အခုဆိုရင် ၂၀၂၀ ခုနှစ်ရဲ့ ​နောက်ဆုံး​သောလဖြစ်တဲ့ ဒီဇင်ဘာလကို ဝင်​ရောက်လာပြီဖြစ်ပါတယ်။ ၂၀၂၀ ခုနှစ်ကို ပြန်လည်ဆင်ခြင်ကြည့်မယ်ဆိုရင် မြင်ရ​သောအရာ၊ မမြင်ရ​သောအရာ၊ ​မျှော်လင့်ထား​သောအရာ၊ မ​မျှော်လင့်ထား​သောအရာ စသဖြင့် ပြည့်နှက်​နေကြမယ်လို့ ယုံကြည်ပါတယ်။ 

သင်ဖြတ်သန်းခဲ့ပြီး​​သော ၁၁ လကို ပြန်လည်​ရေတွက်ကြည့်ပါလို့ တိုက်တွန်း​ပေးချင်ပါတယ်။ သင်ခက်ခဲ​ကောင်း ခက်ခဲ့ဖူးမယ်၊ သင်နာကျဥ်​ကောင်း နာကျဥ်ခဲ့ရမယ်၊ ငို​ကြွေး​ကောင်းလည်း ငို​ကြွေးခဲ့ရဖူးမယ်၊ သင့်ရဲ့ ​တွေ့ဆုံကြုံကြိုက်ခဲ့ရခြင်း​တွေကို ပြန်လည်​ရေတွက်ကြည့်ရ​အောင်။ 

ဘာတွေ​ရော လုပ်​ဆောင်ခဲ့သလဲ၊ ​ကောင်းတာ​တွေများသလား၊ ဆိုးတာ​တွေများသလား၊ ဇာတိသ​ဘော​တွေနဲ့အသက်ရှင်ခဲ့သလား၊ ဝိညာဥ်သ​ဘောနဲ့အသက်ရှင်ခဲ့သလား၊ ဆု​တောင်းခြင်း၊ ကျမ်းစာဖတ်ခြင်း၊ ​ဖေးမခြင်း၊ ​ကျေးဇူးပြုခြင်း စသဖြင့်ကိုလည်း ပြန်လည်ဆင်ခြင်ကြည့်ရ​အောင်လား။ 

၂၀၂၀ ကို တချို့ကလည်း ကပ်ဆိုးကြုံရတဲ့ကာလဖြစ်လို့ သ​ဘောမ​တွေ့ကြဘူး၊ တချို့ကလည်း စီးပွားကျလို့၊ အလုပ်​ကြောင့်၊ ခရီးမသွားရလို့၊ အိမ်တွင်း​အောင်းရလို့၊ မိသားစု​တွေနဲ့ခွဲခွာရလို့ စသဖြင့် အမျိုးမျိုး​သော အ​ကြောင်းအရာ​တွေ​ကြောင့် လုံးဝမနှစ်မြို့ကြ​​သော​ကြောင့် ၂၀၂၁ ကို သာ၍ မျှော်လင့်​နေတတ်ကြတယ်။ ဒီကာလမှာ​တော့ အလုပ်​တွေအဆင်မ​ပြေကြဘူး၊ စီးပွား​ရေးသမား​တွေ ခက်ခဲကြသလို အလုပ်သမား​တွေ ခက်ခဲတယ်၊ အလုပ်လက်မဲ့​တွေရှိကြသလို၊ မိဘမဲ့​တွေလည်း ဖြစ်သွားကြတာရှိမယ်၊ ​ရောဂါ​ကြောင့် ​သေကြသလို ​ရောဂါမဟုတ်ပဲ​သေတာလည်း ရှိမယ်။ ဒီကာလက​တော့ အိမ်မှ သင်ယူကြရာကာလလဲဖြစ်သလို အိမ်မှ အလုပ်လုပ်ကြတဲ့ကာလတစ်ခုကိုလည်း ဖြတ်သန်းခဲ့ကြရမယ်။ အသစ်​သော အ​ခြေအ​နေတစ်ခုကို ဖြတ်သန်းရင်း အသစ်​သော အ​တွေ့အကြုံ​တွေ အသစ်​သော စိတ်​ခေါ်မှု​တွေကို ရင်ဆိုင်ဖြတ်သန်းကြရာ ကာလတစ်ခုလို့ဆိုရမှာ​ပေါ့။ 

ဒီကာလကို ဖြတ်သန်းရင်း ​တွေ့ကြုံခဲ့ရတဲ့ အ​ခြေအ​နေ​တွေက​တော့ လူ့ဘဝရဲ့ အနတ္တတရားကိုသာ မီး​မောင်းထိုးပြ​နေခဲ့တယ်။ ဘယ်လိုပဲ စီးပွား​ရေး​တွေ ​ကောင်းခဲ့​ကောင်းခဲ့ ​ပြောင်းပြန်ဖြစ်သွားခဲ့တယ်၊ ဘယ်လိုပဲ ဆီ​ဈေး​တွေ တက်ခဲ့တက်ခဲ့ စံချိန်တင်ရတဲ့အထိကို ကျဆင်းသွားခဲ့တယ်၊ အလုပ်ကို ဖက်တွယ်ခဲ့ကြဖူး​ပေမယ့် တစ်ရက်မှာ​တော့ ခွဲခွာသွားခဲ့ကြရတယ်၊ ဘုရား​ကျောင်းတွေကိုလည်း ပိတ်ထားရသလို Online ကိုအသုံးပြ၍ သာသနာပြုခြင်း တွင်ကျယ်လာပြန်တယ်၊ ဩဝါဒ​ပေါင်းများစွာကို ကြား​တွေ့ရသလို အလွဲ​တွေကို ကာကွယ်ကြဖို့ သင်ယူမိကြပြန်မယ်၊ စသဖြင့် အမျိုးမျိုး​သော အ​ပြောင်းအလဲများစွာသည် ဒီ ၂၀၂၀ မှာ သင်ယူရန်နှင့် ဆင်ခြင်ရန်ပါ ရှိခဲ့ကြပါတယ်။ ဒီအထဲကမှ ​လောကကို စွန့်ခွာသွားကြသူ​တွေလည်း ရှိကြပြန်​လေတယ်။ 

ဒီလို အမျိုးမျိုး​သော ခက်ခဲမှု​တွေကို ယုံကြည်သူ​တွေလည်း ခံစားကြရသလို၊ ယုံကြည်သူ​တွေလည်း ​ရောဂါကူးကြပါတယ်၊ ​သေသွားရသူ​တွေလည်း ရှိကြသလို ပြန်လည် ကျန်းမာလာကြသူ​တွေလည်း ရှိကြတယ်၊ အလုပ်အဆင်မ​ပြေတာ​တွေလည်း စသဖြင့်ကြုံကြရပါတယ်။ ​လောကမှာရှိတဲ့ ​လောကဒဏ်ကို ယုံကြည်သူ​ရော မယုံကြည်သူ​ရော ရင်ဆိုင်ကြရတယ်၊ ဒီလူနှစ်မျိုးလုံးသည် ​နေပူခြင်း မိုးရွာခြင်းကို အတူတူခံစားကြရတယ်ဆိုရင်လည်း မမှားပါဘူး။ 

ယုံကြည်သူဆိုရင် ဘုရားသားဆိုရင် ​အောင်မြင်ရမယ်၊ ကျန်းမာရမယ်၊ ​ချမ်းသာရမယ်၊ ရောဂါမကူးရဘူး၊ စသဖြင့်အလွဲ​တွေကို သွန်သင်ခြင်း​တွေကို ပိုမိုသိရှိလာ​စေရတာသည်လည်း ဒီ ၂၀၂၀ ပါပဲ။ ပ​ရောဖက်အတုအ​ယောင်​တွေ၊ ဩဝါဒအမှား​တွေ၊ မိစ္ဆာအယူလွဲ​တွေ၊ ပုဂ္ဂိုလ်စွဲ​တွေ၊ အမှန်တရားကိုငြင်းပယ်၍ အရှိကိုအရှိအတိုင်းလက်မခံနိုင်သူ​တွေ၊ ဘုရားနာမကို အလွဲသုံးပြီး ​အောင်လတို့ ​ဒေါ်နွယ်ထွန်းတို့ကို ​အောင်ပြီ နိုင်ပြီဟု ​ပေါက်ကရသုံးသူ​တွေ၊ ​စသဖြင့်​သော သူ​တွေကို သိရှိလာရခြင်းသည်ပင်လျှင် ​ကောင်းကျိုးတစ်ခုပင်မဟုတ်ပါလား။ 

ကျွန်​​တော်တို့​ ယုံကြည်သူတွေသည်လည်း ဒီကာလမှာ ခက်ခဲကြပါတယ်၊ ​ရောဂါကူးကြပါတယ်၊ ​ခေါ်​တော်မူခြင်းလည်း ခံရပါတယ်။ ဒါ​ပေမယ့် ဒါကို ​ကြောက်​နေဖို့​တော့မဟုတ်ဘူးဆိုတာကို နားလည်ထားဖို့ရှိပါတယ်။ ၂၀၂၀ ဟာ ကျွန်​တော်တို့​တွေအတွက်​တော့ သင်ယူစရာ၊ ဆင်ခြင်စရာ၊ အတုယူစရာ၊ ပြင်ဆင်စရာ ကာကွယ်စရာ စဖြင့်ဖြစ်​စေတယ် မဟုတ်ပါလား။ ဆာလံဆရာက​ ​သေမင်းရဲ့အရိပ်ကို ​လျှောက်သွားရ​သော်လည်း ဘုရားသားဖြစ်၍ မကြုံရပဲ ကျွန်ုပ်သည် ချမ်းသာရပါ၏ဟု မဆိုခဲ့ပါ။ ဘုရားသားလည်း ​လောကဒဏ်ကို ခံစားရပါတယ်၊ ​ရောဂါကူးတယ်၊ ကျရှုံးခြင်း၊ ဆင်းရဲဒုက္ခကို ခံစားရတတ်ပါတယ်။ ဒါ့​ကြောင့် ဆာလံဆရာက ​သေမင်းရဲ့အရိပ်ကို ​လျှောက်သွားရ​သော်လည်း ​ဘေးအန္တရာယ်ကို မ​ကြောက်ပါဟုသာဆိုပါတယ်။ 

ဆာလံကျမ်း ၂၃:၆
အကယ်စင်စစ် အကျွန်ုပ်သည် ကျေးဇူးနှင့်ကရုဏာကို တစ်သက်လုံးခံစားရ၍၊ ထာဝရဘုရား၏ အိမ်တော်မှာ အစဉ်အမြဲ နေရပါလိမ့်မည်။ 

ဒီခက်ခဲခြင်း​တွေကို ကြုံ​တွေရမည် ဖြစ်​သော်လည်း ယုံကြည်သူတိုင်းအတွက် ဘုရားသခင်၏ ​ကျေးဇူး​တော်သည် လုံ​လောက်ရုံမျှမက ပိုလျှံလျှက်ရှိပါတယ်။ ဒါ့​ကြောင့် ကျွန်ုပ်တို့ ယုံကြည်သူ​တွေသည် ဘုရားသခင်၏ ​ကျေးဇူးနှင့်ကရုဏာ​တော်ကို တစ်သက်လုံးခံစားရမည်ကို စိတ်ချထားသူများဖြစ်ရုံသာမက ဒီ​လောကမှ အချိန်မ​ရွေး ထွက်ခွာသွားရခြင်းသည်ပင်လျှင် ​ကြောက်​နေရန်မလိုပဲ ထာဝရကာလအတွက် စိတ်ချ​နေကြပါသည်။ ထာဝရကာလတိုင် ကိုယ်​တော်နှင့်အတူ ထာဝရဘုရား၏ အိမ်​တော်မှာ အစဥ်အမြဲ​နေရပါလိမ့်မည်ဟု စိတ်ချရခြင်းသည်ပင်လျှင် ဒီ ၂၀၂၀ အတွက် ယုံကြည်သူခရစ်ယာန်များ၏ သက်​သေခံချက်တစ်ပုဒ်အဖြစ် ထင်ရှား​နေပါ​တော့သည်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet