။ 

ဒီလိုပါပဲ ​ပျောက်ဆုံး​နေ​သော သိုးတစ်​ကောင်သည် သင်လဲဖြစ်နိုင်ပါတယ်။ သင့်ရဲ့ မဖြစ်နိုင်ဘူးလို့ထင်​နေတဲ့ တမလွန်အတွက် သင်မလုပ်နိုင်တဲ့လမ်းအတွက် ထိုသခင်​ယေရှုခရစ်​တော်က ​ပေးဆပ်ခဲ့ပြီးပြီဖြစ်တယ်။ ဒါ့​ကြောင့် တမလွန်အ​ရေး ဘယ်လို​ရှေ့ဆက်ရမလဲ မသိဘဲ လမ်းလွဲ၍​ ​ပျောက်​နေသလား၊ ဒါမှမဟုတ် အပြစ်​တွေများလွန်းလို့ဆိုပြီး ​ဆေးမမှီနိုင်ဘူးလို့ ယူဆ​နေပါသလား။ သင့်ရဲ့​စစ်မှန်​သော ​​နောင်တကို သခင်အလိုရှိပါတယ်။ ​ပျောက်ရာမှ ပြန်​တွေ့သော သိုးသည် သင်လဲ ဖြစ်နိုင်ပါတယ် မိတ်​ဆွေ။ ဒါ့​ကြောင့် စစ်မှန်​သော​ ​နောင်တရတဲ့သင့်ကို ပြန်​တွေ့ရတဲ့အခါမှာ သခင်သည် ဝမ်း​မြောက်တယ်ဆိုတာကို နားလည်​စေချင်ပါတယ်။ 

ကယ်တင်ရာ​နေ့ရက်သည် ယ​​နေ့ပင်ဖြစ်​သော​ကြောင့် မိတ်​ဆွေက သခင်​ယေရှုခရစ်​တော်ကိုမြည်းစမ်းကြည့်ချင်တယ်ဆိုရင်​တော့ ... 

***ယေရှုခရစ်​တော်သည် ကျွန်​တော်/မ(အမည်)ရဲ့အပြစ်အတွက်လက်ဝါးကားတိုင်​ပေါ်မှာအ​သေခံအ​သွေးသွန်းပြီး သင်္ဂြုလ်ခြင်းကိုခံ​တော်မူပြီး​တော့ ကျမ်းစာလာသည့်အတိုင်း၃ရက်​မြောက်​သော​နေ့မှာရှင်ပြန်ထ​မြောက်တာကို ယုံကြည်လက်ခံပါတယ်။ *** 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet