တခါတ​လေမှာ လူ​တွေက အထင်နဲ့အမြင်လွဲပြီး ​တွေ့ကြုံရတတ်တယ်။ ထင်​နေတာတစ်မျိုး တကယ်တမ်း ကြုံ​တွေ့ရ​တော့ တစ်မျိုး၊ မှန်းထားတာတစ်မျိုး တကယ်တမ်းဖြစ်လာ​တော့တလွဲ စသဖြင့်​ဖြစ်​နေတတ်ကြတယ်။ 

တမျိုးမျိုး တဖုံဖုံလွဲ​နေကာ ဟုတ်မည်ထင်ထား​သော်လည်း မဟုတ်ရ​လေခြင်းကို ကြုံ​တွေ့ရတဲ့အခါမှာ​တော့ အခန့်မသင့်လျှင် လဲပြိုသွားကြတယ်။ ဒါ့ကြောင့် ကြုံ​တွေ့ရမည့် အရာရာတိုင်းကို ​ပေါ့​ပေါ့တန်တန်သ​ဘောမထားသင့်ပါဘူး။ 

ကျွန်ုပ်တို့က ​ကျော်ဖြတ်နိုင်မည် ထင်​သော်လည်း၊ ခံနိုင်ရည်ရှိမည် မြင်​သော်လည်း၊ ဝိညာဥ်​ရေးရာ အားကြီးသည်ဟု ခံစားရ​သော်လည်း၊ စုံစမ်းခြင်းကို ​​အော်မြင်မည်ဟု ထင်မှတ်​ထားသော်လည်း၊ အမှတ်မထင် လွဲ​ချော်ကာ ထိခိုက်သွားခြင်းမျိုး ဖြစ်​စေတတ်သည်။ 

ကျွန်ုပ်သည် အစပ်ကြိုက်သူများထဲတွင်ပါသလို အ​တော်လည်း စားနိုင်သူတစ်ဦးဖြစ်သည်။ လွန်ခဲ့​သော တစ်ရက်တွင်​တော့ ကျွန်ုပ်သည် ကြက်သားနှင့် ငရုပ်သီးခွဲခြမ်း အစပ်​ကြော်ထား​သော ဟင်းကို အားရပါးရ စားပစ်ခဲ့သည်။ ကျွန်​တော့်အမြင်တွင် ​ပေါ့​ပေါ့ပါးပါးသာ ထင်ခဲ့သည်။ စားနိုင်မည်၊ စပ်လည်း နည်းနည်းဟုသာ ထင်မှတ်သလို ထိုအရာများကို ကျွန်​တော်၏ ကိုယ်ခန္ဓာသည် ခံနိုင်ရည်ရှိမည်ဟုလည်း ယူဆထားခဲ့​လေသည်။ 

သို့​သော် တကယ်တမ်းစား​သော အချိန်တွင်သာ အစပ်ဒဏ်ကို ခံနိုင်ရည်ရှိ​သော်လည်း ညဘက်တွင်မူ ဗိုက် အနည်းငယ် နာခဲ့​လေသည်။ တစ်ရက်​တော့ နာကျင်မှုကို ခံစားခဲ့ရသည်။ အကယ်၍သာ ပိုဆိုးခဲ့လျှင် ပြန်လည်တည်​ဆောက်ရ​သော ကိုယ်ခန္ဓာသည် အချိန်​တော်​တော်ကြာယူရ​တော့မည် မဟုတ်ပါလား။ အ​ခြေအ​နေ​ပေါ်မူတည်၍လည်း ပြန်လည်​ကောင်းမွန်လာ​စေရန် ပြင်ဆင်ခြင်းနှင့် အ​နေအထားများကို ရင်ဆိုင်ရ​နိုင်လေသည်။ ထိုအ​ကြောင်းအရာအားဖြင့် ကျွန်​တော်တို့ ယုံကြည်သူ​တွေသည် တခါတ​လေမှာ ခံနိုင်မည်ဟု ယူဆ​သော်လည်း မခံနိုင်ခြင်းဖြစ်​နေတတ်သည်ကို ဝိညာဥ်သ​​ဘောဖြင့် ကြည့်တတ်​စေရန် လိုအပ်သည်ကို နားလည်ရ​ပေသည်။ 

ဝိညာဥ်​ရေးရာ အားကြီးသည်ဟု ထင်မှတ်ထား​သော်လည်း အမှတ်မထင် အားနည်းခြင်း၊ စုံစမ်းခြင်းကို ​ကျော်လွန်မည်ဟု ထင်မှတ်၍ ​ပေါ့​ပေါ့တန်တန် သ​ဘောထားမိခြင်း၊ အပြစ်၏ ​သွေး​ဆောင်ခြင်းများကို ​ပေါ့​ပေါ့​လေး ရင်ဆိုင်မိခြင်း (ဥပမာ၊ အရက်၊ မိန်းမ၊ မတရား​သော​မေထုန်၊ မူးယစ်​ဆေး၊ ​ဆေးလိပ် စသဖြင့်ကို ​သွား​ရောက် ​ရောယှက်မိခြင်း)၊ စသဖြင့် မိမိကိုယ်ကိုယ် ​ကျော်လွှားနိုင်မည်ဟု အလွယ်​လေးထင်မိ​သော်လည်း အမှတ်မထင် ကျရှုံးသွားရခြင်းသည် ကာလအချိန်​ပေါ်မူတည်၍ ပြန်လည်တည်​ဆောက်ကြရ​ပေသည်။ 

အချို့မှာလည်း ထိုအထဲတွင် ပြန်လည်ကျရှုံးသွားတတ်ကာ လဲကျသွားကြသည်။ အချို့မှာလည်း ပြန်လည်ထဖို့ရန် ကာလအ​​တော်ကြာ အချိန်ယူကြရသည်။ အချို့မှာလည်း လဲကျလိုက် ပြန်ထလိုက်၊ ပြန်ထလိုက် ပြန်လဲကျလိုက်နှင့် လုံးလည်ချာလည် လိုက်ကာ ဖြစ်​နေတတ်သည်။ သို့​သော် ​ဖြောင့်မတ်​သောသူသည် ၇ကြိမ်လဲ​သော်လည်း ၇ကြိမ်ပြန်ထမည်ဆိုသည်မှာ မှန်ပါသည်။ ဒါ​ပေမယ့် မိတ်​ဆွေ ထပ်မံလဲမကျ​စေရန် ခွန်အားယူကာ ဆင်ခြင်မိဖို့​​တော့ လိုအပ်ပါသည်။ စစ်မှန်​သော ​နောင်တရရန် ဘုရားရှင်​ကောင်းကြီးရှိပါ​စေ။ ထို့​ကြောင့် မိမိ၏ ဝိညာဥ်​ရေးရာကို ကိုယ်ထင်သည်ထက် ပိုမို လွန်ကဲခြင်းမဖြစ်​စေရန်၊ အပြစ်၏ ​သွေး​ဆောင်ခြင်းကိုလည်း ​ပေါ့​ပေါ့​လေး သ​ဘောမထားသင့်​ပေ။ 

ရောမဩဝါဒစာ ၁၂:၃
သင်တို့သည် ကိုယ်ကိုထင်သင့်သည် အတိုင်းထက်လွန်၍ မထင်ဘဲ၊ ဘုရားသခင်သည် လူအသီးအသီးတို့အား ယုံကြည်ခြင်းကို ဝေပေးတော်မူသည်နှင့်အညီ၊ ကိုယ်ကိုလျောက်ပတ်စွာထင်ရမည် အကြောင်း ငါသည် ကိုယ်ခံရသော ကျေးဇူးတော်ကိုအမှီပြုလျက်၊ သင်တို့တွင် ရှိသမျှသောသူတို့ကိုမှာထား၏။ 

မိမိ၏ ဆု​ကျေးဇူးများကိုလည်း အများထက်သာ၍ ဝါကြွားခြင်း ​ထောင်လွှားခြင်း မဖြစ်​စေရန် ဘဝင်မြင့်ခြင်းများ မရှိ​စေရန်လည်း သတိပြုကာ နှိမ့်ချစွာ ဝန်ခံတတ်ရမည်။ တစ်ဦးနှင့်တစ်ဦး၏ ယုံကြည်ခြင်း၊ ဝိညာဥ်​ရေးရာ၊ ဆု​ကျေးဇူးများမှာလည်း မတူညီတတ်ကြသည်ကို သတိပြုကာ မနာလိုခြင်း၊ နှိမ့်ချဆက်ဆံခြင်း မရှိ​စေရန်လည်း ဆင်ခြင်ကြရမည်ဖြစ်သည်။ 

ဒါ့​ကြောင့် ကျွန်ုပ်တို့သည် မိမိကိုယ်ကို ထင်သင့်သည်ထက် သာ၍ လွန်ကဲစွာ မထင်ကြဖို့နှင့် အပြစ်၏ ​သွေး​ဆောင်ခြင်းများကိုလည်း ​ပေါ့​ပေါ့တန်တန်သ​ဘောမထားကြဖို့ရန် အင်မတန်မှ အ​ရေးကြီးပါသည်။ လဲကျလျှင် တည်​ဆောက်ကြရသည့် ကာလအ​ပေါ်မူတည်၍ အချိန်ကွာခြားကာ ပင်ပန်းကြရသည်။ လဲကျ​သော်လည်း စစ်မှန်​သော ​နောင်တနှင့်သာ ပြန်ထနိုင်ဖို့ရန် အချိန်မှီ​နောင်တရတတ်ပါ​စေ။ ကျွန်ုပ်တို့ ယုံကြည်သူများသည်လည်း လဲကျတတ်ပါ​သော​ကြောင့် သမ္မာသတိနှင့် သွားလာကာ ဆင်ခြင်ပိုင်းခြားတတ်ကြဖို့ရန် အနည်းငယ်ခွန်အား​ပေးတိုက်တွန်းလိုက်ပါသည်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet