ရှောလုကိုပယ်၍ အခြားတစ်​ယောက်ကို ဘိသိက်ပေးဖို့ ရှ​မွှေလသွားတဲ့အခါမှာ ဘယ်သူမှ ဒါဝိဒ်ကို ​ရွေးမယ်မထင်ခဲ့ကြဘူး။ အ​ဖေလုပ်သူကလည်း သားဖြစ်သူ​တွေစု​ဝေးထား​သော်လည်း အငယ်​ကောင်ကို​တော့ လူရာမသွင်းထားဘူး၊ သူ​တော့မဖြစ်နိုင်ဘူးဟုထင်၍ ဖြစ်နိုင်​ပေသည်။ ဖြူဖတ်ဖတ်နဲ့ အား​ပျော့သူ က​လေးအရွယ်၊ သိုး​ကျောင်းသား နွား​ကျောင်းသား အဆင့်အတန်းလို့သာ သတ်မှတ်ခဲ့သည်။

ရှ​မွေလ​တောင် ဧလျာဘ၏ ပုံသဏ္ဍာန်ကိုကြည့်၍ ဘိသိက်​ပေးရမည့်သူဟုထင်မှတ်ခဲ့​သေးသည် မဟုတ်ပါလား။ အစ်ကိုလုပ်သူ​တွေကို ဒီလူ​တွေမဟုတ်ဘူးဆိုပြီး ရှ​မွေလငြင်းတဲ့အခါမှာ​တောင် အ​ဖေဖြစ်သူသည် ပြန်စဥ်းစားရ​သေး၏ ဒါဝိဒ်ကို စာရင်းမသွင်းထား​ချေ။ လူက အဆင်းသဏ္ဍာန်ကိုကြည့်တယ် ထာဝရဘုရားက နှလုံးသားကို ကြည့်တယ်ဆိုသည်ကို သူတို့သိခွင့်ရခဲ့​ပေသည်။

သုတ္တံကျမ်း ၁၇:၃
ငွေစစ်စရာဖို့ မိုက်ကိုလည်းကောင်း၊ ရွှေစစ်စရာဖို့ မီးဖိုကိုလည်းကောင်း သုံးတတ်၏။ စိတ်နှလုံးကိုကား၊ ထာဝရဘုရား စစ်တော်မူ၏။

နှလုံးသားကိုကြည့်တဲ့ဘုရားက နှလုံးသား​တွေကို စစ်​ဆေးတယ်။ နှလုံးသားမှန်​သော ယုံကြည်သူ​တွေဖြစ်​စေဖို့လိုအပ်တယ်၊ နှလုံးသားကိုကြည့်တဲ့ စစ်​ဆေးတဲ့ဘုရားကို ကိုးကွယ်တဲ့ကျွန်ုပ်တို့က အပြင်ပန်းသဏ္ဍာန်ကို ကြည့်၍ မဆုံးဖြတ်ပဲနဲ့ နှလုံးသားကိုကြည့်ဖို့ လိုအပ်ပါတယ်။ ကျွန်ုပ်တို့၏ နှလုံးသား​တွေကိုလည်း မှန်၏လား မမှန်၏လားဆိုတာကို ထာဝရဘုရားသည် စစ်​ဆေးလျှက်ရှိ​နေတယ်ဆိုတာကို ဆင်ခြင်လျှက် ​ရှေ့ဆက်ကြပါစို့ဟု အနည်းငယ် တိုက်တွန်းခွန်အား​ပေးချင်ပါတယ်။

ဘုရားရှင်ဆက်လက်စကား​ပြောပါ​စေ။

#Titus_KyawNyi

Photo Crd: Internet