အသင်း​တော်ဆိုသည်မှာ ယုံကြည်သူအစုအ​​ဝေးဖြစ်သည်ဟူ၍ သိကြမည်ဖြစ်သည်။ ထိုအသင်း​တော်သည်လည်း ​ယေရှုခရစ်​တော်ကို ဦး​ခေါင်း​နေရာတွင်ထား​သော အသင်း​တော်ဖြစ်သည်။ ထို့အပြင် ထိုယုံကြည်သူအစုအ​ဝေးသည် ဆု​ကျေးဇူးကိုယ်စီဖြင့် ဖွဲ့စည်းတည်​ဆောက်ထားကြသည်ဖြစ်​ပေသည်။ 

သာသနာပြုခြင်း​သော်လည်း​ကောင်း၊ တည်​ဆောက်ခြင်း သွန်သင်ခြင်း​သော်လည်း​ကောင်း၊ မှားယွင်း​သော သွန်သင်ခြင်းများကို ကာကွယ်ခြင်း​သော်လည်း​ကောင်း စသဖြင့်​တွေကိုလည်း အသင်း​တော်မှ လုပ်​ဆောင်ကြသည်။ 

ဧဖက်ဩဝါဒစာ ၄:၁၂
သန့်ရှင်းသူတို့ကို ပြင်ဆင်ခြင်းအလိုငှါ၊ ထိုသခင်သည် လူအချို့တို့ကို တမန်တော်အရာ၌၎င်း၊ အချို့ကို ပရောဖက်အရာ၌၎င်း၊ အချို့ကို သာသနာပြုအရာ၌၎င်း၊ အချို့တို့ကို သင်းအုပ်ဆရာ၊ ဆရာအရာ၌၎င်း၊ ခန့်ထားတော်မူ၏။ 

အသင်း​တော်တွင် ပါဝင်ဆက်ကပ်ကြသူတိုင်းသည် မိမိတွင် ရှိ​သော အစွမ်းသတ္တိရှိသမျှ၊ ကိုယ်စွမ်းဥာဏ်စွမ်းရှိသမျှ ဆု​​ကျေးဇူးအမျိုးမျိုးကို အသုံးပြုကာ ပါဝင်ကြ​ပေသည်။ တီးခတ်ခြင်းအားဖြင့်​သော်လည်း​ကောင်း၊ သီဆိုခြင်းအားဖြင့်​သော်လည်း​ကောင်း၊ ​ပေးလှူခြင်း​တွေ၊ ဆု​တောင်း​ပေးခြင်း​တွေ အစရှိသဖြင့် ပါဝင်ဆက်ကပ်ကြ​ပေသည်။ အချို့မှ ​နောက်ကွယ်မှ တာဝန်ထမ်း​ဆောင်ကြသလို၊ အချို့မှာလည်း စာရင်းအင်း၊ အချို့မှာ စီမံခန့်ခွဲခြင်း၊ အချို့ကလည်း ​ငွေကိုင်တွယ်​ပေးခြင်းအားဖြင့်​သော်လည်း​ကောင်း ပါဝင်ကြသည်ကိုလည်း မြင်​တွေ့နိုင်ပါသည်။ 

အသင်း​တော်တွင်ရှိ​သော သင်းအုပ်သည်လည်း သင်းအုပ်၏တာဝန်ကို ​ကျေပွန်​စေရသကဲ့သို့၊ သင်း​ထောက်၊ အသင်းလူကြီးများ၊ ဆရာသမားများ စသဖြင့်တို့သည်လည်း မိမိ၏ တာဝန်ကို ​ကျေပွန်​​စေရသည်။ ထိုသူများသည်လည်း (Commitment) ကတိသစ္စာထားကြသူများဖြစ်သည်။ 

ထို့​ကြောင့် အသင်း​တော်တည်းဟူ​သော ​သခင်​ယေရှုခရစ်​တော်၏ ကိုယ်ခန္ဓါဖြစ်​သော ယုံကြည်သူအစုအ​ဝေးသည် ​ယေရှုခရစ်​တော်ကို ဦး​ခေါင်း​နေရာ၌ထားကာ မိမိ၏ ရှိတဲ့အရပ်တွင် မိမိတို့၏ကျရာတာဝန်ကို ​ဆု​ကျေးဇူးအသီးသီးတို့ကို အကျိုးရှိစွာ အသုံးချပြီး ကတိသစ္စာထားကာ တည်​ဆောက်​နေကြသူများပင်ဖြစ်​ပေ​​သော​ကြောင့် ​"ဆေးစက်ကျရာ အရုပ်ထင်" ဟုတင်စားကာ ​ဖော်ပြလိုက်ပါတော့သည်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet