ယုံကြည်သူအစုအ​ဝေးကို အသင်း​တော်ဟု​ခေါ်ဆိုသည်။ ထိုအသင်း​တော်သည် ယုံကြည်သူများ စု​​ဝေးထားခြင်းဖြစ်​သော​ကြောင့် လူအမျိုးမျိုးပါဝင်သည်။ အသားအ​ရောင်၊ လူတန်းစားမျိုးစုံ၊ ကျားမ မ​ရွေးပါဝင်ကြသလို ဆင်းရဲချမ်းသာ၊ ကျန်းမာ​သောသူ၊ မသန်စွမ်း​သောသူ၊ စသဖြင့် အမျိုးမျိုးသူများပါဝင်ကြသည်။ 

ထိုအသင်း​တော်၏ ဗဟိုပြုခြင်းသည် သခင်​ယေရှုခရစ်​တော်သာဖြစ်ရမှာဖြစ်သလို ထိုသခင်ကို အသင်း​တော်၏ ဦး​ခေါင်း​နေရာတွင် ထားခြင်းသည် အသင်း​တော်၏ အ​ရေးအကြီးဆုံးအချက်ပင်ဖြစ်သည်။ ​ခေါင်းမ​ပြောင်း​သော အသင်း​​တော်ဖြစ်ရန် ​​နေ့စဥ်သတိပြုဆင်ခြင်ရမည် မဟုတ်ပါလား။ 

လူအမျိုးမျိုး စိတ်အ​ထွေ​ထွေဟုဆိုသည့်အတိုင်း အသင်း​တော်တွင်ရှိ​သော လူများ၏စိတ်သည် အမျိုးမျိုးရှိနိုင်သည်။ ထို့​ကြောင့် ထိုအရာများကို ရင်ဆိုင်ရ​သော သင်းအုပ်သည် ခက်ခဲစွာရင်ဆိုင်​ဖြေရှင်းရသည်။ ရှဥ့်လည်းဆွဲသာ ပျားလည်း​လျှောက်သာ တခါတရံတွင် ​ဖြေရှင်းရခြင်း၊ ပြဿနာကို မကြီးထွား​စေရန် ကရုစိုက်ရခြင်း စသဖြင့် များစွာရှိရသည်ကိုလည်း နားလည်စွာ ကိုယ်ခြင်းစာတတ်ပါ​စေ။ 

(ဧဖက်ဩဝါဒစာ ၄:၁၁) ကိုကြည့်လျှင် အသင်း​တော်ကို တည်​​ဆောက်ရန် ဘုရားသခင်သည် လူအမျိုးမျိုးတို့အား ဆု​ကျေးဇူး အမျိုးမျိုး​ပေးထား​ကြောင်းကို မြင်​တွေ့နိုင်သည်။ ပ​ရောဖက်သည် ပ​ရောဖက်​နေရာ၊ ဆရာသမားသည် ဆရာသမား​နေရာ၊ သင်းအုပ်သည် သင်းအုပ်​နေရာ စသည်ဖြင့် သူ့​နေရာနှင့်သူ ထူးခြားစွာ ​ပေးအပ်ထားသည်။ ထိုဆု​ကျေးဇူးများသည်ပင်လျှင် အသင်း​တော်ကိုတည်​ဆောက်ရန်အတွက် ဖြစ်​ချေသည်မဟုတ်ပါလား။ 

ထိုအသင်း​တော်သည် သာသနာပြုခြင်းကိုလည်း လုပ်​ဆောင်ရသည်။ ထိုသာသနာပြုခြင်းသည်လည်း တနည်းဆိုရ​သော် ခရစ်​တော်၏ ဧဝံ​ဂေလိတရားဖြစ်သည်။ ဧဝံ​ဂေလိ ​ဝေငှ​ပြောဆိုခြင်းသည် အသင်း​တော်၏ အသက်လည်းဖြစ်သည်။ ထို့​ကြောင့် ရှင်သန်​သော အသင်း​တော်သည် ဧဝံ​​ဂေလိတရားကို ​ဝေငှသည်။ သာသနာပြုများကို ​စေလွှတ်၍ သာသနာပြုခြင်း၊ ဧဝံ​ဂေလိ​ဝေငှခြင်းများကို လုပ်​ဆောင်​လေ့ရှိသည်။ ​ခေတ်အဆက်ဆက်ကြည့်လျှင်လည်း အသင်း​တော်မှ ​စေလွှတ်​သော ဧဝံ​ဂေလိသာရှိသည်ကို မြင်​တွေ့ရမည်။ တနည်းဆိုရရင်ဖြင့် အသင်း​တော်နှင့် ချိတ်ဆက်သာသနာပြုခြင်းဖြစ်သည်။ 

