"သခင်ယေရှုခရစ် ရှေ့မှာ၎င်း၊ ဘုရားသခင်ရှေ့မှာ၎င်း၊ ငါသည် သင့်ကို သစ္စာပေးသည်ကား၊" ... "I charge you" ဟူ၍ တိမောသေအား အင်မတန်ကြီးလေးသော တာဝန်ပေးအပ်ခြင်းကို တိမောသေဩဝါဒစာဒုတိယစောင်တွင် အခန်းကြီး ၄ တွင် တွေ့ရသည်။

#Preach
"နှုတ်ကပတ်တရားတော်ကို ပြောလော့" ... preach the word ဟူသည့် word ကို (Greek ဘာသာစကားနှင့် ... λόγος ... logos) "a word, a statement, a speech" ဟုအဓိပ္ပါယ်လည်းရကာ "a word, speech, divine utterance, analogy" ဟုလည်းအသုံးပြုသည်။ တနည်းအားဖြင့် "divine utterance" ဘုရားစကား "the word of God" (λόγος ... logos) ကို အချိန်ရှိရှိ မရှိရှိ ကြိုးစား၍ ဟောပြောရန်၊ "in season and out of season" မည်သည့်အချိန်ကာလမဆို အချိန်မရွေး "all the time" အဆင်သင့်ရှိနေပါ "be ready, be prepared" ဟူသည့် အဓိပ္ပါယ်ရကာ ကြီးလေးသည့် တာဝန်ကြီးတစ်ရပ်ပင် ...

#Reprove_Rebuke
("NIV" တွင် correct "KJV" တွင် reprove "NKJV" တွင်တော့ "convince" ဟုသုံးထားသည်။) မှားယွင်းသောသူများအား တနည်းဆိုရသော် အသင်းတော်၌ အပြစ်ကိုဖော်ပြရန်၊ နောက်တနည်း မြင်သာစေရန်ဆိုရလျှင် ယနေ့ခေတ်၌ မြင်တွေ့နေရသော "Prosperity Gospel, Hyper Grace" တို့၏ ထုံးစံအတိုင်း အပြစ်ကို မဖော်ပြဘဲ အချိုဒေသနာသာ တိုက်ကျွေး၍ ပျော်အောင်ထားကာ အပြစ်၌နစ်မွန်း မနေစေရန်အတွက် အပြစ်ကိုဖော်ပြပါဟု ဆိုနေခြင်းလည်း ဖြစ်ပေသည်။ ထိုနည်းတူ ဆုံးမခြင်းကိုလည်းပြုပါဟုဆိုခြင်း ပေတည်း။ 

"အပြစ်ကို ဖော်ပြလော့၊ ဆုံးမခြင်းကို ပြုလော့" ဟူသည်မှာ အမိန့်တစ်ခု၊ တိမောသေအား ပေးအပ်ထားသည့် တာဝန်တစ်ရပ်၊ သို့တည်းမဟုတ် သင်းအုပ်ဖြစ်သူ တိမောသေ၏ ဝတ္တရားတစ်ခုဟု ဆိုရလျှင်လည်း မမှားချေ။ အသင်းတော်တစ်ခု တနည်းအားဖြင့် "Body of Christ" မှန်လျှင် အပြစ်ကိုဖော်ပြရမည်၊ ထိုအသင်းတော်၏ ဦးခေါင်းသည် ယေရှုခရစ်တော်ဖြစ်လျှင် ပဲ့ပြင်ဆုံးမခြင်းလည်း ရှိရပေမည် မဟုတ်ပါလား။ သို့မှသာ အသင်းတော်၌ လူအများတို့သည် မိမိတို့၏ မှားယွင်းမှုများကို သိရှိကြကာ ပြုပြင်၍ အသက်တာပြောင်းလဲလာကြပေလိမ့်မည် မဟုတ်ပါလား ... ထို့ကြောင့် ယေရှုခရစ်တော်၌ တည်သော စစ်မှန်သည့် အသင်းတော်တစ်ခုသည် အပြစ်ကိုဖော်ပြခြင်း၊ ဆုံးမခြင်းများလည်း ရှိနေမည် ဖြစ်သကဲ့သို့ ထိုသခင်၏ အစေခံဖြစ်သည့် သင်းအုပ်၊ အမှုတော်ဆောင်သည်လည်း ထိုအပြစ်ဖော်ပြခြင်း၊ ဆုံးမဩဝါဒပေးခြင်းတို့ကို လုပ်ဆောင်မည်မှာ မြေကြီးလက်ခပ်မလွဲပေ။

#Exhort
တိုက်တွန်းသွေးဆောင်ခြင်း၊ တိုက်တွန်းနှိုးဆော်ခြင်းသည်လည်း အင်မတန်အရေးကြီးသည့် အခန်းက္ဍတစ်ရပ်ပင် ... ဆုံးမဩဝါဒများပေး၍ တိုက်တွန်းသွေးဆောင်ခြင်း တနည်းအားဖြင့် သမ္မာတရားအတွက် တိုက်တွန်းနှိုးဆော်ခြင်း၊ သမ္မာတရား၌ တိုက်တွန်းခွန်အားပေးခြင်း၊ သင်ကြားပေးခြင်း "teaching" ဟုဆိုပေအံ့ ... ထပ်ဆင့်၍လည်း ဆင်းရဲနွမ်းပါးသူများအား ကူညီမစရန် တိုက်တွန်းနှိုးဆော်ခြင်း၊ သာသနာအတွက် .. အသင်းတော်အတွက် .. ဧဝံဂေလိ လုပ်ငန်းများ .. ဧဝံဂေလိ ခရီးစဥ်များအတွက် .. မိဘမဲ့များအတွက် .. မုဆိုးမများအတွက် .. အငယ်ဆုံးသောသူများအတွက် .. စစ်ဘေးရှောင်များအတွက် စသဖြင့် အားနည်းသူ၊ လိုအပ်သူများအတွက်လည်း တိုက်တွန်းနှိုးဆော်ပေခြင်းများသည် လွယ်မရောင်နှင့် ခက်လှသည်။ သို့သော်လည်း ဤသည်မှာ လုပ်ကိုလုပ်ဆောင်ရမည့် တာဝန်တစ်ခုပင် ...

#Longsuffering
တရားဒေသနာ ဟောပြောခြင်း တနည်းဆိုရသော် "Preach the word of God" ဘုရားစကားဖြစ်သည့် နှုတ်ကပတ်တော်ဝေငှခြင်း၊ အပြစ်ဖော်ပြခြင်း၊ ဆုံးမဩဝါဒပေးခြင်း၊ တိုက်တွန်းသွေးဆောင်ခြင်း၊ တိုက်တွန်းနှိုးဆော်ခြင်း၊ စစ်မှန်သော ဩဝါဒ (sound doctrine) ကိုသာ သင်ကြားပေးခြင်း စသဖြင့်တို့ကိုလည်း "patience" ... "KJV နှင့် NKJV" တွင်တော့ အဓိပ္ပါယ်ဆင်တူသည့် "longsuffering" အလွန်စိတ်ရှည်ခြင်းနှင့်တကွပြုရန်ပေတည်း ...

တိမောသေဩဝါဒစာ ဒုတိယစောင် ၄:၂
 နှုတ်ကပတ်တရားတော်ကို ပြောလော့။ အချိန်ရှိသည်ဖြစ်စေ၊ မရှိသည်ဖြစ်စေ၊ ကြိုးစားအားထုတ်လော့။ အပြစ်ကိုဘော်ပြလော့။ ဆုံးမခြင်းကိုပြုလော့။ အလွန်ရှည်သောစိတ်နှင့် ဩဝါဒမျိုးကိုပေး၍ တိုက်တွန်းသွေးဆောင်လော့။

ဤစာစောင်တွင် တွေ့ရသော တိမောသေအား အပ်ပေးထားသည့် တာဝန်နှင့် ဝတ္တရားများသည် ကြီးလေးလွန်းလှသည်မှာ မည်သို့မှ ငြင်းဆိုဖွယ်ရာမရှိပါ။ (The word of God) နှုတ်ကပတ်တရားတော်အတွက် "be ready, all the time" ဟုပင် ဆိုရလောက်အောင် အင်မတန် ကြီးလေးသည့် တာဝန်ကြီးပင် မဟုတ်ပါလား။ ထို့အတူ လူအများကြိုက်ရန် "Prosperity Gospel, Hyper Grace" ကဲ့သို့သော အရာများကိုသာ ပြောပါဟု မဆိုဘဲ လူကြိုက်နည်းသည့် တနည်းအားဖြင့် လူမုန်းများနိုင်သည့် နားဝင်မချိုသော "Reprove, Rebuke" အပြစ်ဖော်ပြခြင်း၊ ဆုံးမဩဝါဒပေးခြင်းများကိုသာ လုပ်စေခဲ့သည့်အပြင် ... (Exhort) တိုက်တွန်းနှိုးဆော်ခြင်း တိုက်တွန်းသွေးဆောင်ခြင်း၊ စစ်မှန်သည့် သမ္မာတရားကိုသာ သင်ကြားစေခြင်း (teaching the doctrine) စသည်တို့ကို (Longsuffering) ရှည်သောစိတ်နှင့်လုပ်ဆောင်လော့ ဟူသည့်စကားများသည် ယနေ့ ကျွန်ုပ်တို့အတွက်လည်း သင်ယူစရာ၊ အတုယူ၍ လုပ်ဆောင်ကြရမည့် အရာများပင် ဖြစ်နေသကဲ့သို့ ယေရှုခရစ်တော်ကလည်း "I charge you" ဟုပင် ဆိုနေပေလိမ့်မည် မဟုတ်ပါလား ...

ဘုရားရှင်ဆက်လက်စကားပြောပါစေ။

#Titus_KyawNyi

Photo Crd: Internet