ကိုယ်နာမည်ရဖို့၊ ကိုယ်​အောင်မြင်ဖို့၊ ကိုယ့်ကိုလူ​တွေသိဖို့၊ နာမည်ကြီးဖို့၊ ကိုယ်​နေရာရဖို့ စသဖြင့်​တွေအတွက် ကိုယ်ဟောကြားတဲ့ ​ဒေသနာသည် သမ္မာတရားကို လွန်ဆန်​နေမိသလား။ အနည်းငယ်​သော တ​​​ဆေးသည် များစွာ​သော ​ဖောင်းပွခြင်းကို ဖြစ်​စေနိုင်သည် မဟုတ်ပါလား။ 

လက်ရှိကာလသည် များစွာ​သော ဩဝါဒ​တွေ​ဖောင်းပွလာ​သော ကာလတစ်ခုဟုဆိုရ​ပေမည်။ ဘယ်ကလာမှန်းမသိတဲ့ အ​ခြေအမြစ် မယ်မယ်ရရ မရှိ​သော ဩဝါဒအလွဲ​တွေ၊ အ​ခြေအမြစ်ရှိတဲ့ မှားယွင်း​သောဩဝါဒ​​တွေ၊ ဘယ်ကလာသလဲ ​သေ​သေခြာခြာ သိရ​သော်လည်း မိမိ၏တပ်မက်ခြင်း​ကြောင့်မလွန်ဆန်နိုင်ခြင်း​တွေ၊ စသဖြင့်​သော လွဲမှား​သော သွန်သင်ခံယူချက်​တွေ၊ မှားယွင်း​သောဩဝါဒ​တွေ၊ အယူလွဲမိစ္ဆာအဖွဲ့အစည်း​ပေါင်းများစွာ ​ပေါ်​ပေါက်လျှက်ရှိရာကာလဟု ဆိုနိုင်​ပေသည်။ 

ယုံကြည်သူများ၏ ခံယူယုံကြည်ချက်​နှင့်သမ္မာတရားသည် အယူလွဲ မူကွဲများနှင့်မတူ​သော​ကြောင့် ​ပေါင်းစပ်၍မရနိုင်သည်ကိုလည်း သတိပြုစရာရှိ​ပေသည်။ ဒါ့​ကြောင့် ထိုအယူလွဲဩဝါဒများကို ကိုယ့်ထံမဆွဲသွင်း​စေရန်နှင့် အ​ရောအ​နှောလုပ်ခြင်း မရှိ​စေရန်ဆင်ခြင်ဖို့အ​ရေးကြီးလှသည်။ ဒီလိုမဖြစ်​စေဖို့ရန်အတွက်က​တော့ သမ္မာတရားလမ်းအတိုင်းသာ ​ဘေးဘယ်ညာမယိမ်း မတိမ်း​စောင်း​စေရန် သမ္မာသတိနှင့် ထိန်းရ​ပေမည်။ 

တိတုဩဝါဒစာ ၂:၁
သင်မူကား၊ စင်ကြယ်သောဩဝါဒနှင့် ထိုက်တန်သမျှတို့ကို ဟောပြောလော့။ 

တိတုဩဝါဒစာကို ကြည့်မယ်ဆိုရင်လည်း ရှင်​ပေါလုက တိတုကို​ စင်ကြယ်​သောဩဝါဒကိုသာ ​ဟော​ပြော​စေဖို့ကို သတိ​ပေးတိုက်တွန်း​နေသည်ကို မြင်​တွေ့ရသည်။ မိမိတို့၏ စိတ်ခံစားချက်၊ ဇာတိ၊ မာန်မာန၊ လူအထင်ကြီး​စေချင်​သော စိတ်၊ တပ်မက်ခြင်း စသဖြင့်​တွေ​ကြောင့် မုသာပါ​သော ဩဝါဒ၊ မုသာနှင်ဆိုင်​သော သက်​သေ၊ သို့မဟုတ် သမ္မာတရားနှင့်မညီ​သော ခံယူချက်၊ သွန်သင်ချက်၊ ယုံကြည်ချက်များ မဖြစ်​စေရန် သတိပြုရမည်ဖြစ်သည်။ 

လက်ရှိကာလမှာ မစင်ကြယ်​သော ဩဝါဒ​တွေဟုဆိုအပ်​သော လွဲမှား​တဲ့သွန်သင်ချက်​တွေ၊ မှားယွင်​သောဩဝါဒ​တွေ၊ မိစ္ဆာအယူလွဲ​တွေ၊ ​ယေရှုကို နှစ်ကိုယ်သုံးကိုယ် ခွဲခြမ်းစိတ်ဖြာခြင်း​တွေ၊ ဝိညာဥ်ငါးကိုယ်ခွဲခြမ်းခြင်း​တွေ၊ ​အမျိုးသမီး​ယေရှုကြွလာပြီးပြီဆိုတာ​တွေ၊ အခြား​သောဧဝံ​ဂေလိ​တွေဖြစ်တဲ့ ​နောင်တမပါ​သော ကယ်တင်ခြင်း​တွေ၊ အသက်တာမပါတဲ့ အပြစ်လွန်ကျူး​ခွင့်လိုင်စင်​တွေ၊ ဘိုး​တော်​ယောင်​ယောင်ဘာ​ယောင်​ယောင်နဲ့ ​တောင်ကီတစ်​ပေါက်ရှမ်းရှမ်း​တောက်​နေသူ​တွေ၊ ပ​ရောဖက်အတုအ​ယောင်​တွေ၊ ​ယေရှုအ​ကြောင်းပြ၍ ​ဟိုရှဲဒီရှဲ ငွေဝင်မယ် ​မြွေဝင်မယ်ဆိုသူ​တွေ၊ ​ယေရှုကို ဘုရားငယ်အဖြစ်သာလက်ခံခြင်း​တွေ စသဖြင့်​ အထူးထူးအပြားပြား​သော ဩဝါဒ​ပေါင်း ​သောင်း​ခြောက်​ထောင်ရှိ​နေ​သော်လည်း သတိပြုကြရမည်ဖြစ်​ပေသည်။ 

ဘယ်လိုပဲဖြစ်​စေ မှားယွင်း​သောဩဝါဒ​တွေ၊ မိစ္ဆာပ​ရောဖက်​တွေ၊ ​ယေရှုအတုအ​ယောင်​တွေသည် ​ပေါ်လာမည်ဟုဆိုထားသည်မဟုတ်ပါလား။ ဒါ့​ကြောင့် ​ခွေး​တို့ကို ​ရှောင်ပါဟုအတိအကျသတိ​ပေးထား​သော​ကြောင့် ယုံကြည်သူမှန်ရင်​တော့ ​ရှောင်ကြရ​ပေဦး​တော့မည်။ မစင်ကြယ်​သော ဩဝါဒ​တွေသည် ​နောက်ဆုံး​သောကာလ​ရောက်​လေ သာ၍ပို၍ တိုးလာမည် ဆက်၍လည်းရှိ​နေဦးမည်ဆို​သော်လည်း ကျွန်ုပ်တို့မူကား စင်ကြယ်​သော ဩဝါဒ​တွေကိုသာဆက်လက်၍ ​ဟော​ပြော၊ သွန်သင်၊ တိုက်တွန်းကာ၊ ယုံကြည်သူများကိုလည်း ထိုရန်စွယ်အ​ပေါင်းက​နေ ကာကွယ်​ပေးကြရ​မည်ကို သမ္မာသတိနှင့် ဆင်ခြင်ဖို့ရာ အနည်းငယ်တိုက်တွန်းခွန်အား​ပေးလိုက်ချင်ပါတယ်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet