ကျွန်​တော် နားကြပ်ပျက်သွားတဲ့အခါမှာ ကျွန်​တော့်၏ ဖုန်းနှင့် ကွန်ပျူတာမှ အသစ်ဝယ်ရန်မဆိုခဲ့ပါ။ သို့​သော် အသုံးလို​သော​ကြောင့် ကျွန်​တော် အသစ်ဝယ်ခဲ့ပါသည်။ လွန်ခဲ့​သော ရက်ပိုင်းတွင် ကားအ​ရှေ့ ​လေကာမှန်ကို ခဲထိမှန်၍ အက်သွားခဲ့သည်၊ ကျွန်​တော့်ကားသည် ​ ကျွန်​တော့်ကို မှန်အစင်းရာကြီးနဲ့ မသွားချင်းဘူးဟု စောဒကမတက်ခဲ့​ချေ။ သို့​သော် ကျွန်​တော် သွားလဲခဲ့ပါသည်။ 

ဆရာမိုးနှင့် ​ပြောခဲ့ဖူး​သောစကားအချို့ကို ပြန်လည်ဆင်ချင်၍ ​ဝေမျှ​ပေးလိုက်ချင်ပါတယ်။ တစ်ခါတစ်​လေမှာ ကျွန်​တော်တို့​တွေက ဖြစ်ချင်တာ၊ လုပ်ချင်တာ၊ လိုချင်တာ​တွေကိုပဲ ​စောဒကတက်​နေမိတတ်ကြတယ်။ ဟို​နေရာဆို မသွားချင်ဘူး၊ ကိုယ်​တော် ဘယ်လို​လေးမှ​နော် ဆိုတာမျိုးကလည်း ရှိတတ်ကြ​သေး၏။ ကိုယ့်သ​ဘောအတိုင်း ဘုရားသခင်ကို ​စောဒက​တွေ ကိုယ်စီနဲ့ ဖြစ်ချင်တာ​တွေ တဂျီဂျီ​ပြော​နေတတ်ကြပြန်​လေရဲ့။ 

တကယ်​တော့ ကျွန်​​တော်တို့က ကားတစ်စီးလိုပါပဲ။ သခင်​​မောင်းချင်တဲ့​နေရာကို ​မောင်းမှာဖြစ်တယ်။ လမ်းကြမ်းဖြစ်​စေ၊ လမ်း​ကောင်းဖြစ်​စေ၊ ဘယ်လမ်းမျိုးကိုမဆို သခင်​မောင်းတဲ့အတိုင်း ​ကောင်းစွာ သွားရမည်မှာ ကားအလုပ်ပင်။ သခင်​က ​နေရိပ်ထဲမှာရပ်ရပ်၊ ​နေပူထဲရပ်ရပ်၊ မိုးရွာ​ထဲပဲ ရပ်စေဦး​တော့ ​စောဒကတက်ပိုင်ခွင့် ကားမှာမရှိ။ 

ဒီလိုပဲ သခင်က ကားရဲ့လိုအပ်ချက်ကို သူ့အချိန်နဲ့သူသိတယ်။ အင်ဂျင်ဝိုင်လဲရမည့်အချိန်လား၊ တာယာစစ်ရမလား၊ ​လေထိုးရမလား၊ ဂီယာဝိုင်ထည့်ရမလား၊ ​ရေပဲ​ဆေး​ဆေး၊ ဖုန်​တွေနဲ့ညစ်ပတ်စွာ ပစ်ပဲထားထား သခင်က သူ့ကားအတွက် သူ့အလုပ်သူလုပ်သွားမှာဖြစ်တယ်။ ကားက​တော့ ဒီ​နေ့ အင်ဂျင်ဝိုင်လဲရမယ်​​နော်၊ ​ရေ​ဆေး​ပေးဦး​နော် စသဖြင့် ဆိုပိုင်ခွင့်လားလားမျှ မရှိပါလား။ တကယ်ဆိုရင်​တော့ သခင်၏ အသုံး​တော်ကိုသာ သူခံရမည်၊ သူ့အချိန်နဲ့သူက​တော့ သခင်က သူ့ကိစ္စသူလုပ်​ဆောင်မည်။ ကားသည် စိတ်ပူရန်​မလို​ချေ၊ ကားအလုပ်သည် သခင်၏ အသုံးသာခံရန်ဖြစ်​ချေသည်မဟုတ်ပါလား။ 

ဒီလိုပဲ ကျွန်​တော်တို့​တွေက သခင်၏ အသုံး​တော်ကိုသာ ခံရန်လိုအပ်သည်။ သခင်က သူ့အချိန်နှင့်သူသိသည်၊ သူ့အလုပ်ကိုသူလုပ်၍ သူ့ငယ်သား၏ လိုအပ်ချက်ကို အချိန်မှန်လုပ်​​ဆောင်မည်ဖြစ်​​သော​ကြောင့် ​စောဒကတတ်ရန်မလို​ပေ။ ကျွန်​တော်လည်း သိပ်မကြာခင်မှာ အင်ဂျင်ဝိုင်လဲ​ပေးရ​တော့မည်ကို စိတ်ထဲထည့်ထားသည်၊ ကားဖြစ်သူက​​တော့ ​ကျွန်​​တော့်သ​ဘောအတိုင်း ​အ​​မောင်းသာ ခံ​နေ​လေရဲ့။ 

ရောမဩဝါဒစာ ၁၂:၁၁
အားထုတ်ခြင်းအရာမှာ ပျင်းရိခြင်းမရှိဘဲလျက်၊ စိတ်တန်းသဖြင့် သခင်ဘုရား၏အလိုတော်သို့လိုက်၍ အားထုတ်ကြလော့။ 

ဒါ့​ကြောင့် ဘယ်​နေရာမှာ သင်အ​စေခံ​နေသလဲ။ ဘယ်​နေရာမှာ အသုံး​တော်ခံ​နေသလဲ။ အတီးသမား၊ သီချင်းသည်၊ နည်းပညာသမား၊ မီဒီယာသမား၊ သင်းအုပ်၊ လူငယ်​ခေါင်း​ဆောင်၊ အသက်ကြီးသူ၊ ထမင်းချက်၊ စသဖြင့် မိမိသည် ဘယ်​နေရာမှာ အသုံး​တော်ခံ​၍ ပါဝင်ဆပ်ကပ်နေခြင်းဖြစ်ပါ​စေ ပျင်းရိခြင်းမရှိ​စေဖို့နှင့် စိတ်အားထက်သန်စွာ ပါဝင်၍ သစ္စာရှိစွာ ဆပ်ကပ်တတ်ကြ​သော သူများဖြစ်​စေဖို့ရန် ဆင်ခြင်ကြဖို့ရာ အင်မတန်အ​ရေးကြီးပါသည်။ ထို့အပြင် သခင်အား ​စောဒကတတ်ခြင်းကင်းစွာဖြင့် သခင့်အလို​တော်က ဘာလဲ၊ သခင့်​စေခိုင်းခြင်းကို နားလည်တတ်၍ အလို​​တော်နှင့်အ​လေ့အလာ တို့ကို ပိုင်းခြားနားလည်တတ်ကြသူများ ဖြစ်ကြဖို့ရာမှာလည်း ကျွန်ုပ်တို့ ယုံကြည်သူတိုင်း၏ ဆင်ခြင်ပြင်ဆင်ရန်သာ ဖြစ်​ပေ​တော့သည်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet