လူပုဂ္ဂိုလ်တစ်ဦးတစ်​ယောက်ကို အင်မတန် အစွဲအလန်းရှိတတ်ကြသူများသည် ဤ​လောကတွင်ရှိတတ်ကြသည်။ ထိုအရာများတွင် ခရစ်ယာန်များလည်းပါဝင်တတ်ကြသည်။ ​ပေးလှူရင်လည်း အစွဲအလန်းနှင့်လှူကြသည်။ အချို့ဆိုရင် ဒီဆရာမဟုတ်ရင် အတန်​ခပ်​သေးသေး၊ ဒီဆရာမှ အရွက်ကြီး စသဖြင့် ရှိတတ်ကြ​သေး၏။ ဆရာစွဲ၊ ပုဂ္ဂိုလ်စွဲခြင်း၊ တစ်ခုမဟုတ်တစ်ခုစွဲခြင်း၊ စသဖြင့်သည်လည်း ခရစ်ယာန်များမှာရှိတတ်ကြသည်။ 

ဒီဆရာဘာ​ပြော​ပြော အကုန်မှန်တယ်၊ အကုန်သမ္မာတရားနဲ့ညီတယ် စသဖြင့်လည်းယူဆတတ်၍ "အာမင်" ကိုအသံဝင်အောင်ပင် ​အော်ဟစ်တတ်ကြသည်မှာလည်း ထိုခရစ်ယာန်​တွေပဲ မဟုတ်ပါလား။ ထိုကဲ့သို့ လူပုဂ္ဂိုလ်ကို စွဲလန်းသည်မှာ ဘုရား​နေရာသို့ မသိမသာ ထားမိခြင်းကဲ့သို့ ရုပ်တုကိုးကွယ်ခြင်းပင် ဖြစ်​နေတတ်သည်။ အချို့ဆိုရင်လည်း ထိုသူ၏ သမ္မာတရားနှင့် မညီ​သော ဩဝါဒ​တွေကို ငြင်းပယ်ရမည့်အစား သမ္မာတရားဘက်၌မတည်ဘဲ ဆရာသမား၌သာ တည်ကြပြန်​သေးသည်ကို ​တွေ့​တွေ့​နေရသည်မှာလည်း လက်​တွေ့ သာဓကပင်။ ဩဝါဒအလွဲကို ​ထောက်ပြကာ ​ဖော်ပြ​နေ​သော သူများကိုပင်လျှင် အထင်အမြင်လွဲမှား​နေကြပြန်​သေးသည်မဟုတ်ပါလား။ 

မိမိကြိုက်​နှစ်သက်သော ဆရာသမား၊ လူပုဂ္ဂိုလ်ကိုသာ မြင်၍ ထိုသူကိုသာ ဘုရားသုံးမယ်ဟု ထင်​နေခြင်းသည်လည်း လုံးဝမှားသော အ​တွေးအမြင်တစ်ခုပင်ဖြစ်သည်။ ဘုရားသခင်သည် အိုးထိန်းဖြစ်ပါတယ်၊ ကျွန်ုပ်တို့က အိုး​မြေသာဖြစ်သည် မဟုတ်ပါလား။ တစ်ခါတစ်​လေမှာ ကျွန်​​တော်တို့က အိုးထိန်း​နေရာကို မသိမသာ ​ရောက်​နေတတ်တယ်။ အဘယ့်​ကြောင့်ဆို​သော် ဘုရားသခင် ခွဲခန့်မှတ်သား​​​သော အရာများကို အလိုမကျတတ်၍ အတင်းကို ဘုရားသခင်နားငြီး​အောင် ဂျီကျတတ်​သော က​လေးငယ်အလား ခဏခဏစွတ်​တောင်းတတ်ကြသည်။ နာမ​တော်ကို အလွဲသုံး၍လဲ သိမ်းပိုက်တတ်ကြ​သေး၏။ မိမိကပဲ ဘုရားသခင်ထက် ပိုသိသ​ယောင် ပိုတတ်သ​ယောင်နှင့် မိမိနှစ်သက်ရာ လူပုဂ္ဂိုလ်ကိုသာ အုပ်စိုး​စေရန်၊ ကြိုက်တဲ့ အရာရရန်၊ စသဖြင့် အလို​​တော်ကို မဝန်ခံနိုင်ခြင်းမျိုးမှာလည်း အကျည်းတန်ရုပ်ဆိုးလှ​ပေသည်။ 

ကျွန်ုပ်တို့ သိထားရမည်မှာ ကျီးအ ကို​တောင် အသုံးပြု​သောဘုရားသခင်ဖြစ်ပါတယ်၊ ထိုဘုရားသခင်အလို​တော်ရှိရင် ​ကျောက်တုံး​တွေက​​တောင်မှ အာဗြဟံ​တွေကို ဖန်ဆင်းနိုင်သည်ကို လုံးဝမ​မေ့သင့်​ပေ။ ခရစ်ယာန်​တွေ၏ လူပုဂ္ဂိုလ်ကိုသာ မြင်ခြင်းသည် တစ်ခါတစ်ခါတွင် ပုဂ္ဂိုလ်​ရေးရာ အစွန်း​ရောက်​သော အယူလွဲခြင်းတစ်မျိုးဖြစ်တဲ့ (Personality Cult) ဘက်သို့ ဦးတည်လာတတ်သည်ကို သတိပြုရမည်ဖြစ်သည်။ ဒီလိုလူ​မျိုး​တွေကလည်း လူ​တွေ သိပ်အထင်ကြီးခံရတတ်တယ်၊ ​လေးစားခံရတယ်၊ လူကြိုက်များတယ်၊ စကား​အောင်တယ် စသဖြင့်​​တွေထဲကလည်း ဖြစ်တတ်ကြတယ်။ ဘာသာ​ရေးသမား​တွေ၊ နိုင်ငံ​ရေးသမား​တွေ၊ လူ့အကျိုး​ဆောင်​တွေ စသဖြင့် လူ​တွေ၏ စိတ်နှင့်အမြင်ကိုသိမ်းယူနိုင်ကြ​သော သမ္မတ၊ အမတ်၊ တရားဟောဆရာ၊ စသဖြင့်ဖြစ်တတ်ကြတယ်။ 

နာဇီအဖွဲ့​ခေါင်း​ဆောင် ဟစ်တလာကိုကြည့်မယ်ဆိုရင် ဂျူးလူ​မျိုး​တွေကို လူမျိုးတုန်းသတ်ခဲ့တာပဲ၊ ဒါဟာ မ​ကောင်းဘူးဆိုတာ လူ​တွေကသိ​ပေမယ့် ​နောက်လိုက်​ပေါင်းများစွာရှိခဲ့တယ်။ ဟစ်တလာငယ်စဥ်ကလည်း ဂျူး​တွေကို ရန်ညှိုးသဖွယ်ရှိခဲ့တယ်။ သူအခွင့်ရတဲ့အခါမှာ​တော့ ဒီအငုံ့စိတ်ကထွက်​ပေါ်လာတယ်။ ​ဒါ​တွေဟာ​ဘာလို့ဖြစ်လာသလဲဆိုရင်ဖြင့် မ​ကောင်းဘူးဆိုတာ သိ​ပေမယ့် ရုန်းမထွက်နိုင်​အောင် လူ့စိတ်ကို ဖမ်းစားထားတယ်၊ ​နောက်ကွယ်မှာ ​မှောင်မိုက်တန်ခိုး​တွေရှိ​နေတတ်တယ် ဒါ့​ကြောင့်လည်း ပြန်လှည့်မထွက်နိုင်ကြဘူး၊ လူရဲ့ အငုံ့စိတ်ကို အားဖြည့်​ပေးတယ်၊ ကိုယ်နဲ့မတူ​သော လူ​တွေကို ​မေတ္တာမထားနိုင်​တော့ဘူး စသဖြင့်မြင်ရတယ်။ ဒီလို နာဇီလို၊ နပိုလီယမ်လို၊ Jim Jones လို၊ သမ္မတ​တွေ၊ နိုင်ငံ​ရေးသမား​တွေ၊ တရား​ဟောဆရာ​တွေ သည် စိတ်ပိုင်းဆိုင်ရာဖမ်းစားနိုင်တယ်၊ အ​ပြောအ​ဟောသိပ်​ကောင်းကြတယ်၊ လူ​တွေဘာကြိုက်တတ်လဲသိတယ်၊ ဘယ်လိုလုပ်ပြရင် ဘယ်လိုပါလာမယ်ကို ကျွမ်းကျင်လိမ္မာစွာ သိပြီး အသုံးချတတ်ကြတယ်။ လူမှု​ရေးကြိုက်ရင် လူမှု​ရေး၊ လူမျိုး​ရေးကြိုက်ရင် လူမျိုး​ရေး၊ ဘာသာ​ရေးကြိုက်ရင် ဘာသာ​ရေး၊ စသဖြင့် မသိစိတ်ကို ညှို့ယူဖမ်းစားနိုင်​သော ​စိတ်ပိုင်းဆိုင်ရာ ဖမ်းစားနိုင်ခြင်းနှင့် မှောင်မိုက်တန်ခိုးလည်းရှိ​နေတတ်ကြသည်။ ဒါ့​ကြောင့်လည်း အဆိပ်တိုက်ရင် ​သောက်ကြသလို၊ လူသတ်ခိုင်းရင် သတ်ကြတယ်၊ လူမျိုး​ရေးဦးတည်ရင် လုပ်ကြသလို၊ ဘာသာ​ရေးဦးတည်လည်း လုပ်ကြပြန်တယ်။ တကယ့်အဖြစ်အပျက်​လေးတစ်ခုကို ဥပမာ​အ​နေနဲ့ ဖော်ပြ​ပေးချင်ပါတယ်။ 

Jim Jones ကိုကြည့်လျှင် အင်မတန် အ​ဟောအ​ပြော​ကောင်း​သော​ကြောင့် ​နောက်လိုက်များ​သော ​ခေါင်းဆောင်တစ်​ယောက်ဖြစ်သည်။ သူ့ဘဝအ​ကြောင်းကို အကျဥ်း​လေး​ပြောရင်ဖြင့် ၁၉၅၂ ခုနှစ်တွင် ​ကျောင်းသား သင်းအုပ်အဖြစ် (Somerset Methodist Church) တွင် အမှု​​ဆောင်လုပ်ငန်းစတင်ခဲ့သည်။ Jim တို့ဇနီး​မောင်နှံသည် ၁၉၅၂ ခုနှစ်တွင် ပထမဆုံးက​လေးတစ်ဦးကို စတင်မွေးစားခဲ့သည်။ ဒီလိုနှင့် လူမျိုး​ရေး ​ပေါင်းစည်းခြင်းကို ပြင်းထန်စွာ အသား​ပေးလာခဲ့သည်။ ၁၉၅၉ ခုနှစ်တွင် အာဖရိကန် အ​မေရိကန်အစပ် ​ကောင်​လေးတစ်​ယောက် ​မွေးစားခဲ့သည်။ ကိုရီးယား၊ အ​မေရိကန် စသဖြင့်​မွေးစားလာခဲ့ပြီး​နောက်  Jim သည် သူ့မိသားစုကို "Rainbow Family" ဟုမကြာခဏရည်ညွှန်းကာ တင်စား၍ မတူညီ​သော ဓ​​လေ့ယဥ်​ကျေးမှုများ၊ အသားအ​ရောင်များ၊ လူမျိုးများ ကို​ပေါင်းစည်းခဲ့​လေသည်။ 

၁၉၆၁ ခုနှစ်မှာ​တော့ Indianapolis ရှိ လူ့အခွင့်အ​ရေး​ကော်မရှင်၏ ပထမဆုံးဒါရိုက်တာအဖြစ် ခန့်အပ်ခြင်းခံခဲ့ပါတယ်။ ထိုအချိန်တွင် အစာအိမ်နာလည်းဖြစ်ပြီး တစ်ပတ်အကြာတွင် ​ဆေးရုံတက်လိုက်ရသည်။ သူ၏ဆရာဝန်သည် အသားအ​ရောင်ကွဲပြား​သော​ကြောင့် လူမည်း​နေရာတွင် ​နေရာချထားလိုက်သည်။ ​ဆေးရုံ​အတွက်​တော့ ထို​အချက်သည် လူသိရှင်ကြား အမှားတစ်ခုဖြစ်သွားခဲ့သည်။ Jim နှင့်မိသားစုသည် ၁၉၆၂ ခုနှစ်တွင် နျူကလီးယားကို​ကြောက်​သော​ကြောင့်  ဘရာဇီး (Brazil) သို့​ပြောင်း​ရွှေ့​နေထိုင်ခဲ့ကြသည်။ ၁၉၇၅ ခုနှစ်တွင် American Life မဂ္ဂဇင်းတွင် သူ့ကို ထိပ်တန်းဓမ္မဆရာ ၁၀၀ တွင် အမြင့်ဆုံးအဖြစ် ဖော်ပြခဲ့သည်။ ၁၉၇၆ ခုနှစ်တွင်​တော့ Los Angeles Herald သတင်းစာမှ ​ပေးအပ်​သော လူသားချင်းစာနာမှုဆုကို (Humanitarian Of The Year Award) ရရှိခဲ့သည်။ ထိုနှစ်တွင်ပင် San Francisco အိမ်ရာအာဏာပိုင်၏ Chairman အဖြစ် ခန့်အပ်ခြင်းခံခဲ့ရသည်။ 

၁၉၇၇ ခုနှစ်မှာ​တော့ ဗိမာန်​တော်နှင့်သူ့လူများသည် တောင်အ​မေရိကနိုင်ငံ ဂိုင်ယာနာ (Guyana) ရှိ "Jonestown" ဟု​ခေါ်​သော မြို့တစ်မြို့ရှိ အ​ဆောက်အအုံတစ်ခုသို့ ​ပြောင်း​ရွှေ့ခဲ့သည်။ ထို​မြေ​နေရာသည် ဧက​လေး​ထောင် နီးပါးရှိ​သော်လည်း ​မြေဆီလွှာနှင့် ​ရေချိုအရင်းအမြစ် ချို့တဲ့သည်။ သူသည် Utopia အ​ကြောင်းကို ​ဟော​ပြောခဲ့ပြီး သူ့လူများသည် အမှန်တကယ်စိုက်ပျိုးနိုင်သည်ဟု ထင်ကြသည်။ သူသည် မီလျံနာတစ်​ယောက်ဖြစ်​သော်လည်း မျှ​ဝေခဲ့ခြင်း မရှိခဲ့​ပေ။ သူသည် ဇိမ်ခံပစ္စည်းအနည်းငယ်ရှိ​သော အိမ်ငယ်​လေးတွင် အမှန်တကယ် နေထိုင်ခဲ့သည်။ 

၁၉၇၈ နှစ်အစပိုင်း​လောက်တွင် သူ့အသင်း​တော်နှင့် အသင်းသားများ အန္တရာယ်ရှိ​နေသည်ကို စိုးရိမ်​နေသည်။ တရား​ဟောရာတွင်လည်း အန္တရာယ်နှင့်ခြိမ်း​​ခြောက်ခြင်းများကို ​ဟော​ပြောသည်။ နိုဝင်ဘာလတွင် ကွန်ဂရက်အမတ် ရိုင်ယန် (Congressman Ryan) နှင့် မီဒီယာကိုယ်စားလှယ်များ (Media respresentatives) သည် ​ဂိုင်ယာနာသို့ လေယာဥ်​​နှင့်သွားကြသည်။ ​လေးရက်အကြာတွင် သူတို့သည် တိုင်းပြည်မှထွက်ခွာရန် ပြင်ဆင်ကြပြီး​ Ryan နှင့် အခြားလူ​လေးဦး ​သေဆုံးခဲ့သည်။ 

၁၉၇၈ ခုနှစ် နိုဝင်ဘာလ ၁၈ရက်​နေ့ကတော့ Jim Jones ၏ အစုလိုက်အပုံလိုက် သတ်ဖြတ်မှုကို စီစဥ်ခဲ့တဲ့ "A White Night" လို့​ခေါ်တွင်ခဲ့ပါတယ်။ ​အသီးကော့​တေး ​ဖျော်စပ်ရန် သူ့လူ​တွေကို သူမှာထားခဲ့ပါတယ်။ ဒီ​ဖျော်ရည်ထဲမှာ ​သေ​စေနိုင်​သော အဆိပ်များလည်းပါဝင်ပါတယ်။ (Cyanide, diazepan, promethazine, chloral hydrate)များနှင့် စပျစ်သီးအရသာအ​ဖျော်ရည်များကို ​ရောစပ်ထားခဲ့သည်။ သူသည် အဖွဲ့ဝင်များအား နိုင်ငံ​ရေးအချက်ဖြစ်လာ​စေရန် သတ်​သေကြရန်တွန်းအား​ပေးသည်။ ထိုသို့ သတ်မ​သေကြခင်တွင် တိတ်​ခွေတစ်ခုကို ဖွင့်ထားသည်။ 

ထိုအထဲတွင် "... ဒီ​နေရာမှာ မိနစ်အနည်းငယ်အကြာမှာ ဖြစ်ပျက်မယ့်အရာက ​လေယာဥ်​ပေါ်ကလူတစ်​ယောက်က ​လေယာဥ်မှူးကိုပစ်မယ်၊ ငါသိတယ် ဒါ​ပေမယ့် ငါမစီစဥ်ထားခဲ့ဘူး ဒါ​ပေမယ့် ဖြစ်​တော့မှာကို​တော့ သိတယ်။ ပြီး​တော့ အားလုံးပြီးသွားတဲ့အခါမှာ ငါတို့က​လေး​တွေတစ်​ယောက်မှ ကျန်ခဲ့မှာ မဟုတ်ဘူး" "... က​လေး​တွေကိုကြင်နာပါ၊ စီနီယာ​တွေကိုကြင်နာပါ၊ ပြီး​တော့ ​ရှေးဂရိနိုင်ငံကယူခဲ့ဖူးသလိုပဲ ​ဆေးကိုယူပါ ပြီး​တော့ တိတ်ဆိတ်စွာချဥ်းကပ်​ပါ ငါတို့က ကိုယ့်ကိုကိုယ်သတ်​သေတာမဟုတ်ဘူး -- ဒါက​တော်လှန်​ရေး လုပ်​ဆောင်နေတာ ... ကွန်ဂရတ်အမတ်ကို ဘယ်သူသတ်သလဲ ငါမသိဘူး။ ငါစိုးရိမ်တာက ငါသတ်ခဲ့တာပဲ ..." "... သင့်ဘဝကို ဂုဏ်သိက္ခါရှိရှိ စွန့်လွှတ်ထားလိုက်ပါ၊ ဝမ်းနည်းခြင်း​တွေ မျက်ရည်​တွေနဲ့​တော့ မစွတ်လွှတ်နဲ့ ... မင်းဘယ်​လောက် ​အော်သံ​တွေကြားကြား ငါကရုမစိုက်ဘူး၊ အကြိမ်တစ်သန်း​သေခြင်းက ဒီဘဝမှာ ရက်​ပေါင်းများစွာ အသက်ရှင်ရတာထက် သာ၍​ကောင်းတယ် ... နာကျဥ်ခြင်း မရှိ​တော့ဘူး၊ နာကျဥ်ခြင်း မရိ​တော့ဘူး ... ​သေခြင်းဆိုတာ အိပ်​ပျော်ခြင်းဖြစ်တယ် ယုံကြည်ခြင်းရှိပါ၊ မင်းတို့​တွေ ဒါကို ဖြတ်​ကျော်ရမယ်၊ ဒီကမ္ဘာ​ကြီးက ငါတို့​တွေရဲ့ အိမ်မဟုတ်ဘူး။" 

ဒီအဖြစ်အပျက်ဟာ လူ​ပေါင်း ၉၁၃​ယောက် ​သေဆုံးခဲ့ရတယ်။ ၂၇၆​ယောက်က​တော့ က​လေး​တွေပဲဖြစ်ပါတယ်။ အသင်းသားအချို့က​တော့ ထိုအဆိပ်ကို လိုလိုလားလား​သောက်ကြပြီး အချို့ကိုတော့ သူနာပြုများက ပါးစပ်ထဲသို့ ထိုးသွင်းကြသည်။ သူနာပြုတွေသည် က​လေးများကို မိခင်များထံမှယူ၍ ထို​ကော့​တေးများကို ထိုးသွင်းကြသည်။ ပရမ်းပတာ​တွေဖြစ်ခဲ့ကြပြီး​နောက် Jim က​တော့ ​သေနတ်ဒဏ်ရာဖြင့်​သေဆုံးခဲ့သည်။ သူသည် ထို​ကော့​တေးကို မ​သောက်ခဲ့​ပေ။ (မိမိကိုယ်ကိုယ်ပစ်သတ်သလား၊ သူနာပြုက အဆိပ်မ​သောက်ချင်၍ ပစ်လိုက်​လေသလား​တော့ မည်သူမှ မသိနိုင်ကြ​ချေ) 

အသက်ရှင်ကျန်ခဲ့သူက​တော့ ဒီလိုဆိုခဲ့​လေရဲ့ "ငါတို့က မှန်ကန်​သော အရာများကို လုပ်​ဆောင်​နေကြ​သော်လည်း မှားယွင်းတဲ့​ခေါင်း​ဆောင်​နဲ့ မှားယွင်း​သော ​နေရာမှာ ရှိ​နေခဲ့ကြတာ" 

​အမတ်သည် ဘာ့​ကြောင့် Jim ကို​သွား​တွေ့သလဲ၊ ဘာ့​ကြောင့် ​သေသွားရသလဲ စသဖြင့် စုံစမ်းခဲ့ကြသည်။ Jim သည် ဘာသာ​ရေး၏ နူးညံ့သိမ်​မွေ့မှုကို အခွင့်​ကောင်းယူ၍ လူများကို အသုံးချခဲ့သည်ကို ​တွေ့ရှိရသည်။ လူများအား ဘာသာ​ရေးနှင့် သိမ်းသွင်းခဲ့ပြီး သူထားရာမှာသာနေ​စေခဲ့သည်။ နြူးကလီးယားရန်ကို အ​ကြောင်းပြ၍ လူများအား ​ခေါ်​ဆောင်ခဲ့ပြီး ထို​နေရာတွင်သာ ​နေ​စေခဲ့သည်။ ထိုလူများသည် စိုက်ပျိုးရပြီး သူ​စေလိုရာ​စေပြီး ခိုင်းစားသည်။ သူ့​နောက်လိုက်ကြသူများသည် ​နေအိမ်များ ပိုင်ဆိုင်မှုများ​ရောင်းချကာ Jim ​နောက်လိုက်လာကြသူများဟုဆိုကြသည်။ ဒီလူ​တွေကိုလည်း ဖမ်းဆီးထားပြီး ထိုသူများ၏ ပိုင်ဆိုင်မှုများကို Jim သိမ်းလိုက်သည်ဟုပင် ဆိုကြသည်။ ဖြစ်နိုင်ပါသည် ဒါ့​ကြောင့်လည်း အရမ်းချမ်းသာသွားသည်မဟုတ်ပါလား။ ထိုလူများမှ အချို့သည် ထွက်​ပြေးလွတ်​မြောက်ခဲ့​သော​ကြောင့် ထိုသတင်းကိုကြား၍ လွှတ်​​တော်မတ်သည် စုံစမ်းဖို့ရာ Jim ဆီသို့ သွားခဲ့သည်ဟုဆိုကြသည်။ တစ်ခုခုသိသွားမည်စိုး​သော​ကြောင့် Jim ကနှုတ်ပိတ်ခဲ့သည် ဒါ့​ကြောင့် ​နောက်ဆက်တွဲပြဿနာကို ရင်ဆိုင်ရမည်ကို စိုးရိမ်​သော​ကြောင့် "A White Night" ကို စီစဥ်ပြီး လူ​တွေကိုပါ အပါ​ခေါ်သွားခြင်းဟုဆိုကြ​လေသည်။ 

Personaliry Cult သည် ​ကြောက်စရာ​ကောင်းလှသည်။ ဘာသာ​ရေး၏ နူးညံ့သိမ်​မွေ့ခြင်းကို အသုံးချ၍ ကိုယ်ကျိုးရှာသူများသည် အင်မတန် ဟန်​ဆောင်​ကောင်းကြသည်။ ​အ​ပြော​ကောင်း အ​ဟော​ကောင်းပြီး ​နောက်ကွယ်တွင်လည်း ​မှောင်မိုက်တန်ခိုးများရှိ​နေတတ်ကြသည်။ ဟုတ်ပါတယ် ... တစ်ခါတစ်​လေမှာ ပုဂ္ဂိုလ်တစ်ဦးဦး၏ ဟုတ်သလိုလိုရှိ​သော အရာတစ်ခု၊ သမ္မာတရားလိုလိုဘာလိုလိုကို မှန်သ​ယောင်နှင့် ကျမ်းစာအုပ်​လေးဗန်းပြလိုက်ရုံဖြင့် လူ​တွေက လိုက်ပါ​နေတတ်ကြတယ်၊ ထိုသူကိုသာ မြင်​နေတတ်ကြ​သော်လည်း မှားယွင်း​သောသူနှင့်အတူတူ မှားယွင်းစရာ​တွေကိုလုပ်​ဆောင်​သော ​နေရာမှာရှိ​နေတတ်ကြသည်မဟုတ်ပါလား။ ဒါ့​ကြောင့် တစ်ခါတစ်​လေမှာ လူကိုကြည့်ရင်​တော့ သမ္မာတရားလိုလို ဘာလိုလို​တော့ လုပ်​နေတာပဲ ဒါ​ပေမယ့် သမ္မာတရားနဲ့ လွဲသွားတယ်၊ ဒါ​ပေမယ့် လူ​တွေကို ထိခိုက်​စေတယ်၊ ဒါ​ပေမယ့် လူ​တွေကို ချစ်ခြင်း​မေတ္တာမ​ပေးနိုင်ဘူး၊ ဒါ​ပေမယ့် လူမျိုး​​ရေးသာဦးစား​ပေးသွားတယ်၊ ဒါ​ပေမယ့် အသက်တာက ခရစ်ယာန်တစ်​ယောက်လို့မမြင်ရဘူး၊ ဒါ​ပေမယ့်တွေများ​နေရင်လည်း သတိထားကြရမှာဖြစ်ပါတယ်။ မျက်စိမှတ်ပြီး ထိုလူပုဂ္ဂိုလ်ကိုသာ စွတ်ပြီးမ​တောင့်တပါနှင့် Personality Cult ဖြစ်တတ်သည်ကိုလည်း သတိထားကြရ​ပေမည်။ 

ဒါ့​ကြောင့်လည်း ယုံကြည်သူခရစ်ယာန်များကို သတိထားကြဖို့ရာ နှုတ်ကပတ်​တော်မှာ သေ​သေခြာခြာသတိ​ပေးထားသည်။ ဝိညာဥ်​​တော်ဟုဆိုတိုင်း မယုံကြဖို့၊ ဝိညာဥ်​တော်က​ပြောတယ်၊ ဘုရားသခင်ငါ့ကို​ စကား​ပြောတယ် စသဖြင့် ​ပေါက်ပန်း​လေးဆယ်သမားများလည်းရှိတတ်သည်ကို သတိပြုရမည်။ သမ္မာတရားကိုလက်တစ်လုံးခြားလုပ်ခြင်း၊ ကျမ်းစာအုပ်ကိုင်၍ ကိုယ်ကျိုးရှာခြင်း၊ စီးပွား​ရေး နိုင်ငံ​ရေး ဘာသာ​ရေး လူမျိုး​ရေး အစရှိသဖြင့် များစွာရှိကြသည်ကိုလည်း ခရစ်ယာန်များ သိထားရမည်ဖြစ်သည်။ အဘယ့်​ကြောင့်ဆို​သော် မိစ္ဆာပ​ရောဖက်များ၊ မိစ္ဆာဆရာသမားများ၊ ကိုယ်ကျိုးအသုံးချသော အမည်ခံဟန်ပြများသည် များစွာ ဤ​လောက၌ ရှိ​နေကြပြီဖြစ်သည်။ 

ရှင်ယောဟန်ဩဝါဒစာ ပဌမစောင် ၄:၁
ချစ်သူတို့၊ ခပ်သိမ်းသောစိတ်ဝိညာဉ်တို့ကို မယုံကြနှင့်။ စိတ်ဝိညာဉ်တို့သည် ဘုရားသခင်နှင့် စပ်ဆိုင်သည် မစပ်ဆိုင်သည်ကိုစုံစမ်းကြလော့။ အကြောင်းမူကား၊ မိစ္ဆာပရောဖက်အများတို့သည် ဤလောကသို့ သွားကြပြီ။ 

ဒါ့​ကြောင့် လူပုဂ္ဂိုလ်ကို စွဲလန်းခြင်းမရှိစေဖို့နှင့် ဘုရားသခင်ခွဲခန့်မှတ်သား​သော သူကို ဝန်ခံတတ်ရန်၊ မိမိနှစ်သက်သူသည် သမ္မာတရားကို ​မှောက်လှန်သူဖြစ်ရင် သမ္မာတရားဘက်၌ ရပ်ရန်လိုအပ်ပါသည်။ ဆရာစွဲ၊ ပုဂ္ဂိုလ်စွဲ၊ စသဖြင့် အစွဲများသည် Personality Cult ထိဖြစ်တတ်​သော​ကြောင့် ထိုအစွဲများကို ချွတ်ပယ်ကာ သမ္မာတရားကို ပိုင်းခြားနားလည်တတ်​သော ယုံကြည်သူများဖြစ်ကြ​စေရန် ဘုရားရှင် သင့်ကို အလင်း​ပေးဖွင့်ပြပါ​စေ။ 

Jim Jones အ​ကြောင်းကို ဖတ်ချင်ရင်​တော့ ​ဖော်ပြပါ Link နှစ်ခုတွင် သွား​ရောက်ဖတ်ကြည့်နိုင်ပါသည်။ 

https://www.documentarytube.com/articles/jim-jones--the-humanitarian-who-killed-900-people-and-poisoned-300-children?fbclid=IwAR2vd-HmiWGXurY5LJCO_8aYQbq8va99_oc5Fz0_oPZXq7d_7MkCtwXBJZM 

https://www.rollingstone.com/feature/jonestown-13-things-you-should-know-about-cult-massacre-121974/?fbclid=IwAR0NXx0Ug4QzXjpH1KWKubIgML2M2MptsxO_cHo7YVI_AgfhdCPLuh3KUqs 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet