ကျွန်​တော်၏ ​နေအိမ် မျက်​စောင်းထိုးတွင် အိမ်​ဆောက်​နေကြသည်ကို သတိထားမိပါသည်။ တဒုံးဒုံးနှင့်ထုဆစ်​နေကြခြင်း၊ အုတ်ပုံများစီခြင်း၊ သဲနှင့်ဘိလပ်​မြေများ​ရောကြခြင်း စသဖြင့် အမျိုးမျိုး အ​ခြေခံအစပြု​နေကြခြင်းကို ​တွေ့ရသည်။ သူတို့​တွေ ဘယ်နှစ်ထပ်​ဆောက်ကြမည်ကို ကျွန်ုပ်မသိ​ပါ သို့​သော် အ​ခြေခိုင်​အောင် အစပြုထားမှသာ အထပ်မြင့်​ဆောက်နိုင်​ပေမည်။ နှစ်ထပ်​ဆောက်ချင်လျှင် နှစ်ထပ်စာ အ​ခြေခံအုတ်မြစ်တည်ထားရမည် မဟုတ်ပါလား။ 

ဘယ်​နေရာတွင် ကြည့်ကြည့် အ​ခြေခံသည် အ​ရေးပါသည်။ ဆယ်တန်း​ကျောင်းသားသည်လည်း ငယ်စဥ်မှ စာသင်ယူမှုအ​ခြေခံရှိရသလို နိုင်ငံတစ်နိုင်ငံတွင်လည်း ဖွဲ့စည်းပုံအ​ခြေခံဥပ​ဒေဆိုတာရှိကြ​ပေသည်။ ထို့အတူ ယုံကြည်သူတစ်ဦး၏ အသက်တာ​တွင်လည်း အ​ခြေခံအုတ်မြစ်ရှိသည်။ ထိုအုတ်မြစ်သည် အင်မတန် အ​ရေးကြီးသည်ကို ခရစ်ယာန်တိုင်းနားလည်ထားရမည်။ အဘယ့်ကြောင့်ဆို​​သော် ထိုအ​ခြေခံကို မသိ၍​သော်လည်း​ကောင်း၊ ခိုင်ခံ့ခြင်းမရှိ၍ ပြိုလဲ​သော​ကြောင့်​သော်လည်း​ကောင်း လှည့်ဖျားခြင်းကို ခံ​နေရ​သော ခရစ်ယာန်များလည်းရှိ​သော​ကြောင့်ပင်ဖြစ်သည်။ 

စစ်မှန်​သော ခရစ်ယာန်တစ်ဦး၏ အ​ခြေခံအုတ်မြစ်သည်
၁) သခင်​ယေရှုခရစ်​တော်၏ ဘုရားဖြစ်ခြင်း
၂) ​ယေရှုနှင့် ခရစ်​တော် မခွဲပါ (တစ်ပါးတည်းသာဖြစ်သည်)
၃) သန့်ရှင်း​သောဝိညာဥ်​​တော်၏ ဘုရားဖြစ်ခြင်း
၄) ခမည်း​တော်၊ သား​တော်၊ သန့်ရှင့်​သောဝိညာဥ်​တော် တစ်လုံးတစ်ဝတည်းဖြစ်ခြင်း (သုံးပါးတစ်ဆူ)
၅)ယုံကြည်ခြင်းအားဖြင့်သာ ​ကျေးဇူး​တော်​ကြောင့် ကယ်တင်ခြင်းသို့​ရောက်
၆) ​နောင်တရရန်လိုအပ်ခြင်း
၇) သခင်ဘုရားထံ အပြစ်ဝန်ချ​ရန်လိုအပ်ခြင်း
.
.
. 

အစရှိသဖြင့်တို့သည် အ​ရေးကြီးလှ​ပေသည်။ အချို့​သောသူများသည် အုတ်မြစ်မခိုင်​သော​ကြောင့် ပြန်လည်လဲပြိုသွားတတ်ကြ​ပေသည်။ ထို့​ကြောင့် ကယ်တင်ခြင်းသင်္ဘော​မှောက်သွားတတ်ကြကာ ကယ်တင်ခြင်းလမ်းမှ လွဲ​ချော်သွားကြသည်ကို မြင်ဖူးကြ​မည်ဟု ထင်ပါသည်။ 

ကောရိန်သုဩဝါဒစာ ပဌမစောင် ၃:၁၁
အကြောင်းမူကား၊ ယေရှုခရစ်တည်းဟူသော၊ ချလျက်ရှိသော တိုက်မြစ်မှတပါး အခြားသော တိုက်မြစ်ကို အဘယ်သူမျှ မချနိုင်။ 

ထို့​ကြောင့် ​ယေရှုခရစ်​တော်တည်းဟူ​သော နှုတ်ကပတ်​တော်၊ သမ္မာတရား လမ်းခရီးအသက်ဖြစ်သည့် အုတ်မြစ်သည် ကျွန်ုပ်တို့ယုံကြည်သူများ၏ အသက်တာတွင် တည်တံ့ခိုင်ခံ့​နေရမည်ဖြစ်သည်။ သို့မှသာ မုသာသုံး​သော မိစ္ဆာပ​ရောဖက်၊ မှားယွင်း​သောဩဝါဒ၊ အမှားသွန်သင်လမ်းပြသူ၊ စသဖြင့် အမျိုးမျိုးလွဲမှား​သော အရာများဝင်လာ​စေဦး​​တော့ အ​ခြေခံအုတ်မြစ်သည် တည်တံ့​ခိုင်မြဲနေသ၍ လဲပြိုမသွားနိုင်ပါ။ ထို့​ကြောင့် ခရစ်ယာန်တစ်ဦး၏ အ​ခြေခံအုတ်မြစ်ချခြင်း ခိုင်ခံ့ပါ​စေဟု အနည်းငယ်​ဝေမျှတိုက်တွန်းချင်ပါတယ်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet