"ထင်းခွေမကြုံရင်​၊ ​ရေခပ်​တော့ကြုံမှာ​ပေါ့" ဆိုသည့်စကားအတိုင်း လူ့​လောက၏ သ​ဘောတရားသည် အတုန့်အလှည့်ရှိတတ်ကြသည်။ အခွင့်ရလျှင် ရသလို တန်ပြန်တိုက်ခိုက်တတ်ကြ​သော​ကြောင့်လည်း ​"ပေဖြစ်တုန်း​တော့ ခံ​ပေါ့၊ တူဖြစ်မှ နှံမည်" ဟုဆိုတတ်ကြ​ပေသည် မဟုတ်ပါလား။ 

"မိုး​ကောင်းတုန်း​တော့ ရွာထားဦး​ပေါ့ အလှည့်ကျရင်​တော့ မနွဲ့စတမ်း​ပေါ့" ဟုဆိုတတ်သည့် ​လောကကြီးသည် သူတပါး၏ အပြစ်ကိုလက်ညှိုးထိုးကြစတမ်းပါဘဲ။ ထိုအပြင် ကလဲ့စား​​ချေတတ်ကြသည်မှာလည်း အားလုံးလည်းသတိပြုမိနိုင်မည်ဖြစ်​ပေသည်။ 

လူငယ်တစ်​ယောက်ကို သူ၏အကိုဖြစ်သူများမှ အခြားတိုင်းပြည်သို့ ကျွန်အဖြစ်​ရောင်းစားခဲ့ဖူးသည်။ အ​နေဆင်းရဲ အစားဆင်းရဲဖြစ်ခဲ့ရကာ ရပ်​ဝေးဖြစ်သည့် မိဘနှင့်​ဝေးရာတွင် ​နေထိုင်ခဲ့ရ​ပေသည်။ သူ၏ အမည်မှာ​တော့ "​ယောသပ်" ပင်။ 

ကျွန်အဖြစ်​ ​ရောင်းစားခံခဲ့ရလို့ ​အ​တော်ပင်ပန်းခဲ့ရသည်။ အ​ခြေအ​နေ​လေး​ကောင်းလို့ အိမ်​တော်ထိန်းအဖြစ်​နေရသည်ကိုပင် မတရားစွပ်ဆွဲခံရ​သော​ကြောင့် ​ထောင်ကျရပြန်။ ​ထောင်ထဲတွင်လည်း ဒုက္ခဆင်းရဲခံရမှာဖြစ်သလို ​အနေအထိုင်လည်း ခက်ခဲပေဦးမည် မဟုတ်ပါလား။ ​ 

​​နေပူပူ​အောက်တွင် စပျစ်သီးနယ်ပြီးသည်နှင့် တပြိုင်နက် စပါး​ထောင်းကာ ​ချွေးအပြိုက်ပြိုက်ကျ​နေသဖြင့် ​ရေတစ်ငုံ​သောက်ရင်း ​ကျောသို့ကျ​ရောက်လာသည့် အပူဒဏ်နှင့် ကျွန်ထိန်း၏ ကြာပွတ်ဒဏ်ကို ကြံ့ကြံ့ခံလာ​သော ခန္ဓါကိုယ်သည် ​အေးချမ်းလှသည့် ​​ဆောင်းည၏ ​ထောင်တွင်း အ​အေးဒဏ်ကို သိပ်ခံနိုင်ရည်မရှိ​သော​ကြောင့် ​ခပ်ပါးပါး မြက်ဖြာကိုခြုံလျှက် အေး​အေးနှင့် ​ကွေးကာ လူးလိမ့်​နေသည့် ​ယောသပ်ကို မြင်​ယောင်ကြည့်နိုင်​ပေသည်။ 

ညစဥ်ညတိုင်း ​ထောင်တွင်းမှ အ​အေးဒဏ်ကို အလူးအလဲခံရင်းနှင့် မနှစ်မြို့စရာ ကျွန်ဘဝမှ ဖြစ်ရပ်များသည်လည်း မဖိတ်​ခေါ်ဘဲ ​ယောသပ်၏ အိပ်မက်ထဲသို့ ​ရောက်​ရောက်လာတတ်​သကဲ့သို့ စဥ်းစားကြည့်တိုင်း အသဲနာစရာ ရင်နင့်စရာဖြစ်ရပ်သည် အကိုများနှင့် ​နောက်ဆုံးမြင်ကွင်းပင်​ဖြစ်ပေ​တော့မည်။ အိပ်မက်ဆိုးများ​ကြောင့် လန့်လန့်နိုးခဲ့ရသည့် ​နေရက်များသည် လက်ချိုး​ရေတွက်နိုင်ပါဦးမည်​လော။ 

သူခံစားခဲ့ရသည့် ပြဿနာများ၏ အရင်းအမြစ်ကို လိုက်ကြည့်လျှင် အကိုဖြစ်သူများ၏ လုပ်ရပ်ပင်ဖြစ်​မည်ဟု ​ယောသပ်​ကောင်းကောင်းနားလည်သည်။ သို့​​သော်လည်း ကလဲ့စား​ချေရန် မစဥ်းစား။ "ထင်း​ခွေမကြုံ​ပေမယ့် အစာရှားပါးသည့်အချိန်မှာ​တော့ ​ရေခပ်ကြုံပြီ" ဟုမ​တွေးထားခဲ့​ပေ။ "အခုမှ ငါ့အလှည့်ကွ ​ကောင်း​ကောင်းထုပြီ" ဆိုလျှင်လည်း အကိုဖြစ်သူများကို အစပင်ပြန်ရှာ၍ရနိုင်မည်မဟုတ်​ပေ။ 

ကမ္ဘာဦးကျမ်း ၄၅:၅
သို့ရာတွင် သင်တို့သည် ကျွန်ုပ်ကို ဤအရပ်သို့ရောင်းလိုက်မိသောကြောင့် စိတ်မညှိုးငယ်ကြနှင့်။ ကိုယ်ကိုအမျက်မထွက်ကြနှင့်။ အကြောင်းမူကား၊ ဘုရားသခင်သည် လူတို့အသက်ကိုစောင့်မစေခြင်းငှါ သင်တို့ရှေ့မှာ ကျွန်ုပ်ကိုစေလွှတ်တော်မူပြီ။ 

အဆင့်အတန်း၊ အ​ခြေအ​နေတို့မှာ အ​တော်ပင်ကွာခြားသွားခဲ့ပြီဖြစ်​သော်လည်း ရှိ​တော့ဟု ထားတတ်သည့်စိတ်က​လေးမှာ အတုယူစရာအဖြစ်မြင်​တွေ့ရသည်။ ဘုရားသခင်သည် သင်တို့​ရှေ့မှာ ကျွန်ုပ်ကို ​စေလွှတ်ပြီဟုဆိုသည်မှာလည်း မှန်​ပေသည်။ ထို့​ကြောင့် ​ယောသပ်မြင်သည့်အမြင်မှာ ​နာကျင်စရာအတိတ်နှင့် ဖြတ်သန်းခဲ့ရသည့် ခက်ခဲခြင်း​တွေကိုမဟုတ်ခဲ့ပါ။ အကိုတို့၏​ရောင်းစားခဲ့ခြင်း၊ ကျွန်ဘဝမှ မတရားစွပ်စွဲခံရခြင်း၊ ​ထောင်ကျခြင်း တို့သာမရှိခဲ့လျှင် ယခုကြုံရသည့် အစာ​ခေါင်းပါးခြင်း အခက်အခဲကို​ဖြေရှင်းခွင့်ရှိမည်မဟုတ်ဟုသာမြင်သည်။ ထို့​ကြောင့်လည်း အကိုတို့ စိတ်မ​ကောင်းမဖြစ်ပါနဲ့၊ ကိုယ့်ကိုကိုယ်လည်း စိတ်မဆိုးကြပါနဲ့၊ ဘုရားသခင်က ဒီအစာ​ခေါင်းပါးခြင်း အခက်အခဲထဲက​နေ လူ​တွေကိုကယ်တင်စေဖို့အတွက် သင်တို့အ​ရှေ့မှာ ငါ့ကို ​စေလွှတ်ခဲ့တာပါဟုဆိုနိုင်ခြင်းပင်ဖြစ်သည် မဟုတ်ပါလား။ 

ကျွန်ုပ်တို့ ယုံကြည်သူ​တွေကလည်း ​ခက်ခဲခြင်း​တွေ၊ နာကျင်ခြင်း​တွေ၊ အတိတ်ရဲ့ အိပ်မက်ဆိုး​တွေ၊ ပြဿနာအခက်အခဲ​တွေကိုသာ ကြည့်ရင်း ငို​ကြွေးပြီးရင် ငို​ကြွေး​နေမိပါသလား။ သို့မဟုတ် လက်ညှိုးထိုး အပြစ်တင်​နေမိပါသလား။ ခွင့်မလွှတ်နိုင်​လောက်​အောင် နာကျင်​နေရတုန်းလား။ ​ယောသပ်က​တော့ ရှိတဲ့​နေရာ၊ ဖြစ်တဲ့အရာ​တွေကို ​ကောင်းစွာနားလည်ထားတယ်။ အ​ကြောင်းမရှိဘဲမဖြစ်ဘူး၊ တိုက်ဆိုင်မှုမရှိဘူးဆိုတာကို နားလည်တတ်သူလည်းဖြစ်သည်။ ကျွန်ုပ်တို့က​ရော မည်သည့်ချည်​နှောင်ခြင်း​တွေကို "ရှိ​စေ​တော့" ဟုဆိုရန် လိုအပ်​နေပါသနည်း။ ယ​နေ့မှာ နာကျင်ရခြင်း​တွေ၊ အတိတ်ဆိုး​တွေ၊ ငို​ကြွေးခြင်း​တွေ၊ မတရားစွပ်စွဲခံရခြင်း​တွေ၊ စသဖြင့် သင်နှင့်ကျွန်ုပ်ရဲ့ ချည်​နှောင်ခြင်း​တွေက​နေ လွတ်​မြောက်​စေဖို့ရန်ဖြစ်ပါတယ်။ ဒါ့​ကြောင့် အပြစ်တင် နာကျင်ငို​ကြွေး​နေမည့်အစား "ရှိပါ​စေ​တော့" ဟုသာ ..... 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet