ဒီကာလဟာ ခရစ်စမတ်ကာလဟုဆိုရရင်လည်း မမှား​ချေ။ အ​ကြောင်းအမျိုးမျိုး​ကြောင့် City Christmas တို့ဘာတို့နှင့် ပွဲကြီးပွဲငယ် မကျင်းပရ​သော်လည်း လူတိုင်းလူတိုင်း ​ပျော်ရွှင်စွာ ဖြတ်သန်းကြ​သော ကာလအဖြစ်တည်ရှိ​နေဆဲပင်ဖြစ်​ချေသည် မဟုတ်ပါလား။ 

ရုံး​တွေ၊ အိမ်​တွေ၊ ဟိုတယ်​တွေ၊ စား​သောက်ဆိုင်​တွေ စသဖြင့် အမျိုးမျိုး​သော ​နေရာများတွင် အများ​သောအားဖြင့်​တော့ အလှဆင်ကြသည်။ မရှိဘူးဆိုလျှင် အနည်းဆုံး​တော့ စာတမ်း​ခေါင်းစီး​လေးများရှိတတ်ကြ​ပေသည်။ ထိုအထဲတွင် ခရစ်ယာန်မဟုတ်သူများလည်းပါကြသည်။ ပါဝင်ကျင်းပကြသလို၊ ပါဝင်အလှဆင်ကြကာ ဝမ်း​မြောက်ဝမ်းသာစွာဖြင့် ပါဝင်ဆင်နွှဲတတ်ကြသည်ကို မြင်​တွေ့နိုင်​ပေသည်။ ​အေးချမ်းလှတဲ့ ဒီကာလတွင် ပျော်ကြသည် ဝမ်း​မြောက်ကြသည်။ 

ခရစ်စမတ်သည် လူသားအားလုံးနှင့်ဆိုင်သည်ဆိုသည်မှာ မှန်ပါသည်။ သို့​သော်လည်း ထိုအလှဆင်ခြင်းတစ်ခုထက်​တော့ ပိုသည်ဆိုတာကို​တော့ မိတ်​ဆွေသိပါရဲ့လား။ ယခုကဲ့သို့​ဆိုခြင်းသည် ယခုသင်ဝမ်း​မြောက်​ပျော်ရွှင်​နေသည်ထက် သာ၍ဝမ်း​မြောက်စရာ သတင်း​ကောင်းကို ကြား​ပြောမည်ဖြစ်​သော​ကြောင့်ပင် ဖြစ်​ချေသည်။ 

ခရစ်စမတ်ဆိုသည်မှာ ဘာသာ​ရေးပွဲမဟုတ်သည်ကို သတိချပ်ဖို့ရန်လိုအပ်သည်။ ခရစ်စမတ်ဆိုသည်မှာ ခရစ်ယာန်များ၏ပွဲမဟုတ်သလို ခရစ်ယာန်သာပိုင်ဆိုင်သည်မဟုတ်​ပေ။ အဘယ့်​ကြောင့်ဆို​သော် ထိုအချိန်ကာလသည် လူသားအားလုံးအတွက် ဝမ်း​မြောက်စရာ သတင်း​ကောင်းကြားရချိန်ဖြစ်​သော​ကြောင့်ပင်။ လူသားအားလုံးဟုဆိုရာ၌ လူသားအားလုံးသည် ဖြူဖြူ၊ မဲမဲ၊ မည်သည့် ဘာသာဝင်ဖြစ်​နေပါ​စေ ပခုံးနှစ်ဖက်မှ ​ခေါင်း​ပေါက်​သောသူ မှန်သမျှအတွက်ပင်ဖြစ်သလို ဤကမ္ဘာသူကမ္ဘာသားများ အားလုံးအတွက် ဖြစ်​ချေ​တော့သည်။ 

ထိုသတင်း​ကောင်းမှာ သခင်ခရစ်​တော်တည်းဟူ​သော အရှင်သခင်​ပေါ်ထွန်းပြီ ဟူသောသတင်းပင်ဖြစ်သည်။ ထိုကယ်တင်​သောအရှင်သည် ခရစ်ယာန်များကိုသာ ကယ်တင်သည် မဟုတ်၊ လူသားအားလုံးအတွက် ကမ္ဘာသူကမ္ဘာသားများအားလုံးအတွက် ဖြစ်​ပေသည်။ အဲဒီသခင်​ယေရှုခရစ်​တော်သည် လူသားများအားလုံး၏ အပြစ်ကို ​ဆေး​ကြော​ပေး​သော​ကြောင့် ယ​နေ့ကျွန်ုပ်တို့ဆင်နွှဲ​နေ​သော ခရစ်စမတ်သည် လူသားအားလုံးနှင့် သက်ဆိုင်​​ပေသည်။ လူသားများ မလုပ်နိုင်​သော​ကြောင့် ကယ်တင်​ပေးခြင်းသည် ပွဲတစ်ခုဆင်နွှဲသည်ထက် ပို​နေ​ပေသည်။ တနည်းဆိုရရင်ဖြင့် ယခု​ပျော်​နေသည်ထက် သာ၍ပင် ဝမ်း​မြောက်စရာဖြစ်သည် မဟုတ်ပါလား။ 

ရှင်လုကာခရစ်ဝင် ၂:၁၁
ယနေ့တွင် ဒါဝိဒ်မြို့၌ သခင်ခရစ်တော်တည်းဟူသော ကယ်တင်သောအရှင်သည် သင်တို့အဘို့အလိုငှါ ဘွားမြင်ခြင်းကိုခံတော်မူပြီ။ 

မိတ်​ဆွေ၏ အပြစ်​ကြောင့် အပ္ပါယ်လားရန် မလို​တော့​ပေ၊ မိတ်​ဆွေ၏ တမလွန်အ​ရေးအတွက် စိုးရိမ်ရန်မလို​တော့​ပေ၊ မိတ်​ဆွေ၏ ကျင့်ကြံပြုမူခြင်း ကုသိုလ်​ကောင်းမှု​တွေ​ပြု​သော်လည်း စိတ်မချနိုင်​သော တမလွန်အ​ရေးအတွက် စိတ်ပူ​နေရန်မလို​တော့​​ပေ၊ မိတ်​ဆွေ မည်သည့်အချိန်တွင် မည်သို့​သေမည်ကို စိုးရိမ်စရာမလို​တော့ရန်အတွက် ထိုသခင်သည် ဤ​လောကသို့ ကြွလာ၍ ကယ်တင်ခြင်းကို လူသားအားလုံးအတွက် အခမဲ့​ပေးခဲ့ပြီးပြီဖြစ်​ချေသည်။ 

ထို့​ကြောင့် အလွန်ဝမ်း​မြောက်စရာ သတင်း​ကောင်းသည် သင့်အတွက် ကျွန်ုပ်အတွက် လူသားအားလုံးအတွက်ဖြစ်သလို ခရစ်စမတ်သည်လည်း သင့်အတွက် ကျွန်ုပ်အတွက် လူသားအားလုံးအတွက်ဖြစ်တယ်ဆိုတာကို ​ဝေမျှ​ပေးရင်း ခရစ်စမတ်၏ အနှစ်သာရကို ခံစားရသူများဖြစ်ကြပါ​စေဟု ဆု​တောင်း​ပေးလိုက်ပါတယ်။ 

အားလုံးပဲ Merry Christmas ပါ။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet