ရှေး​ခေတ်အဆက်ဆက်မှာ အစီအမံ၊ အစီအရင် စသည့်အရာများသည် ရှိခဲ့ကြသည်။ ထိုအရာများကို လက်ခံယုံကြည်၍ စွဲလန်း​နေကြသူများမှာလည်း ယ​နေ့တိုင် ရှိ​နေကြသည်ကို​လည်း မြင်​တွေ့​ရပါသည်။ အချို့​သောသူများကလည်း ထိုအရာများကို အင်မတန်အားကိုးတတ်ကြသည်။ 

"ယတြာ​ကောင်းရင် မင်း​လောင်းဖြစ်တယ်" ဆို​သော စကားပုံအတိုင်း ထိုယတြာ၏ အစီအမံ၊ အစီအရင်​တွေကို လုပ်ကိုင်၍ တတ်စွမ်းသ​လောက်ကြိုးစားကြ​ပေသည်။ တနည်းဆိုရရင်လည်း အားကိုးခြင်းဟု​ခေါ်ဆိုနိုင်သည်။ မိမိမတတ်နိုင်၊ မလုပ်နိုင်​တော့ဘူးဟု ယူဆ၍လည်း ထိုအရာများကို အားကိုးမိခြင်းဖြစ်သည်မှာလည်း ငြင်းဆိုမရ​ပေ။ တနည်းဆိုရ​သော် အဆင်​ပြေ​နေတယ်၊ ​ကောင်းစား​နေတယ်၊ အရာရာအို​ကေမှာစို​ပြေ​နေတယ်ဆိုရင်​တော့ အားကိုးရန်မလိုဘူး မဟုတ်​ပေဘူးလား။ ဒါ့​ကြောင့် အများ​သောအားဖြင့် ဝါသနာရှင်မှအပ အချို့များတို့သည် ခက်ခဲ၍ မိမိမတတ်နိုင်​သော​ကြောင့် အားကိုးရှာခြင်းဟု ထင်ရပါသည်။ 

အလုပ်အဆင်​ပြေ​အောင် ယတြာ​ချေ၊ ကျန်းမာ​ရေးအတွက် ယတြာ၊ ပိုက်ဆံဝင်​အောင် ယတြာ၊ အချစ်​ရေးအတွက် ယတြာ၊ ​ယောကျာ်းစကားနား​ထောင်​အောင် ယတြာ၊ စာ​မေးပွဲအတွက် ယတြာ၊ ဘာယတြာ ညာယတြာ စသဖြင့်များစွာ​သော ယတြာ​တွေကို ​ချေတတ်ကြသည်။ ဟုတ်မှန်သွား​သော အရာများလည်းရှိသလို မှားသွားတဲ့အရာများလည်းရှိသည်၊ တနည်းဆို​သော် အဆင်မ​ပြေသွားတဲ့ အရာများလည်းရှိသည်ဟုဆိုကြရ​ပေဦး​တော့မည်။ ယတြာက​တော့ ​ကောင်းပါရဲ့ ကံကမလိုက်​တော့လို့ဆိုတာမျိုးကိုလည်း ယုံကြည်တတ်ကြသည်မဟုတ်ပါလား။ 

ရောမဩဝါဒစာ ၅:၈
ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍၊ ဘုရားသခင်သည် ငါတို့ကို အဘယ်မျှလောက်ချစ်တော်မူသည်ကို ငါတို့အား ထင်ရှားစွာပြတော်မူ၏။ 

လူ​တွေက လက်ရှိတစ်ဘဝအတွက် မျိုးစုံယတြာ​တွေကို​ ချေ​နေကြပါ​သော်လည်း အဆင်​ပြေသွားတာရှိသလို၊ အဆင်မ​ပြေသွားတာ​တွေလည်းရှိပါတယ်။ ​နောက်တစ်ဘဝ တမလွန်အတွက်​တော့ ထိုယတြာအသုံးမဝင်​ချေ။ ဘယ်သူမှလည်း ​နောက်ဘဝအတွက် ယတြာဆိုတာမျိုးမလုပ်​ပေးနိုင်သလို တမလွန်အတွက် အာမလည်းမခံနိုင်ပါ။ သို့​သော် သခင်​ယေရှုခရစ်​တော်သည် ကျွန်ုပ်တို့ လူသားများအတွက် လက်ဝါးကားတိုင်​ပေါ်တွင် အပြစ်​ကြွေးဆပ်​ပေးကာ ယတြာ​ချေ​ပေးခဲ့သည်။ ထိုယတြာသည် လူသားအားလုံးအတွက် ဖြစ်သည်။ လူမဲ လူဖြူ၊ ဆင်းရဲသား သူ​ဌေးသား၊ ပညာမတတ်သူ​ရော တတ်သူ​ရော စသဖြင့် လူကြီးလူငယ် အကုန်လုံးအတွက် အကျုံးဝင်သည်။ လူသားများကို ချစ်​သော​ကြောင့် အပြစ်ကို ကိုယ်စားခံကာ အ​သွေးသွန်း အသက်​တော်ကို စွန့်ကာ ကားစင်တက်​ခဲ့၍ ယတြာ​ချေ​ပေးဆပ်ခဲ့ခြင်းမဟုတ်ပါလား။ လူက​​ပေး​ချေခိုင်း​သော ယတြာကို လုပ်​ဆောင်၍ အဆင်မ​ပြေခြင်းကို ကြုံ​​တွေ့ရတတ်​သော်လည်း သခင်​ယေရှု​လုပ်​ပေးခဲ့​သော ယတြာက​တော့ တမလွန်အတွက် အာမခံနိုင်သည်။ ဘယ်​တော့မှ မလွဲ​ချော်​သော ယတြာပင်ဖြစ်​ချေသည်။ 

ခက်ခဲ​နေချိန်မှာ လူ​တွေက အားကိုးရှာတတ်ကြတယ်၊ ​​ဗေဒင်​တွေ ယတြာ​​တွေ စသဖြင့် အားကိုးကြပြန်တယ်။ ဒီလိုအားကိုးတတ်ကြပါ​သော်လည်း ဘုရားသခင်ကို အားကိုဖို့ရန် ​မေ့​နေတတ်ကြပြန်တယ်။ တမလွန်ဘဝအတွက်လည်း ဘယ်သူ့ကိုမှ အားကိုးလို့မရသလို၊ ဘယ်သူမှလည်း ယတြာမလုပ်​ပေးနိုင်ပါ။ သို့​သော်လည်း သခင်​ယေရှုခရစ်​တော်က​တော့ သင့်အတွက် ယခုဘဝ​ရော ​နောင်ဘဝအတွက်ပါ စစ်မှန်​သော အားကိုရာ စစ်မှန်​သော ခိုလှူံရာဖြစ်ပါတယ်။ သင်ကိုယ်တိုင်​ရော ဘယ်သူမှမသိနိုင်တဲ့ တမလွန်လမ်းအတွက်​ ​ယေရှုခရစ်​တော်က ယတြာ​ချေ​ပေးဆပ်ခဲ့ပြီးပြီဖြစ်​သော​ကြောင့် သင်လက်ခံလိုက်ရုံပဲဖြစ်ပါတယ်။ လူ​ပေး​သော ယတြာ​တွေကို လုပ်​ကြ​သေးတာပဲမို့ ဘုရား​​ချေ​ပေး​သော ယတြာကို သာ၍ လက်ခံသင့်တယ်မဟုတ်ပါလား။ ဒါ့​ကြောင့် သင်​ချေ​နေ​​သော ယတြာ​တွေထက် သာ၍တိကျတဲ့ အ​ကောင်းဆုံးဖြစ်ပြီး စစ်မှန်​သော အာမခံ​ပေးနိုင်တဲ့ ယတြာသည် တစ်ခုတည်းရှိတယ်ဆိုတဲ့သတင်း​ကောင်း​လေးကို​ ပါးလိုက်ချင်ပါတယ်။ 

ကယ်တင်ရာ​နေ့ရက်သည် ယ​​နေ့ပင်ဖြစ်​သော​ကြောင့် မိတ်​ဆွေက သခင်​ယေရှုခရစ်​တော်ကိုမြည်းစမ်းကြည့်ချင်တယ်ဆိုရင်​တော့ ... 

***ယေရှုခရစ်​တော်သည် ကျွန်​တော်/မ(အမည်)ရဲ့အပြစ်အတွက်လက်ဝါးကားတိုင်​ပေါ်မှာအ​သေခံအ​သွေးသွန်းပြီး သင်္ဂြုလ်ခြင်းကိုခံ​တော်မူပြီး​တော့ ကျမ်းစာလာသည့်အတိုင်း၃ရက်​မြောက်​သော​နေ့မှာရှင်ပြန်ထ​မြောက်တာကို ယုံကြည်လက်ခံပါတယ်။ *** 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet