အဓိကနှင့် သာမညကို ခွဲခြားသိပါဆိုသည့်အတိုင်း ထိုအရာသည် အင်မတန်အ​ရေးကြီးသည်။ အ​ရေးကြီး​သော လုပ်ငန်းစဥ်ကို ပြင်ဆင်​နေချိန်တွင် အ​ရေးမကြီးသည့်အရာများအား အာရုံထားမိ၍ ဆုံးရှုံးခြင်းများကို ကြုံ​တွေ့ရနိုင်သည်။ 

ထို့​ကြောင့် အ​ရေးမကြီး​သောအရာများကို အ​ရေးကြီးသ​ယောင် လုပ်​နေမိ၍ အ​ရေးတယူလုပ်​နေခြင်းတို့သည် အ​ရေးကြီးသည့်အရာအား လစ်လျှူရှုထားမိခြင်းပင်ဖြစ်​ပေသည်။ ကျွန်ုပ်တို့ဘဝတွင်လည်း ထိုသို့မျိုးမဖြစ်​စေရန် သတိပြုရမည်မဟုတ်ပါလား။ 

​နေဟမိသည် ​ယေရုရှလင်မြို့ရိုးနှင့် မြို့တံခါးကို ပြန်လည်တည်​ဆောက်ခဲ့သည်။ ထိုအရာကို ရန်သူသည် မကြိုက်၍ ဖျက်ဆီးရန်ကြံစည်သည်ကို ​တွေ့ရ​ပေသည်။ ​ထိုအ​ကြောင်းအရာအား အနည်းငယ်ဆင်ခြင်၍ ခွန်အားယူကြပါစို့။ 

နေဟမိ မြို့ရိုးတည်​ဆောက်​ခြင်းကို ရန်သူတို့သည် မကြိုက်။ ထိုသူတို့မှာ သမ္ဘာလတ်နှင့် ​တောဘိ၊ အမ္မုန်လူ၊ အာရပ်​လူ ဂေရှင်၊ စသဖြင့် အခြား​သော ရန်သူများပင်ဖြစ်သည်။ တည်​ဆောက်စဥ်တွင်လည်း စိတ်ဓါတ်ကျ​စေရန် အမျိုးမျိုး ​လှောင်​ပြောင်ခဲ့သည်။ နေဟမိတို့အား ​နောက်ယှက်ရန် အမျိုးမျိုးကြံစည်ကြသည်။ အမျိုးမျိုး ပြင်ဆင်သည်။ ​သို့​သော် ​နေဟမိသည် အဖတ်မလုပ်ခဲ့။ 

နေဟမိမှတ်စာ ၄:၈
ယေရုရှလင်မြို့ကို စစ်ချီ၍တိုက်မည်။ ထိုအမှုကို ဖျက်မည်ဟု တညီတညွတ်တည်း တိုင်ပင်ကြ၏။ 

တဆင့်တိုး၍ ​နေဟမိတို့အ​ပေါ် ခြိမ်း​ချောက်ခြင်းထွက်​ပေါ်လာသည်။ ထိုအရာမှာ ​ရန်သူတို့သည် ယေရုရှလင်မြို့သို့ စစ်ချီ၍ စစ်တိုက်ခြင်းပင်ဖြစ်သည်။ မြို့ရိုးတည်လုပ်ခြင်းကိုဖျက်မည်ဟု နေဟမိတို့အား ခြိမ်း​ချောက်ခြင်းပင်ဖြစ်​ချေသည်။ ထိုအရာအ​ပေါ်တွင် ​ကြောက်မ​နေကြ​သော်လည်း ဖြစ်လာခဲ့လျှင်လည်း အဆင်သင့်​ဖြေရှင်းနိုင်ရန် ပြင်ဆင်ခဲ့သည်။ 

နေဟမိမှတ်စာ ၄:၉
သို့ရာတွင် ငါတို့သည် ငါတို့၏ဘုရားသခင်ကို ဆုတောင်း၍၊ ရန်သူကြောင့် နေ့ညမပြတ် ကင်းစောင့်ထားကြ၏။ 

​နေဟမိတို့၏ ပြင်ဆင်ခြင်းသည် နံပတ်တစ် ဘုရားသခင်အား ဆု​တောင်းခြင်းပင်ဖြစ်သည်။ ထိုရန်သူ၏ ခြိမ်း​ခြောက်ခြင်း​ကြောင့် သတိထား​စောင့်ကြည့်ရန် ခွဲခန့်မှတ်သားသည်။ ​နေဟမိ၏လူများသည် ​နေ့အချိန်တွင် မြို့ရိုးကို တည်လုပ်၍ ညဘက်တွင် ရန်သူအား ​စောင့်ကြည့်ကြသူများလည်းရှိသကဲ့သို့ ​နေ့​ရောညပါ ခွဲခန့်မှတ်သားခြင်းလည်း ရှိ​ပေသည်။ ထိုသို့ ခြိမ်း​ချောက်ခြင်းကိုခံရပါ​သော်လည်း အဓိကအ​ရေးကြီးသည့် အမှုအရာကို ပျက်ဆီးမခံကာ ကာကွယ်ခြင်း၊ တည်​ဆောက်ခြင်းကို စနစ်တကျပြင်ဆင်ခြင်းသည် သင်ယူစရာပင်ဖြစ်​ချေသည်။ 

ရန်သူများ၏ ​မင်းတို့ဘာမှ မတတ်နိုင်ပါဘူးကွာဟု လှောင်​ပြောင်ခြင်းကို လစ်လျှူရှုကာ အဓိကအ​ရေးကြီး​​သောအရာကိုသာ အားစိုက်လုပ်​ဆောင်ခြင်း၊ ရန်သူများ၏ ခြိမ်း​ချောက်ခြင်းကို ခံရပါ​သော်လည်း မတုန်လှုပ်ခြင်း၊ စစ်ချီ၍ တိုက်လျှင် ​သေဆုံးရမည်ဖြစ်​သော်လည်း ထိုအမှုအရာ၌ စိုးရိမ်ကာ တုန်လှုပ်​နေခြင်းထက် ဘုရားသခင်ကို အရင်ဆု​​တောင်းကာ တည်ငြိမ်စွာဖြင့် အကွက်ကျကျ ပြင်ဆင်ခြင်းတို့သည် ကျွန်ုပ်တို့အတွက် ဆင်ခြင်စရာပင်ဖြစ်​ပေသည်မဟုတ်ပါလား။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet