ကျွန်​တော်တို့ယုံကြည်သူများသည်လည်း အမှတ်မထင် လဲကျတတ်သည်။ ဇာတိသ​ဘောကို မသိမသာ လိုက်မိတတ်ကြသည်။ ​လောကသဘာဝအတိုင်း မသိမသာ အသက်ရှင်မိသည့်အခိုက်အတန့်​လေး​တွေရှိတတ်ကြသလို၊ ငါဆိုသည့် အတ္တ​လေးများမသိမသာ ကြီးစိုးမိသည့်အချိန်လည်း ရှိတတ်​ပေသည်။ 
​ယုံကြည်သူလည်း လဲကျတတ်ပါသည်ဟု မ​မေ့မ​လျှော့ ဆင်ခြင်ပြီး အသက်ရှင်ဖို့ရန်အတွက် အင်မတန်အ​ရေးကြီးပါသည်။ ​စိတ်ဆိုးမိသည့်ကာလ၊ ​​အော်ဟစ်မိသည့်အချိန်၊ မှားယွင်းမိသည့်အရာများရှိတတ်ကြမည်ဖြစ်​သော်လည်း ဝိညာဥ်​တော်၏ ​ဖော်ပြခြင်း​ကြောင့် ​နောင်တရတတ်ကြသည်။ အပြစ်ကိုအပြစ်မှန်း၊ အမှားကိုအမှားမှန်းသိလာကာ လှည့်ပြန်တတ်ကြသည်။ 

မတရား​သောသူများ၏ အကြံအစည်​ကြောင့်​သော်လည်း​ကောင်း လဲကျမိခြင်း၊ မနာလိုမုန်းတီးသူများ၏ ရန်လိုခြင်း​ကြောင့်​သော်လည်း​ကောင်း လဲပြိုကျခြင်း၊ မည်သည့်ကိစ္စ​ကြောင့်မှန်းမသိ​သော်လည်း အ​ကြောင်းအမျိုးမျိုး​​တို့ကြောင့် ယုံကြည်သူများသည် လဲကျတတ်​သော်လည်း ပြန်လည်ထနိုင်ခြင်းသည် ​ကျေးဇူး​​တော်​ကြောင့်ပင်ဖြစ်သည်။ ထို​ကျေးဇူး​​တော်​ကြောင့်သာပင်လျှင် ကျွန်ုပ်တို့​ဖြောင့်မတ်သူများမှာ ခုနှစ်ကြိမ်လဲ​သော်လည်း ပြန်ထနိုင်​သေးသည်မဟုတ်ပါလား။ 

သုတ္တံကျမ်း ၂၄:၁၆
ဖြောင့်မတ်သောသူသည် ခုနစ်ကြိမ်လဲသော်လည်း ထပြန်လိမ့်မည်။ 

ချစ်​သောမိတ်​ဆွေ ယ​နေ့ကျွန်ုပ်တို့၏ လဲကျခြင်း​တွေအ​ပေါ်မှာ အားမငယ်ပါနှင့်၊ စိတ်မပျက်ပါနှင့်။ ကျွန်ုပ်တို့၏ လဲကျခြင်းတိုင်းတွင် ပြန်ထနိုင်မည့်အခွင့်ရှိ​သည်မဟုတ်ပါလား။ သင်နှင့်ကျွန်ုပ်၏ ​​ခြေလှမ်းတိုင်းကို သမ္မာသတိနှင့်သွားလာကြကာ ​ဘေးဘယ်ညာမတိမ်း​စောင်းပဲ အသက်တာကို ဘုန်း​တော်ထင်ရှားခြင်းအားဖြင့် အလင်းကို လင်းကြပါစို့။ 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet