တမန်​တော်ဝတ္ထု အခန်းကြီး ၄ ကိုကြည့်တဲ့အခါမှာ တမန်​တော်​တွေ၏ ​ဟော​ပြောသက်​သေခံခြင်း၊ ဧဝံ​ဂေလိတရား၊ အနာ​ရောဂါငြိမ်း​စေခြင်း​ နမိတ်လက္ခဏာတွေ​ကြောင့်​ စစ်​ဆေး​မေးမြန်းခြင်း​တွေကို ခံခဲ့ကြရတာကို မြင်​တွေ့ရပါတယ်။ 

ဒီလို​ဟော​ပြော သက်​သေခံခြင်း​တွေ၊ ဧဝံ​ဂေလိတရားပြန့်ပွားမည်စိုးရိမ်​သော​ကြောင့် ပိတ်ပင်ခဲ့ကြသည်ကို ​တွေ့ရှိကြရမှာဖြစ်ပါတယ်။ လူ​တွေကြားမည်စိုး၍​သော်လည်း​ကောင်း၊ သူတို့ကိုယ်တိုင် ယှဥ်၍ မ​ပြောနိုင်၍​သော်လည်း​ကောင်း၊ စသဖြင့်အ​ကြောင်းအရင်းအမျိုးမျိုး​တွေ​ကြောင့် ခြိမ်း​ခြောက်၍ ဟန့်တားပိတ်ပင်ခဲ့ကြာသည်။ ယေရှု၏ နာမ​​တော်ကို အမှီပြု၍ ​ဟော​ပြောသွန်သင်ခြင်းကို လုံးဝမပြု​စေရန်ပင် တိုင်ပင်ခဲ့ကြပြီး ဧဝံ​ဂေလိတရားကို ဟန့်တားခဲ့ကြ​လေသည်။ 

တမန်တော်ဝထ္ထု ၄:၁၈
  တမန်တော်တို့ကိုခေါ်၍၊ ယေရှု၏ နာမကို အမှီပြုလျက် ဟောပြောသွန်သင်ခြင်းကို အလျှင်းမပြုနှင့် ဟု အမိန့်ရှိကြ၏။ 

သို့​သော် ​ပေတရုနှင့် ​ယောဟန်တို့သည် ထိုသူတို့၏ စကားများကို နားမ​ထောင်ခဲ့ကြ​ပေ။ ထိုသူတို့၏ စကားများထက် ဘုရားသခင်၏ စကားကိုသာ နား​ထောင်ခဲ့ကြ​လေသည်။ ထိုသို့​ ဧဝံ​ဂေလိတရားကို ဆီးတား​ကြသော်လည်း လူစကားထက် မဟာ​စေစားချက်ဖြစ်​သော ဘုရားသခင်၏ နိုင်ငံ​တော်အတွက်ကိုသာ ဆက်လက် လုပ်​ဆောင်ခဲ့ကြသည်။ 

တမန်တော်ဝထ္ထု ၄:၁၉
  ပေတရုနှင့် ယောဟန်တို့ကလည်း၊ ဘုရားသခင်၏ စကားတော်ကိုနားထောင်သည်ထက် သင်တို့၏ စကားကိုသာ၍နားထောင်သော်၊ ဘုရားသခင့်ရှေ့မှာ ကောင်းမည်မကောင်းမည်ကို ဆင်ခြင်၍ စီရင်ကြလော့။ 

ကျွန်ုပ်တို့ယုံကြည်သူ​တွေကို​ရော အဘယ်အရာ​တွေက ဆီးတား​နေပါသနည်း။ ဧဝံ​ဂေလိတရားကို မ​ဝေမျှနိုင်​လောက်​အောင်၊ ဘုရားသခင်ကို အချိန်မ​ပေးနိုင်​လောက်​အောင်၊ သက်​သေခံ ​ဝေမျှမ​ပေးနိုင်​အောင်၊ ​ပါဝင်​ပေးလှူခြင်းမပြုနိုင်​လောက်​အောင်၊ စသဖြင့် အဘယ်အရာ​တွေကိုမျှ အချိန်မ​ပေးနိုင်​လောက်​အောင် ဘယ်အရာ​တွေကများ ပိတ်ပင် ကာဆီး၍ တားဆီး​နေပါသလဲ။ 

တမန်​​တော်​တွေက​တော့ ပိတ်ပင်​နေ​သော လူ​တွေရဲ့ စကား​တွေထက် ဘုရားသခင်၏ စကား​တော်ကိုသာ နား​ထောင်ခဲ့ကြသည်။ သင်နှင့်ကျွန်ုပ်သည်လည်း ဘုရားသခင်၏ စကား​တော်ကိုသာ နား​ထောင်၍ ဘုရားသခင်အတွက်သာ ဆက်လက်၍ ပါဝင်​သောသူ၊ ​ပေးလှူ​သောသူ၊ သက်​သေခံ​သောသူ၊ ​ဝေမျှ​သောသူ၊ ဧဝံ​ဂေလိသတင်း​ကောင်း ကြား​ပြော​သောသူ၊ ဩဝါဒအလွဲ​တွေကို တိုက်လှန်​သောသူ၊ စသဖြင့် ဖြစ်​စေကာ အတားဆီး​တွေကို ဖြတ်​ကျော်ကြပါစို့ဟု အနည်းငယ် တိုက်တွန်းခွန်အား​ပေးလိုက်ပါတယ်။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet