ကျွန်​တော်တို့လူသားများသည် ​လောဘကြီးတတ်သည့် အ​လေ့အထရှိကြသည်။ က​လေးငယ်တစ်ဦးသည်ပင်လျှင် သကြားလုံးအကြီး အ​သေး​ရွေးယူတတ်သကဲ့သို့ လက်မလွှတ်တမ်းကိုင်ထားတတ်ကြသည့် အရာများပင်ရှိကြ​သေးသည်မဟုတ်ပါလား။ 

ကျွန်ုပ်တို့သတိမထားမိကြသည်မှာ တပ်မက်ခြင်း​ကြောင့် ဖြတ်လမ်းနည်းကိုသုံးကြသည့် ​နောက်ကွယ်မှ ကျွန်​တော်တို့ဆုံးရှုံးသွားကြရသည့် ဝမ်းနည်းစရာ အရာများပင်ဖြစ်သည်။ ​လောဘ၏ အကျိုးဆက်များဟုလည်း ​ခေါ်ဆို​ကောင်း​ခေါ်ဆိုနိုင်​ပေလိမ့်မည်။ အချို့က မိမိ၏တပ်မက်ခြင်း​ကြောင့် လိမ်ညာသည် ​သို့​သော် သူ့အ​ပေါ် လူအများ၏ယုံကြည်မှု ဆုံးရှုံးသွားသည်ကို သူမသိလိုက်​ချေ။ 

အချို့ကလည်း ​ငွေကိုတပ်မက်၍ လာဘ်​ပေးလာဘ်ယူလုပ်သည်​သော်လည်း ထိုသူ၏ ဂုဏ်သိက္ခါနှင့် ​ဖြောင့်မတ်ခြင်း အ​ရောင်ဆိုးခံခိုက်ရ​ကြောင်းကို သူကိုယ်တိုင်သတိမထားမိပါ။ တခါတ​လေတွင် ကျွန်​တော်တို့၏ လိုချင်တပ်မက်မှု၊ ရမက်ကြီးခြင်း​လောဘတရားသည် ​နောက်ကွယ်မှအရာများနှင့် အကျိုးဆက်များကို မမြင်နိုင်​လောက်​အောင်ပင် ဖုံးကွယ်​နေသည်။ 

ရာထူး၊ စည်းစိမ်၊ အာဏာ၊ အစွမ်းသတ္တိ၊ စသဖြင့် မိမိတို့၏ ​လောဘများ တပ်မက်ခြင်းများနောက်သို့ ဖြတ်လမ်းနည်းများကို သုံး၍ လိုက်တတ်ကြ​ပေသည်။ ထိုတပ်မက်ခြင်းအတိုင်း အလိုရှိရာကိုရလည်း ရရှိသွားတတ်ကြသည်။ သို့​သော် ထို​နောက်ကွယ်မှ ဝမ်းနည်းခြင်းများ ​ရောယှက်​နေသည်ကို မသိမိလိုက်ကြပါ။ 

မိတ်​ဆွေ၏ တပ်မက်ခြင်း​ကြောင့် မိတ်​ဆွေ၏ ဂုဏ်သိက္ခါ၊ ​ဖြောင့်မတ်ခြင်း၊ လူသားဆန်မှု၊ သနားခြင်းကရုဏာ၊ ​မေတ္တာတရား၊ ကိုယ်ချင်းစာမှု၊ ညှာတာ​ထောက်ထားခြင်း၊ ယုံကြည်မှု၊ ​လေးစားမှု စသည့် အမျိုးမျိုး​သောအရာများသည် ဆုံးရှုံးသွားတတ်သည်။ လိုချင်သည့် အရာသည် ဖြတ်လမ်းနည်းအတိုင်း ရရှိနိုင်ပါ​သော်လည်း ဝမ်းနည်းခြင်းအရာများလည်း ​ရော​နှောကာ ပါဝင်​နေတတ်သည်ကို မ​မေ့ဖို့ရန် အင်မတန်အ​ရေးကြီးပါသည်။ 

သုတ္တံကျမ်း ၁၀:၂၂
ထာဝရဘုရား၏ ကောင်းချီးမင်္ဂလာသည် စည်းစိမ်ကို ဖြစ်စေတတ်၏။ ထိုစည်းစိမ်နှင့်လည်း၊ ဝမ်းနည်းခြင်း အကြောင်းကို ရောနှောတော်မမူ။ 

ထာဝရဘုရား၏ ​ကောင်းကြီးမင်္ဂလာမူကား ထိုသို့မဟုတ်။ ဝမ်းနည်းခြင်းနှင့်​ရော​​နှော​ခြင်းမရှိသည့် အရာပင်ဖြစ်သည်။ ကျွန်ုပ်တို့၏ ရှိသည့်​နေရာ ကျွန်ုပ်တို့၌ ရှိသည့်အရာများသည် ဖြတ်လမ်းနည်းဖြင့် ရယူထားကြသည့် ရာထူး၊ စည်းစိမ်၊ ပစ္စည်းဥစ္စာ၊ အာဏာ၊ အစွမ်းသတ္တိ၊ ဂုဏ်ဓနအင်အား​တွေများဖြစ်​နေပါသလား။ ​သေချာတာတစ်ခုက​​တော့ မိမိတို့၏ တပ်မက်ခြင်း​ကြောင့် မတရား​သောနည်းလမ်းများဖြင့် ရယူလိုက်သည့် အရာများ၌ ဝမ်းနည်းခြင်းအ​ကြောင်းများ ​ရော​နှော​နေတတ်သည်ပင်ဖြစ်သည်။ 

ယ​နေ့ မိတ်​​​ဆွေနဲ့ ကျွန်​တော်တို့၏ တပ်မက်ခြင်း​ကြောင့် ဘာ​တွေဆုံးရှုံး​နေရပြီလဲ။ ယုံကြည်မှုလား၊ ​လေးစားမှုလား၊ ဂုဏ်သိက္ခါလား၊ လူသားဆန်မှုလား၊ ​မေတ္တာလား၊ ကိုယ်ချင်းစာတရားလား၊ ကရုဏာတရားလား၊ တရားမျှတမှုလား စသဖြင့် ဘယ်အရာ​တွေကို ဆုံးရှုံးလိုက်ရပြီလဲဆိုတာ​တွေကို ဆင်ခြင်ရင်း ... 

ဘုရားရှင်ဆက်လက်စကား​ပြောပါ​စေ။ 

#Titus_KyawNyi 

Photo Crd: Internet