အခမဲ့ အသက်မုန့်
ညီကိုတစ်ယောက်ရဲ့ Facebook မှာ အခမဲ့(Free) နှင့် ဈေးအချို့ကို ရေးထားတဲ့ Foods Machine လေးတစ်ခုကို တွေ့မိရင်းနဲ့ ဆင်ခြင်မိတယ်။ ပုံထဲက အခမဲ့ပေးသော အစားအစာတွေ အကုန်လုံးတော့ကုန်နေပါတယ် ဒါပေမယ့် ဈေးကပ်ထားတာတွေကတော့ ကျန်နေလေရဲ့။ အခမဲ့ပေးသော မုန့်အမျိုးမျိုးတွေကိုသာ ရွေးယူခြင်းလည်း ဖြစ်ချေမည်။ ထို့ကြောင့် အကန့်အသတ်ဖြစ်သော ထိုမုန့်အရေအတွက်ပြည့်သွား၍သာ အခမဲ့ဆိုသောနေရာတွင် မုန့်များထပ်မရှိတော့ခြင်းပင်ဖြစ်ချေမည်ဟုလည်း ယူဆမိသည်။
အခမဲ့ပေးသော အစားအစာတွေက လိုအပ်တဲ့လူတွေအတွက် အဓိကရည်ရွယ်ပြီး ထည့်ပေးထားခြင်းလည်းဖြစ်သလို အခြားအရာတွေကတော့ ရောင်းတာဖြစ်ပါတယ် သို့သော် အခမဲ့ပေးခြင်းသည် အလကားဖြစ်လို့ ပေးခြင်းမဟုတ်သလို အပေါစားဖြစ်လို့ ပေးခြင်းမဟုတ်ဘဲ မေတ္တာအခြေခံ၍သာ ပေးခြင်းလည်းဖြစ်သည်ဆိုတာကိုတော့ မမေ့စေချင်။
ထို့အတူပဲ လောကမှာ လိုအပ်ခြင်းများစွာရှိကြပါတယ်။ အချို့ကမေတ္တာလိုအပ်တယ်၊ အချို့က မျက်ရည်သုတ်ပေးဖို့၊ အချို့က ကရုဏာတရားလိုပြန်တယ်၊ အချို့ကလည်း တမလွန်အတွက် အဖြေကိုလိုနေတယ်၊ စသဖြင့် ကျွန်ုပ်တို့လူသားများသည် တစ်ခုမဟုတ်တစ်ခု လိုအပ်ချက်များစွာနဲ့ လောကမှာ အသက်ရှင်နေထိုင်လာကြသည်မှာ ငြင်းဆိုမရပေ။ Foods Machine ထဲက အခမဲ့ပေးသော အစားအစာက ကုန်သွားပေမယ့် သခင်ယေရှုခရစ်တော်၏ ကျေးဇူးတော် အသက်မုန့်သည် ကုန်ခမ်းခြင်းမရှိပါ။
ရှင်ယောဟန်ခရစ်ဝင် ၆:၄၇-၄၈
ငါအမှန်အကန်ဆိုသည်ကား၊ ငါ့ကို ယုံကြည်သောသူသည် ထာဝရအသက်ကိုရ၏။
ငါသည်အသက်မုန့်ဖြစ်၏။
ထို Machine ထဲတွင်ရှိသော အခမဲ့မုန့်များသည် တခုချင်းယူရပေမယ့် ကုန်ခမ်းတတ်တယ် သို့သော် သခင်ယေရှုခရစ်တော်၏ အခမဲ့ပြုပေးသော ကျေးဇူးတော် အသက်မုန့်သည် သင့်ရဲ့ တမလွန်အတွက်လည်းဖြစ်သလို သင့်ရဲ့ ငြိမ်သက်ခြင်းလည်းဖြစ်တယ်၊ သင့်ရဲ့ မျက်ရည်တွေကို သုတ်ပေးမှာလည်းဖြစ်သလို နာကျဥ်ခြင်းတွေအတွက်လည်းဖြစ်တယ်၊ သင့်ရဲ့ ဝမ်းနည်းခြင်းအတွက်လည်းဖြစ်သကဲ့သို့ သင့်မိသားစုအတွက်လည်း ဖြစ်ချေသည်။ ထို့ကြောင့် ထိုအခမဲ့ကျေးဇူးတော်သည် ယခုဘဝ နောင်ဘဝအတွက်ဖြစ်သလို တန်ဖိုးဖြတ်၍မရ၊ ပေးဝယ်၍မရသောကြောင့်၊ လူသားဖြစ်သော ကျွန်ုပ်တို့၏ လုပ်ဆောင်နိုင်ခြင်း မရှိသောကြောင့်သာ အခမဲ့ပေးခြင်းဖြစ်ပေသည်။ ဥပမာ လေကိုသာ ငွေပေးဝယ်၍ အသက်ရှူရရင် ကျွန်ုပ်တို့သေမှာဖြစ်တယ် သို့သော် လေသည် အခမဲ့ပါ၊ ဒါ့ကြောင့်လည်း တန်ဖိုးဖြတ်မရခြင်းကို မေ့လျှော့နေတတ်ကြသည်။
Foods Machine ထဲမှ အခမဲ့အရာများနှင့် အခကြေးငွေပေးဝယ်ရသောအရာများသည် ကုန်သွားနိုင်ပေမယ့် သခင်ယေရှုခရစ်တော်၏ အခမဲ့ကျေးဇူးပြုပေးခြင်းသည် မကုန်ပါ (Out of stocks) ဘယ်သောအခါမျှမဖြစ်ဘူးဆိုတာကို သတင်းကောင်းပါးချင်ပါတယ်။ Machine ထဲမှ အခမဲ့ထည့်ပေးထားသော သကြားလုံး၊ ပေါင်မုန့်၊ အအေး စသဖြင့်တွေကို ရွေးယူတတ်သကဲ့သို့ ယေရုခရစ်တော်ထံမှ ကောင်းကြီးမင်္ဂလာကိုသာ ရွေးယူချင်တဲ့ သူတွေလည်းရှိတတ်ပါတယ်။ အချို့က နေမကောင်းလို့ ဆုတောင်းခံခြင်း၊ အချို့က ခက်ခဲလို့၊ အချို့က ဘာဖြစ်လို့ ညာဖြစ်လို့ စသဖြင့်တွေကိုသာ ရွေးယူချင်ကြတယ်။ ဒါပေမယ့် ဒီကနေ့မှာ ထိုသခင်ကိုသာ ရွေးယူခြင်းဖြင့် ပြတ်သားစွာ ရပ်တည်နိုင်ပါစေ။
ရှင်ယောဟန်ခရစ်ဝင် ၆:၅၁
ငါသည်ကောင်းကင်မှဆင်းသက်သောအသက်မုန့်ဖြစ်၏။ ဤမုန့်ကို စားသောသူမည်သည်ကား၊ အစဉ် မပြတ်အသက်ရှင်လိမ့်မည်။ ငါပေးသောမုန့်ကား၊ လောကီသားတို့၏ အသက်အဘို့အလိုငှါ စွန့်သောငါ၏ အသားပေတည်းဟုမိန့်တော်မူ၏။
ကယ်တင်ရာနေ့ရက်သည် ယနေ့ပင်ဖြစ်သောကြောင့် တန်ဖိုးဖြတ်မရတဲ့ ထိုသခင်၏ ကယ်တင်ခြင်း ကျေးဇူးပြုခြင်းနှင့် အသက်မုန့်ကို ယနေ့ပင် အခမဲ့ ရယူလိုက်ပါ မိတ်ဆွေ ...
***ယေရှုခရစ်တော်သည် ကျွန်တော်/မ(အမည်)ရဲ့အပြစ်အတွက်လက်ဝါးကားတိုင်ပေါ်မှာအသေခံအသွေးသွန်းပြီး သင်္ဂြုလ်ခြင်းကိုခံတော်မူပြီးတော့ ကျမ်းစာလာသည့်အတိုင်း၃ရက်မြောက်သောနေ့မှာရှင်ပြန်ထမြောက်တာကို ယုံကြည်လက်ခံပါတယ်။ ***
ဘုရားရှင်ဆက်လက်စကားပြောပါစေ။
#Titus_KyawNyi
Photo Crd: Saw Soe Ye Aung