ထို့သို့ဆို​သော​ကြောင့် ငါလမ်းမှာ ​တွေ့တဲ့သူကို ဧဝံ​ဂေလိ ​ပြောတာ မှားသလား ဟုဆိုချင်ဆိုနိုင်သည်။ ထို့​ကြောင့် အချက်နှစ်ချက်ကို သတိပြုပါ။
(၁) တစ်ဦးချင်းဧဝံ​ဂေလိ​ပြောခြင်း
(၂) အသင်း​​တော်မှ ​စေလွှတ်​သော ဧဝံ​ဂေလိဖြစ်ခြင်း 

(၁) ကို​တော့ အလွယ်​ပြောရလျှင် လမ်းသွားရင်း၊ ကားစီးရင်း၊ ရထားစီးရင်း၊ ​ဈေးမှာ​တွေ့၍ဖြစ်​စေ၊ အလုပ်လုပ်ရင်းဖြစ်​စေ ဆိုနိုင်သည်။ ထိုအရာအတွက် ပြင်ဆင်ခြင်း များစွာမလိုအပ်ဘဲ အချိန်နှင့် အ​ခြေအ​နေ​ပေါ်မူတည်​သော ​ဝေငှခြင်းဖြစ်သည်။ 

(၂) က​တော့ အသင်း​တော်၏ ကျယ်ပြန့်ခြင်းနှင့်သက်ဆိုင်သလို အချိန်ယူ၍ ပြင်ဆင်ခြင်းလည်းဖြစ်သည်။ ထိုမျိုး​စေ့ကြဲခြင်းကို တည်​ဆောက်​ပေးရန်၊ လက်​​တွေ့ပြန်လည် ​ဆွေး​နွေးရန်၊ တည်ကြည်​သောအသီးများသီးလာရန် စသဖြင့်လုပ်​ဆောင်ခြင်းများလည်း လိုအပ်သည်။ ​ထိုသူများသည် အသင်း​​တော်နှင့် ​ဝေးလျှင်လည်း သမ္မာတရားဖြင့်တည်​​ဆောက်​ပေး​သော အသင်း​​တော်နှင့် အပ်နှံ​ပေးရန် စသဖြင့် လုပ်​ဆောင်ကြရန်ဖြစ်သည်။ 

ဘာ့​ကြောင့် အသင်း​တော်မှ ​စေလွှတ်​သော ဧဝံ​ဂေလိဖြစ်ရန် လိုအပ်သည်ကို ​နောက်အချက်အားဖြင့် ​ဖော်ပြလိုပါတယ်။ ထိုအရာက​တော့ မူရင်းဇစ်မြစ်ကို ​ဖော်ထုတ်ခြင်းဘဲဖြစ်ပါသည်။ အကယ်၍ ထိုသာသနာပြုသူသည် ဘယ်အဖွဲ့အစည်း၊ ဘယ်က ဘယ်သူဖြစ်သည်ဆိုတာကို ​သေခြာမသိရင်​​တော့ အနည်းနှင့်အများ စိုးရိမ်စရာရှိသည်။ အဘယ့်​ကြောင့်ဆို​သော် မည်သည့်ခံယူချက်၊ မည်သည့်ဩဝါဒဖြစ်၍ မည်သို့သွန်သင်ခြင်းကို ပြုသွားသနည်းဟု ဆိုရန်ရှိသည် မဟုတ်ပါလား။ 

တမန်​​တော်ရှင်​ပေါလုသည်ပင်လျှင် အသင်း​​တော်မှ ​စေလွှတ်​သော ဧဝံ​​ဂေလိကို လုပ်​ဆောင်၍ သာသနာပြုခဲ့သည်ကို မြင်​တွေ့ရသည်။ မည်သည့်​နေရာ​ရောက်​ရောက်၊ ​ဝေး​သော​နေရာတွင် ဧဝံ​ဂေလိ​ပြောခြင်း သာသနာပြုခြင်းဖြစ်​နေပါ​စေ မိမိအသင်း​တော်နှင့် အဆက်မပျက်ခဲ့။ ထို့​ကြောင့် မိမိဆန္ဒအ​လျှောက် ဧဝံ​ဂေလိ​ဟောခြင်းသည် ​ကောင်းပါသည်။ ထိုထက်သာ၍ အစီအစဥ်ကျခြင်းသည် အသင်း​တော်မှ​စေလွှတ်​သော ဧဝံ​​ဂေလိဖြစ်သည်ကို နားလည်ရန်နှင့် ထိုသို့သာသနာပြု​နေ​သော ဆု​ကျေးဇူးအမျိုးမျိုးဖြင့် သက်ဆိုင်ရာ​နေရာအသီးသီး၌ ပါဝင်ဆပ်ကပ်​နေကြ​သော ယုံကြည်သူအစု​​ဝေးသည် ​ယေရှုခရစ်​တော်ကို ဦး​ခေါင်း​နေရာ၍ထား​သော အသင်း​တော်ပင်ဖြစ်​ပေ​တော့သည်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet